هو اللي تقريبا احتاجه مكتب ومصري يجيد اللغه الانجليزيه وكمبيوتر
بيض الله وجهك يالذيب على المعلومات وماقصرت

السلام عليكم ورحمة الله وبركاته

أخوي أبراهيم والاخوان والاخوات في المنتدى
انا سجلت لما شفت الموضوع هذا فا قلت على الاقل افيد الاخوان هنا مثل ما انا استفدت منهم
عموما ما اطولها
انا كان عندي مكتب قبولات جامعية ولغة في الخارج وعلاج ورخض دولية وتسجيل في اختبارات دولية مثل التوفل وغيره

هذي الشغلة مثل ما قلت وقالوا الاخوان تحتاج للغة إنجليزية (هذا الشي مهم انك انت تجيد اللغة عشان لا تجيب موظف وينصبك لا سمح الله ثانيا توفر راتب الموظف )
اخوي المكتب لا يحتاج لتصريح معقد مثل ما قلتوا وغيره بس تصريح تسويق للغير وانتهينا وسهل جدا
انت تتعاقد مع كذا معهد مشهور في الخارج وتأخر عروضهم وتحسبها وتحول المبلغ الى الريال فا مثلا تحسب تكلفة دورة إنجليزية في نيوزيلاندا لمدة 3 شهور بـ 18000 شاملة العائلة والتأمين الصحي وبعض الامور ما عدا التذكرة وتحاول انك تحجز للمتعلم هذا التذكرة او تساعده فيها وطبعا تشوف اسعار غيرك وتتنافس معاهم
طبعا المعاهد هذي تعطيك 20 في المية من قيمة الدراسة فقط مو السكن وغيره
فا تقريبا يطلع لك تقريبا 1600 في الثلاث شهور هذي تقريبا ها
عموما هذا المكسب قليل جدا مقارنة انك عندك إيجار + موظف + كهرباء وتليفوان وغيره وانت عارف
فا بعض المكاتب يزيدون على النسبة حقتهم وتصل الزيادة الى 3000 واكثر عشان يربح وهذا الشي يضيع الزباين منه
عموما بالنسبة للجامعات لما يجيك واحد يبي يدرس في جامعة فا انت تسأله اي دولة مثلا قال امريكا
تقوله اي ولاية قال مثلا تكسس اي تخصص قال هندسة فا تقوم تدخل موقع وزارة التعليم العالي على الجامعات الموصى بها في الخارج وتبحث تحت امريكا ولاية تكسس تخصص هندسة وراح تطلع لك عدة جامعات تقوم تراسلهم مبدئيا بدون رسوم إذا كان المتعلم هذا تنطبق عليه الشروط فا تقوم تدفع رسوم تقريبا 70 دولار وترسل اوراقه
فا تربح افترضا 1500 على الخدمة هذي وهي مستحقة جدا بس السؤال كم واحد راح يجيك يبغى مثل هالخدمات
ترى العدد قليل فا من خبرة اكلمك الي راح تطلعه راح تسدد الايجار وراتب الموظف وربح بسيط
لكن لو انت راح تكون بدل الموظف يمكن تربح بس مو ربح وافر
طبعا هذي المكاتب المفروض تكون في المدن الكبرى مثل الرياض جدة الدمام الخبر بشكل كبير عشان تكسب
عموما انا اسف اني اقولك ان هالمجال مزعج جدا ويحتاج للغة إنجليزية

طبعا انا اكتب هالكلامات على عجلة من امري ولكن انا حاضر للإجابة على اي سؤال لك ولغيرك

تقبل تحياتي

بيض الله وجهك يالذيب اشهد بالله انك كفيت ووفيت واقنعتني بكل سطر كتبته

في الخدمة اخوي وعلى فكرة انا اغلقت هذا النشاط لانه من وجهة نظري غير مربح

السلام عليكم

الله يعطيكم العافيه ع الموضوع

بس حبيت استفسر هل يلزم اني اخذ تصريح من البلدية والا بس وزارة التجاره؟

ووش نوع التصريح من البلدية؟ لاني بفتح محل واعتقد يطلبون مني الشي هذا

فكره حلوه بس ماعندي خلفيه عن الموضوع ياليت نشوف ردود مفيده عشان نستفيد