هلا بك اختي اسمحيلي بالمداخله
كل واحد فينا يشرف على قسم المشاريع اكيد في راسه مشروع معين يبحث عنه وعن الافكار المطروحه في القسم
خذي مشورتي
المبلغ اللي عندك ما شاء الله حلو للاستثمار

ذكرتي انك متحمسه لمشروع معين وفيك طاقه بس في نفس الوقت عندك بعض المعوقات
ومن ناحية الفطاير شوي صعبه من ناحية انه المحلات مثل ماذكرتي انهم يشترون من عندك صعبه شوي من ناحية انتهاء الصلاحيه ومخالفات البلديه والصحه وغيره
لكن لو تاخذي ارض وتستثمري فلوسك فيها بالعكس انا من المشجعين لك خاصتا انه لاراحات ولا جيات كثيره وانتي حرمه بتكون الشغله صعبه عليك ولاتنسين انه العقار يرتفع ماينزل يعني ربحانه من جميع الجهات
من جهت انك بعد فتره تبعين الارض بمكسب ومن جهه انك بتكوني مرتاحه بالبيت لاراحات ولا جيات

وبالتوفيق لك في حياتك المهنيه والزوجيه

ال فرعون انت في اي مدينه ؟؟؟؟؟؟؟ ومشكور على الاقتراح
اخ wesamoo شكرا لك شكلي مايصلح لي الا الاراضي هي الوحيده اللي تناسب اللي حولي كلهم
مايحبون الروحه والجيه وانا يمكن ارسي على هذا الموضوع اذا مالقيت احسن واسرع لاني احب الشغل لكن الله يخلف

بالرياض

ابقولك شي وهي نصيحه والله يعلم ماوراء القصد

ان فكرتي تشترين ارض

لاتشترينها الا وانتي سأله عن اللى جنبها بكم تسوى

عند مكتب غير اللى بيسوقها عليك

تراهم غشاشين بعض الشريطيه الله يهديهم

عموما ماانصح بالاراضي حالياً الا بشرط اذا بتتركينها لمده خمسطعش سنه او عشر سنوات

لان الاراضي وصلت لمرحله ثقيله جدا بالبيع والشراء يعني مافي امل احد يبيع بااقل من قيمه مشترا اللى مكتوب له بالصك
وان نويتي تشترين ارض

انصحك بمكان واحد انك تتجهين له لو انتي من اي مكان بالمملكة

اتجهي الى شرق الرياض على طريق البعارين قبل الجنادريه عند مخططات الرمال وغيره من المخطط

بس انتبهي للنقطه اللى قلتلك عنها لاتتسرعين بالشراء ابداء قبل تشترين اسألي عن اللى جنبها

اتكلم بواقع خبرتي بالتجاره ولاهي اي تجاره مسكت ملايين ولله الحمد وطلعتها من خساره للربح

الله يجزاك خير نصيحتك على راسي وباين كلامك من واحد مجرب الله يوسع لك ولجميع من ادلى بدلوه لنصحي
اختكم بدره

اذا شغلك بالحلا حلو...سوي عينة يبيعونه بالقهاوي...الناس الحين هابين بالكب كيك و الميني كب كيك..


الميني تشيز كيك..بس اهم شي الطعم و الكريمة اللي تزينين فيها...سوي بحث فقوقل وشوفي


اشغال البنات ممكن تعطيك افكار...


و سوي بطاقة عمل فخمة فيها رقمك و اسم رنااان يوصف شغلك...و عطيه مرسة تعرفينها و خليها


توزعهم عالمدرسات...و ممكن بعد توزعين عليهم عينات عشان يتحمسون يطلبون منك..


الله يوفقك

مساء الخير

انا اشوف يااختي لاتدخلي براس مالك كله مهما كان


بداية التجاره حبه حبه على ماقالوا اكل العنب حبه حبه


اناعندي لك مشروع ناجح بأذن الله


افتحي بنفس حارتكم داخل الحاره بقاله صغيره مقاسها 4 في 4

او اذا وسط حارتكم فيه مسجد جامع افتحي مقابله او افتحي بزاويت بيتكم بقاله صغيره ماتكلفك

30 الف ريال


واستثمري المبلغ الين يزود


وبالنسبه للفلوس الباقيه حاولي تخليها الين تشوفي مشروعك هذا اذا نجح تطوريه


وبالتوفيق

شغل يدوي
تراسل
اسعدني مروركم افكاركم تحمس الله يوفقكم جميعا

[align=center][/align]اول شي التوفيق من الله

انتي توكلي على الله وابدأي بفكرتك عن الطبخ وبالنسبه لتوزيعه

مثل ما قالتلك الاخت وزعي بطاقتك على المدارس وبتكون طلباتهم يوميه

واي مكان نسائي مثل مشغل معهد ولا تنسي النت اعرضي اعمالك فيه

وان شاء الله بيجيكي رزق حلو

وبالنسبه لرأس مالك انا عندي اقتراح افضل....

دوري لك ارض زراعيه في اي مكان قريب من الرياض واكيد بتكون اقل من 160الف

واعرضيها للاجار واجريها بالسنه او بالشهر وياليت تسألين قبل كل شي

عن اسعار الاراضي الزراعيه واسعار اجاراتها على حسب مساحتها ومزروعاتها

والله يفتحلك ابواب الرزق ولا تنسيني من دعاكي

[align=center][/align]نسيت اقلك كمان ممكن تشتري استراحات وتأجرينها باليومي او بالشهري