السلام عليكم ورحمة الله وبركاته ..

مبروك لأخواني الي وصلتهم رسايل المقابله الشخصيه وخلصوها وحظ أوفر للي ماحالفه ألحظ ..

الحمدلله أني خلصت المقابله الشخصيه بعد معاناه مع طول الأنتظار .. وسوء التنظيم في قيادة أمن المنشات !!

طحت لي في ناس والله أنها .. تنحط على الجرح يبرى في المقابله الشخصيه كل أسئلتهم تافهه واستبهااال

أول شيء قال لي المطوع أنت من وين قلت من المجمعه قال وش تعرف عنها .. قلت أخر منطقه أنضمت لمدينة الرياض - قال لي كيف - وقعدت أتفلسف عليه وقلت كان ابن رشيد مستحوذ عليها واخذه منه عبدالعزيز بن سعود قام يضحك وقال الله يستر عليك ..

وطحت لي في مطوع ثاني قال لي وش تعرف عن محمد البارودي ومن وين .. ؟ قلت شاعر ، ومن مصر .. قال ممتاز روح توكل على الله وختم على أوراقي -

وجيت عند لحظة الأستهبال والضحك

رحت عند قائد قوات امن المنشآت ( ماجد سليمان الماجد ) .. وانا كنت لابس برشلونه قال لي وين كنت أمس قلت اتابع مباراة برشلونه ومانشستر يونايتد - قال لي وش تحليلك للمباراه قلت بصراحه المباراه من طرف واحد .. ضغط برشلوني كالعاده - أبتسم وقال انت برشلوني قلت أيه ومتعصب .. قال أجل روح الله يستر عليك < ههههههه

ألحمدلله .. أني خلصت والله يعين الي باقي لهم مقابلات شخصيه -