اشيروا علي الله يجزاكم الجنه

التاجره بدره · #1 (**permalink**) 29-05-2011, 09:32 AM

السلام عليكم
عندي مبلغ بحدود 160الف وودي استثمره في شي سريع
المشكله اني ربة منزل لااروح ولا اجي وزوجي ماهو فاضي لاي مشروع
وودي ابيع واشتري في الاراضي
وعندي هواية اعمل حلى وفطاير فكرت اشتغل من البيت واشغل الفلوس بس مين يشتري تتوقعون لو اعرض. شغلي علي
محلات الكافي شوب يشترون وشغلي لذيذ بشهادة اللي ذاقوه وعندي سواق ممكن يوصل ايش رايكم
وفكرت اتعامل مع اللي يجهزون حفلات بس خايفه من المسؤوليه واني مااقدر
ودي اشتغل ومتحمسه لكن مااحد يشجع فكرت في مشاريع كثيره حتى اني استاجر في مشغل واعرض شغلي بس
ماادري عن مدة صلاحيه البسكوت والحلويات والفطاير العاده في البيت تروح بسرعه ماتقعد يوم
ادري هرجي كثير بس والله من كثر افكاري
ياليت اللي يقدر ينفعني يتفضل ولكم مني دعوة في ظهرةالغيب
وعلى فكره انا من الدمام
اختكم بدره

احساس عميق · #2 (**permalink**) 29-05-2011, 11:58 AM

عسى الله يوفقك ويختار لك الصالح .. آمين آمين

وانشاءالله اعضاء المنتدى ينوروكي بالافكار النافعه ..

احترامي

التاجره بدره · #3 (**permalink**) 29-05-2011, 01:24 PM

جزاك الله خير ماقصرت على الدعوه*

محب العلم · #4 (**permalink**) 29-05-2011, 03:47 PM

شوفي بالنسبة للأراضي سمعت قبل فترة من مختص في العقار يمدح منطقة في الخرج ( المحمدية)

يقول لها مستقبل حلو

أرسعارها الأن

أرض 450 متر

ب 120 ألف تقريباً

قريب من المبلغ الي عندك

وأسألي المختصين بعقار وبيفدونك أكثر إن شاء الله ..

موفقة

عباادي العاطل · #5 (**permalink**) 29-05-2011, 03:52 PM

اختي الاراضي حلوه تشتري منها قطعه تفيدك بعد سنه بدبلها ....
واذا حابه اشغلها لك بس قوليلي انتي من اي مدينه

التاجره بدره · #6 (**permalink**) 29-05-2011, 04:21 PM

]مشكور محب للعلم بس وش يوديني الخرج

عبادي العاطل انا من الدمام

تسويقار · #7 (**permalink**) 29-05-2011, 06:18 PM

يا اختي فلوسك بجيبك لا احد يشغلك شي مع احترامي للاخ اللي يقول مستعد اشغلها لك ...

الاخوان اليوم ما تصافوا بسبب الفلوس .. فما بالك بالغريب ...

اتركي فلوسك بالبنك حاليا لانك ما راح تقدري تتابعيها بنفسك ...

يبقى لديك مسألة الطبخ .. وعادة الطبخ يعتمد على شيئين رئيسيين ...

الاول : الطعم

الثاني : طريقة تقديمة

وانتي عارفة الحلى له اشكال وكذلك الفطائر فهل لديك القدرة على ان يكون مميزا شكلا وطعما ؟

لديك عدة مجالات بامكانك تستفيدي من خلالها وتسوقي عملك ...

للاهمية :

لا انصح اطلاقا بعمل منتجات ومن ثم توزيعها بالبقالات لاننا نرى بالبقالات يوميا اشياء منزلية عفى عليها الزمن ولم يشتريها احد اما بسبب شكلها او بسبب عدم ثقتنا بما يوجد بالبقالات من منتجات منزلية ...

فيه فكرة براسي ... راسليني عالخاص ومابي منك الا دعوة في ظهر الغيب ان ربي يفرج همي وكربي ...

بس شرط يكون عندك رجال يبدأ بالاول وبعدها تقدري من خلال السواق .

لو ما عندك لا تراسليني لانها بتفشل ...

دمتي بخير وعافية

الخفاق · #8 (**permalink**) 29-05-2011, 07:24 PM

اايد وبقوه فكرة انك تسوين حلا و مالح في البيت
خاصه ان رمضان جاي سوي كبه سمبوسه. مجمدات وبيعيها
اعرضي شغلك في النت وقروبات الايفون والبلاك بيري
وخلي السواق يوصلك
وعقبال مانشوفك ماتلحقين الطلبات (:
ترى الفره ماشي سوقها وبقوه عندنا في الرياض

التاجره بدره · #9 (**permalink**) 29-05-2011, 09:36 PM

الله يعطيكم العافيه جميعا ماقصرتوا والله
اخ تسويقار لك رساله على الخاص

ال فرعون · #10 (**permalink**) 29-05-2011, 09:52 PM

اذا تبين تسوين مثلا

فلينه عند خطاط واحطلك اعلان بالمحل

طبعا تسوينها عند الخطاط

بثمانين ريال وياليت تصورين بعض الاطباق وكل طبق تحته وصفه

مع الاسعار وراح اعرضها لك بالمحل

طبعا طريقه التواصل والتوصيل بيكون منك مباشره على الاميل او المحل مافي مشكله

بس اهم شي الالتزام بالمواعيد المحدد لان المحل مختص بالالعاب والهدايا

بالنسبه لفلوس

اقتراحي انك تتمسكين فيها بالبنك وتبحثين بالجريده عن بيت شعبي بالديره بس يكون معروض بالمزاد العلني عن طريق المحكمه تشوفين موعد المزاد وتروحن لهم بالغالب بيكون فيه ناس بيشترونه قبلك بحكم قربهم من هذيك المنقطه لاتزاودين خليهم يشترونه بكيفهم بعد اللى يشتريه تعالي له وقولي ابعطيك خمسه الاف مكسب تبيع علي الان بيوافق ويتنازلك وتصبحي انتي اللى شاريته ويفرغون لك البيت لك مباشره

اما اذا زاودتي واصريتي على شراءه بيرفعون عليك سعره واجد