27-05-2011, 12:04 AM
|
|
Guest
|
|
تاريخ التسجيل: Apr 2011
الدولة: في أرض الله
المشاركات: 2,039
معدل تقييم المستوى: 0
|
|
لي يومين ما دخلت المنتدى اقنص ضبان
السلام عليكم ورحمة الله وبركاته
لي يومين ما دخلت المنتدىكنت اقنص ضبان رحت يوم الاربعاء الفجر ورجعت الحين ليلة الجمعه الساعه الان
10:30
صدنا 44 ضب تغدينا منها9 يوم الاربعاء وتعشينا 10 يوم الاربعاء
واليوم تغدينا منها 7
و18 حبه قسمناها على بعض حنا 6
بس بصراحه فله وناسه بس الحر ذبحنا حر الموت الاجلد
من ضمن المواقف رميت لي ضب وصوبته واشوفه من بعيد يرفس ورحت اعدي يمه ويوم جيت عند المكان الي فيه ما حصلته عاد هو كان مفلي في راس ضلع ما فيه لا جحر ولا شي المهم دورت لين ازريت ما حصلته قلت هذا الظاهر انه سكني
وايضاً من ضمن المواقف اليوم قطعت لي ضب وانا اقطعه واحد من عيال خالي يلزم لي يعني يعاوني وفجاه يوم اقطع طار عضم ما ادري وش في عينه ويعرك عيونه ويصب ماء فيه ويديس فيه وعيونه تدمع وقاعد يقول انت وين جيتني ورحت يمه وانا اضحك وانفخ في عينه قال يا وسخ
قلت وش وسخ ابطلع الي في عينك قال طس وراك انقلع ما لك دخل المهم قعد 20 دقيقه وهو يعرك ويصب فيها ماء فجاه طلع وقام يمي وانا اكمل تقطيع وانا مزفي وراه ظهري يمه ما دريت الا واحد يمسكني من وراء ويحط المسدس على ظهري هظره حاقد علي المهم انا داري انه يمزح وعلى فكره المسدس فيه رصاص قلت يا رجال فكني قال ليش تقطع وتطير عظم في عيني قلت يا رجال هذا امر الله مو مني قال طيب ليش تضحك قلت ضحكتنيوش اسوي
قال تبيني اذبحك واخلي اسمك في الجرائد بكره قلت اتحداك رجال سوها انا وراي رجاجيل علي الملازيم انك لتقص ما نتنازل عنك
قال يا رجال ابي اذبحك وادفنك ضحكت قلت والشباب الي عندي ان شاء الله بيفزعون لي قال يا شباب معي والا معه قالو معك قلت اخس يا الرخوم والله لو اني مكانكم ما اصير معه المهم فكني وطردت وراه وطرحته وطرحني عاد نمزح الدعوه كلها وناسه
بس بصراحه السلاح ما يمزح عليه
مزح ثقيل
بس الحمد لله على كل حال
|
ما شاء الله بالحر تقنصون وتآكلواظبان
العرض المتطور
