3000 ماتسوي شي في هاذا الزمن والقطاع الخاص الي تتكلم عنه تكرف كرف الحمير بسدد منها ولا بتاكل منها ولا بتتزوج منها

اخوي صاحب الاعلان حاول انك ((تطلع منها)) لنه الشعب طفران وانت تقول توظف اي وظيفه


ياخي حنا لاقيين وظايف عشان نتوظف اي وظيفه

صحيح كلامك اخوووي

اغلب السعووودين يبووون وظااائف رزه وبسسسس ...

ااااااه بسسس ياليت القا لي اي وظييييفة ..............راااااضية ....

انت في شــركـه تقــدر الموظفيــن

ياخـوي انا لي 6 سنين شغــال كاشيــر بي سوبر ماركتــ كبيــر ولا فكــرو يعطــونـا 10 ريال زيادهـ

ولا في ترقيــه ولا يحـزنــونـ وياريتــ الراتبــ 3000 صــافي اخصم حق التامينـاتــ

ومعــي واحد من الشبــابــ لهـ 9 سنيــن عـــرفتـــ 9 سنيــن وراتبــ مثــلي وراضــين ولا اعترضنــا ع شــي

والحمدلله انا معي سيــارهـ وقريب من البيــت وغيــري 15 ريــال رايح و15 جــاي ومع ذلكـ راضيــن

والاجــانبــ يسيطــرونــ الادارهـ وكلهــم من جنسيــه وحدهـ تدري ليــه انا اعلمكـ ليــه

تجي في كل صندوقــ اقل شي 150 ريــال زيــادهـ ويحطونهــا بي الجيــب من الهــلالاتــ والنص

ومايبغــونـ سعــودي واحــد يسيطــر ع الادارهـ ولا يطلع فووقـــ

وكل السعوديين وظايفهم بين الكاشيــر والامــن ومصفف ارفف وبــايـــع ابو راتبــ قليل والاجــانبــ اقل شــي 7000

يعنــي لو تقعد 100 سنــه لا تحلم انكـ تصيــر فووووق وظيفتكـ مثل مــاهــي

ووالله الشــابــ السعــودي انــه حــالياً يشتغــل بي اي شغــلأنــه بس وين الشغــل المنــاسبــ

صارتــ كل الوظايــف محصورهـ بي كــاشيــر وبايع ومصفف وامــن

اما الاجــانــب رواتبــ فووق 7 الاف وغيــر سكــن مجــانــي وسيــارهـ من الشركـــه ولا جـاء يبي يتــزوج ينصرف لهـ 15 الفــ

والسعــودي الراتـــب 2890 مخصوم حق التامينـاتــ طبعــاً ولا سكـــن ولا سيــارهـ ولا جــاهم يبي معونــه للزواج قالولهـ ظف وجهكـ لي بنــكـ التسليـــف

ياشيــخ حنــئ محــاربيــن حتى في بلدنــا

ولا الي يقــول انـ الشبــابــ يبونـ وظايفــ رزهـ ياخــوي انــزل الاســواق والمولاتـ شفــ الشبـابـ السعـودي

وين الوظائفــ الرزهـ الشبــابــ يدور اي وظيفــه اهم شي يفتكـ من الفضــاوهـ

وعليكم السلام ورحمة الله وبركاته

وظيفه بمرتب 3000 ريال افضل والله بكثير من العطاله

ضد ان الوظيفه تكون دائمه لان 3000 ولا ما تصرفك ومعك عائله وايجار

تنفعك وقت العطاله والعزوبيه الى وقت الحصول على وظيفه افضل وبمرتب اعلى

يعطيك العافيه رايق على الموضوع

اخوي رايق وانا بعد مستغرب بشدة أكثر منك و مادري انت قاعد تتكلم عن الوضع الان ولا قبل عشرين سنة !!
ياخي انت ماعمرك رحت للاسواق والمجمعات التجارية وشفت ان اللي شغال فيها كاشير هم كلهم سعوديين والتعقيب وحراس الامن اصلا ما يشتغل فيها الا السعوديين وبرواتب اقل حتى من الثلاث الاف اللي ذكرتها .
اخوي الوضع تغير كثير واكثر الشباب يقبلون ترى بأقل من اللي ذكرت حاليا حتى لو كان في بعضهم ما يقبل .