السسلام عليكم ورحمه الله وبركاته

كيف حالكم..؟

بقولكم قصتي بالتفصيل < تحملوني

قبل لا اتخرج كان عمي واعدني بوظيفه وراتبها قوي قالي اول شي حكوميه بعد ماتخرجت قالي راح اضبطك في شركه وراتبها 5 الف وانتظرت لكن سحب علي الله يسامحه...



تخرجت من كليه التقنيه في نهايه شهر 1 عربي توقعت لما اتخرج الكل بيقولي تعال هنا كرسيك جاهز وكل شركه بشوف الراتب اعلى وافضل وتوقعت لجبت معدل عالي راح يفيدني كثير في الوظايف وكلن يبيني
غير الطموحات المستقبليه والزواج والتفكير بعييد جدا...

جاتني وظيفه قبل لا اتخرج في مستشفى اداري كان راتبها قليل 2400 وقلت لان راتب ضعيف بس كانت على نفس تخصصي ورفضتها وبعد ماتخرجت واخذت الوثيقه على طول قدمت حتى سويت كل شي بسرعه
عشان اقدم قدمت خلال يومين 60 شركه وانتظرت شهر ولا جاني اتصال منهم وجلست اقدم عن طريق النت من منتدى البطاله ولا جاني حاجه وتندمت على الوظيفه الي المستشفى الي راحت علي

بعد فتره رحت قدمت اجدد تقديماتي كنت اطلع اقدم لهم من الساعه 8 الصبح وماارجع البيت الا الساعه 8 ونص باليل اسبوع كامل وانتظرت ولا حصل لي شي واتحطم لكن اقدم على الله واسطتي
هو ربي وشفت اشكال والوان في التقديمات كلهم يقولون لي خل السي في ونتصل عليك والبعض يقول مافي وظايف


تقريبا وصل تقديماتي في الشركات اكثر من 500 شركه !! ولا جاني اتصال واحد

كل ماادخل هالقسم هذا افرح لان في هناك وظايف وفي توظيف واقول متى يجي دوري واحط موضوع في هالقسسم

فـ شفت اغلب الناس تجيهم وظايف والسبب الرئيسي هو كثرة الاستغفار قلت انا ليه مااكثر استغفار

رحت اقدم وصرت كله استغفر استغفر ليل نهار بعدها بسبوع 3 ايام يوم الاثنين الاسبوع الي راح اتصلو علي شركه عشان اسوي معاهم مقابله ورحت وسويت مقابله وكثر من الاستغفار بعدها بيومين بالتحديد يوم الاربعا اول امس اتصل علي الظهر وقالي تعال يوم السبت الي هو بكره وقع العقد

دوامها من احلى مايكون دوام واحد والراتب يعيشني لكن ما يزوجني فوق 3 ونص




وظيفتي مساعد اداري على نفس تخصصي اداره مكتبيه


يارب كل عاطل يتوظف يارب

الف مبروووووووووووووووك

الف مبروك

الف الف مبرووووووووك اخوي " راكان .."
عليك بالعافية الوظيفه والله يرزقك اللى افضل منه ان شاءلله
[ بسس لا تنسى كثرة الاستغفار ]
والله يبارك لك فيه وييسر امورك ي رب .. ~

الف مبروووك
الله يعطيك خيرهاا ويكفيك شرهاآآ,,,,

ألف ألف ألف مبروك أخوي
والله يوفقك وين مارحت

الف مبرووووووووك وعقبال لنا.
ــــــــــــــــــــــــــــــــــــــــــــــــــ ـــــ
أستغفر الله العظيم الذي لاإله إلي هو وأتوب إليه.

الف الف الف مبروووك
وخلوة تاخذ خبرة وربي يوووفقك

ألف مبروك

ألف مبروك .. لقد سعدت بهذا الخبر