المكتب عبارة عن وسيط بين الشركات " على حد قولهم " يقوموا بإرسال السي في
بعد دفع رسوم خاصة لهم قيمتها 200 ريال وفي حال توفقك في الوظيفة يحصلوا على نصف
أول راتب !!!
طبعاً هما حاكوني على إني أروح وأعبي الأبلكيشن وإحتمالية عمل إنترفيو لوظيفة
مين سبق وجرب من خلالهم وهل توظف ؟! وهل هو مكتب ثقة أم لا ؟
أنا ماسبق وتعاملت مع مكتب أو مكان يأخذ نسبة أو رسوم ومجرد ذهابي لمقابلات عمل
ودفع رسوم للسائق في حين ذهابي تضيق صدري وكلها مقابلات خرطي ولا فيها رد
فمترددة جداً هل أذهب لا وكمان حخسر فلوس

مين جربهم أو عنده أي فكرة عنهم ؟

هلابك يالغالي
انا صراحة كنت اعرف واحد يشتغل مثل كذا بس مو نفس المكتب
المهم كان راتبه من الشركة اللي يشتغل فيها 3500 وكان المكتب ياخذ من راتبه كل شهر 1000 ريال
لمدة 6 شهور بعد كذا ما ياخذوا شي
المهم انا اعرف واحد صاحب مكتب يوظف الناس
سالته قلت ابغى وظيفة حلف قال والله الحين مافي وظايف بس تبغى تسجل تجي وتدفع الرسوم
واذا حصلنا لك شي اتصلنا عليك
وهذا كل اللي اقدر افيدك فيه

العذر والسموحة منك يا غلاهم
والله كل مكتب يختلف عن الثاني من ناحية الشروط
بس لو تبي وظيفة بدون المكاتب اذا انتي من جدة
روحي صندوق تنمية الموارد البشرية وعلى طول راح يرسلوكي على شركة
انا بنفسي رحت لهم امس وحولوني على شركة ورواتبها مرررة حلوة

من جد ابعدي عن مكاتب لتوظيف الخاصة

خليك عن صندوق الموارد البشرية افتحي موقعهم وعبي الابليكيشن

وراح يحصلو لك وظيفة بدون 200

واكثر المكاتب تلاعب
يعني انتبهي اختي
او قولي لهم اضمن الوظيفة وادفع لك 200




والله يوقك الحميع

طيب يا غلاهم
قومي اتحركي وروحي بنفسك الموارد وهما يحولوكي على شركة
وربي اللي يعتمد على التقديم على الانترنت ما يفلح
اسألي مجرب
والله يوفقك ويرزقك يارب ..