وعليكم السلام ورحمة الله وبركاته



صحيح كلامكـ أخوي رايق وأتفق معاكـ



ولا بد في البدايه أن يكون الطريق صعب للخريج ومثلاً إذا تخرج الشخص يتوقع إنه راح يحصل وظيفه براتب ممتاز لكن مين راح يقبله بدون خبره ..

( إكتساب الخبره مطلوب .. ولو عمل الإنسان براتب زهيد بسيط في البدايه ومن بعدها يقدر يقدم على الفرص الأفضل فالأفضل .. )


و مع مرور الوقت وإكتساب الخبره وأهم شي عدم اليأس والتوكل على الله في كل شي


أهم شي إن كل إنسان عاطل حاليا يحاول يشوف له أي شغله حتى لو كانت بسيطه المهم إنه ما يجلس في البيت ويضيع عليه الوقت

والله يوفق الجميع لما يحبه ويرضاه ..


شكرا رايق

بس الوظايف اللي زي هاذي ماتعطي خبره ,,الكاشير نقول يعطي خبره للمحاسب بس ابي افهم حارس الامن بيعطي الجامعي اي نوع من الخبره ؟؟؟
انت فعلا رايق أجل تبي تفهمني ان السعودية ديرة الوظايف الكثيره ,,,الحين انا خريجة بكالوريوس حاسب ابي اي زفت يسمى وظيفة ومايهمني الراتب بس المهم اطلع منه بشي يسمى خبره
لابد في نفس مجالي ,,مالقيت الا في المعاهد اللي خبرتهم تربوية والعمل عندهم نظري يعني حقت دراسة وهاذي ماتفيدني لان مو تربوية
ايش الفايده اذا رضيت فيها لذلك جلسةالبيت أفضل مو لأن الراتب مو عاجبني بس لأن الوظيفة ماراح تقدم لي شي ولا تأهلني لمستقبل افضل
قيس ع كذا باقي الخريجين من الأقسام الثانية ,الاغلب يبون وظيفة تقدم لهم شي

وعليكم السلام ورحمة الله وبركاته
كلامك صحيح 100%
لكن بعض الشباب السعودي لايقبل الا ان يكون مديرا او مسؤول ومؤهله العلمي منخفض معليش على الكلام هذا لكن هذا الواقع
وفي اعتقادي ان الفرص موجوده لكن قليله ولاتستحق الا الجديرين
والوظائف المهنيه متوفره وبكثره واقسام المنتدى تشهد على كلامي

واذا عن الخبرة صح انو بعض الوظائف تطلب خبره وحلها بسيط وهو بطرق عديده مثل :
على حسب تخصصك او ميولك االوظيفي
- العمل التطوعي
- المدارس الاهلية
- طلب تأهيل مهني
- واي شركة تعمل فيها من ابسط حقوقك انك تطلب شهادة خبرة

مع تمنياتي للجميع بالتوفيق والسداد

تقبلوا فائق احترامي وتقديري

يعطيكـ العافية رايق

وعليكم السلام ورحمة الله وبركاته

حياك الله اخوي رايق

معاك وبنفس الوقت ضد 3000 ريال

يا اخي انا راح اعمل اي وظيفة بس لازم تكون فوق 5000 ريال بحكم ان الواقع لدينا غلاء غذائي وسكني

القطاع الخاص لو يكون اقل حد في الرواتب 3500 ريال وبدل برنامج حافز والـ 2000 ريال

ضع برنامج دعم حكومي بشكله الصحيح وادعم من يعمل كاشير او حارس امن الي يجد راتب 3000ريال و دعم حكومي شهري 2000 او 2500 بـ هالشكل صدقني ما راح تلقى عاطل لان الراتب اذا عدا حاجز الـ 5000 ريال حينها يتجه الشباب المتعطل لـ حل هذه المعضلة المؤرقة

صندوق دعم حكومي لـ القطاع الخاص عن طريق الموظف يعني يحضر خطاب من مجال عمله ويسجل بياناته بالتجديد كل سنة والحكومة تنزل له الدعم مع نزول الراتب

انا ضد برنامج حافز لان كله كذب في كذب و اهدار للمال العام

مكتب العمل يجبر العاطلين برواتب 2500 ريال واذا لم يجد العاطل وظيفة يدعم بـ 2000 ريال هذا هو الغير معقول


الله يعطيك العافية

وعليكم السلام ورحمة الله وبركاته

اتفق مع الاستاذ كساب طيب في الرواتب

ولكن البعض من حولنا له نظره عقيمه نحو هذه الوظائف
فهو يمني النفس بان يكون مديرا عاما
والمجتمع ايضا سلبي فهو لا يحث على مثل هذه الوظائف وتحقير الشخص الذي يشغل هذا المنصب


هل تعلم لماذا ... لان الاغلب ... لم يشعرو يوما بطعم الجوع


ولا اخفيك مشاهد مكرره
حينما ترى الشباب السعودي وهو ينشد عبارت السخريه امام رجال الامن في المجمعات والاسواق امام مرى الكثير من الناس
فلا اعتقد فيمن شاهد مثل هذا المشهد بان يوافق على مثل هذه الوظيفه

شدني ما قال المهندس عادل فقيه في الشرق الاوسط اليوم
حنما قال عدد تاشيرات الاستقدام للسنوات الاخيره فاقة اثين مليون
وعدد الاجانب الذين يشغلون وظائف في القطاع الخاص 6,5 مليون
وعدد السعودين الذين يعمولون في القطاع الخاص لا يتجاوزون 700 الف
نتمنى له التوفيق


بس سعر برميل البترول 200 $

أخوي لانضحك على بعض...ملكنا ماقصر
بس والله القطاع الخاص يفضلو الاجانب
ع السعودة لان الاجانب اقل رواتب
انا شفت فعيني أخي...حسدنا مننا وفينا للآسف
وربي اني اشتغلت فمعد شهر تعرف انو
لما يجي تفتيش يخبو المصريات والسوريات
عشان ماتصير مخالفة ع المعهد
ليه يبون المصرية والسورية لانها أقل راتب
ام السعودية أعلى راتب
أخي لو جينا لواقع المستشفيات الحاصل الاجانب أكثر
ليه حتى فالوظائف الادارية لان رواتبهم أقل
أخي انا جربت وشفت فعيني كيف الحقد علينا مننا وفينا
بصراحة ظروفي المادية سيئة بس الحمدلله ماأتذمر
بس لما أشوف الحاصل انقهر من جد الحسد مننا وفينا
يعني الحين لما يوظفوا الاجانب ويتركوا ابناء الوطن ليه؟؟؟؟
القطاع الخاص وهم راتبه قليل مايبون سعوديات
انا بصراحة لما اشتغلت...حددولي راتب فترة 1200
وانا بكالوريوس وعتمدة من الوزارة حشا وش ذا الراتب
بصراحة طفشتهم لين رفعوا الراتب وصار فالفترة 2000ريال
وشفتين 4000ريال وتركت الوظيفة تعرف ليش لان ماعندي مواصلات.
حتى ماقدرت آخذ من عندهم خبره


اخي والله البعض صح يذمر بس البعض الآخر لا يعمل قصارى جهده
ليشغل وقته بمايفيده.

ونقول الحمدلله على كل حال.
شكرا لك ع الطرح.

وين وظايفك ام 3000 ماحصلنا غير 1500 وطقتها وياليتنا عاجبين المدير الاجنبي من جهه وصاحب العمل من جهه وفرضا واحد توظف بهالثلاث الالاف برأيك هذي تفتح بيت كيف بيتزوج ؟؟؟
اغلبيه دول العالم الناس تتجهه للقطاع الخاص لان رواتبه عاليه ومميزاته اعلى الا عندنا يبون يكرفونك في اكبر كميه من الشغل واكبر عدد من الساعات بأقل اجر
ترا على كلامهم العاطلين نص مليون لو يبون يوظفونهم من بكره كان وظفوهم المملكه كبيره لو بكل قريه وكل مدينه عينوا 10 كان خلصنا

االحمد لله ان الرزق على الله ماهو على خلقه بس
صدق من قال
المعطي الله مالخلقه عطايا
لو هي على خلقه سقتنا المراير

السلام عليكم ورحمة الله وبركاته

لي تعليق بسيط اذا راتب الوظيفة بالشهر نضربها بالسنة يصبح 3000×12=36000

إيجار الشقة بالمتوسط 18000 سنوياً

يعني نصف الراتب يذهب في إيجار الشقة فهل 1500 ريال يستطيع أن يؤمن الموظف قوت يومه ومن يعول ويسدد بها فواتير الكهرباء والهاتف والماء ومحروقات سيارته ؟

طبعاً لا

أرى ان يتم سعودة الوظائف القيادية التي يشغلها غير السعودي في الشركات الكبرى مثل أرامكو وسابك وسكيكو وغيرها .

أو أن تسهل الأمور للشباب للإنخراط في العمل الحر الذي تكبله البيروقراطية البحته .

جزاك الله خير استاذ رايق على الطرح الهادف.

__________________
ومن يعمل من الصالحات وهو مؤمن فلا يخاف ظلما ولا هضما