اعتقد انك لازم تروح لمكتب العمل وراح يفيدونك


بالتوفيق

عندك سيارة وتبي تحولها لأجرة ولا تبي سيارة اجرة جاهزه حدد

عزيزي اذا تبقى سيرة اجرة هناك ثلاثة حلول
1-بنك التسليف برنامج الملك عبدالله الطلبات تكون متسبب وتحول المهنة الى سايق وتجيب كفيل راتبه اكثر من خمس الاف وتكون معاك رخصة عمومي
2-تحويل سيرتك العادية الى اجرة وهذه تاخذ المواصفات والشروط من وزارة المواصلات والمصاريف ما تاخذ اكثر من 3الاف ريال
3- تاخذ من شركة لموزين سيارة اجار منتهى بتمليك
والنصيحة الاخيرة لك من شخ مجرب اكثر من12 سنة في هذه المهنة اقلك ما عندك احد
لانه السعودي غير مرغوب فية ومخاطرها اكثر من نفعها
ارجو ان افدك بان تدعيلي بان الله يفرج كربتي

سياره اجره حلوه

وانا اخالف اخوي maher1

لانه وبحكم تجربه شخصيه وتجربه كثير ناس اعرفهم .....

يعتبر التكسي شغله حلوه وتدر فلوس بس ؟؟

لازم تشتغلها على الخطوط الطويله ( الرياض - القصيم ) ( القصيم - المدينه ) ( الرياض - جده ) ( الرياض - المدينه ) (الدمام - الرياض )

وبالنسبه للمواسم مثل رمضان وفتره الحج فالدخل يزيد بشكل كبير ولا فيه نسبه محدده


وبالتوفيق للجميع ...... وعسى الله يغنيك بحلاله عن حرامه .



............. (( أستغفر الله )) .............. تعينك على قضاء امورك بكل يسر وسهوله

أخوي شغلة حلوه وفيها فلوس والله يرزقك بس أهم شي أصلح نيتك وأخلصها لله لانك راح تلاقي أنواع واجناس... أما من ناحية تبي تطلع سيارة ليموزين أول شي إذا معك كاش أفضل لك مليون مرة وإذا ماعندك تروح مشروع الملك عبدالله مفيد جداً لانه يعطيك السيارة برأس مالها من دون فوائد وتختار أي سيارة تعجبك من الأنواع الى عندهم . واين مقر أقامتك بالرياض مكانهم تحت جسر الخليج بعد المحطه وأنت متجه غرب بعد طبعاً ماتتعدى تقاطع الستين فيه دخله شارع سيدين ادخل معه الى آخره ويجيك مبنى لوزارة النقل هناك أسألهم ويعلمونك بالأوراق المطلوبه من رخصه قيادة عمومي نقل خفيف+ يعطونك أوراق للأحوال أنك متسبب...
أرجو أنك أستفدت وإذا عندك أي سؤال أسألني راح أجاوبك إن شاء الله

الله يوفقك الاخوان طرحو لك الطريقه وانت واجتهادك والارزاق بيد علام الغيوب

رد أخر على أخوي maher1

ممكن الظروف صعبه صح
والايجار غالي ... وألخ

لكن ولتوضيح أيضاُ
اذا حملت 5 أشخاص من الرياض للقصيم قيمة الراكب 60 المجموع = 300 ريال
أطرح منها البنزين 60 على الأكثر الباقي 240 ريال
هذي الحسبه في الروحه بس

أذا حظك زين ترجع بمثلها

واذا ماتوفقت ترجع براكب واحد 60 ريال وهو قيمة البنزين على الأكثر
وبكذا يكون الصافي اليومي 240 ريال

اذا فرضنا انك تشتغل يوم بيومين للخطوط الطويله وباقي الايام داخل البلد تكون الحسبه كالأتي : -
240 * 10 = 2400

اما اذا شبه يومي أو يوم ورا يوم تختلف الحسبه ألى 240* 15 = 3600 ريال


والأرزاق بيد الله سبحانه وتعالى

ممكن تتوفق في هالشغله وممكن ما يصيرلك نصيب فيها


مع العلم أن الكداده كثرو هذه الايام وخاصه اهل الخصوصي وبالذات الي من اهل الحفر

(( هذه المعلومات)) قبل تاريخ 15/2/1428 من بعد هذه التاريخ ماعندي اي معلومات جديده .

مع دعواتي بالتوفيق للجميع .



.............. (( أستغفر الله )) .............. أكثر منها ترزق من الأرض والسماء