19-12-2011, 08:22 AM
|
عضو مهم
|
|
تاريخ التسجيل: Sep 2007
المشاركات: 225
معدل تقييم المستوى: 2337
|
|
اقتباس:
المشاركة الأصلية كتبت بواسطة الحربي الحيسوني
مشكور ما قصرت بس منتدى مبتعث ما يردون على الأسئلة مدري ليه؟
|
انا جايك من مبتعث وبرد على اسألتك هنا :D
شوف ياعزيزي .. مثل ماذكروا لك الاخوان قبل كندا .. صعب القبول فيها لان اغلب الجاماعات اللي فيها يركزون على الطلاب المحليين فقط وكراسي محدودة للطلاب الاجانب بالاضافة لقلة الجامعات بكندا ...
عندك 3 دول من افضل الدول في مجال القانون الدولي والتجارة الدولي ... وهي امريكا بريطانيا استراليا ...
وكلهم يدرسونك القوانين الدولية واللي داخلة معها قوانين تعرف بالcommon laws .. وراح تستفيد جدا في مجال الشركات اذا تعلمت هذه القوانين ودرست المعاهدات الدولية .. هذا اذا كان لك رغبة بالعمل في شركات كبيرة بالمملكة ، او في وزارة الخارجية او حتي وزارة الاقتصاد وهيئة الاستثمار وسوق المال ،،
لكن اذا لك رغبة بالتحقيق والادعاء العام او الداخلية او المحاكم .. فالافضل لك الدراسة بالسعودية للماجستير الموازي وخذ لك دورة بالانقلش معها ،،
ميزة دراسة القانون باللغة الانجليزية هي ان تصير عندك القدرة علي الكتابة القانونية باللغة الانجليزية .. وهذي بحد ذاتها اصعب نقطة في الموضوووع ،، لانك حتى لو درست سنتين انقلش عام .. ماراح تصير عندك هالقدرة الا بالدراسة .. او العمل في شركة اجنبية لاتتعامل الا باللغة الانجليزية فقط ...
تحتاج في اختبار الايلتس 6.5 ع الاقل حتى تقدر تدخل الجامعه لكن اذا جبت 5.5 ممكن تدخل برنامج اللغة حق الجامعه ويختبرونك بالنهاية لين تجيب 6.5 ... وعلى فكرة ال6.5 تعتبر صعبه نوعا ما وتحتاج جهد كبير ولكن ليست مستحيلة ..
بالنسبة للعائلة ... انا عن نفسي ماستفدت ذاك الاستفادة بالرغم اني كنت عايش عند مدرسة لي بالمعهد .. وكان معي طلاب اجانب اخرين وكل يوم سوالف (براكتس ع قولتهم) .. لكن ماستفدت بالجامعه... تدري ليش ،،؟؟
لان دراسة القانون تعتمد على شيئيين فقط ... القراءة + الكتابة .... والعائلة ماتطور عندك الا الاستماع والمحادثة (القرق) ،،،
وعشان تطور هالشيئين المهمين ،، اقل شي تقراء ساعة يومية جريدة علمية او مقالة اكاديمية وتستفيد مفردات لغوية ... والكتابة راح يطورك معهد الجامعه ف ق ط .....
معدلك يعتبر مشاء الله من المعدلات المطلوبة في الجامعات واغلب الجامعات ان لم يكن كلها توافق عليك بشرط انك تجهز الامور التالية ..
شهادة التخرج ..
السجل الاكاديمي..
سيرة ذاتية ..
توصيتين علمية..
...اهم شي بالموضوع وهو اللي احياننا تنظر اليه الجامعات بغض النظر عن المعدل ... كتابة مقالة عن نفسك وطموحاتك بالمستقبل وتسمى بال personal statement
شهادة لغة .. توفل، ايلتس ،،، واذا ماعندك ،، بعض الجامعات راح تقبلك قبول مشروط باللغة يسمى unconditional offer
اخيرا وليس ااخرا .. اذا كان عندك خبرة عملية يفضل انك ترفقها حتى تدعم طلبك ..
نصيحتي لك اذا بتطلع برا حاول تاخذ لك كم كورس لغة او تجيب لك مدرس سوداني او مصري يعطيك المبادى الاساسية للقرامر ...
|
العرض العادي
