29-05-2011, 09:19 PM
|
عضو مهم
|
|
تاريخ التسجيل: Sep 2009
المشاركات: 248
معدل تقييم المستوى: 32
|
|
شوف ابقولك شي من ناحيه البطاطس ازين شي تروح للرشاشات
بوادي الدواسر وبساجر تحصلها بكثر وبحائل وبحرض
طبعا يخرب حتى لو خزنته فتره طويله يعني حده موسم وبعدها اول ماتطلعه من الثلاجة تفوح ريحته
ويجمع الناموس بشكل رهيب لانه بفعل الرطوبه بمستوى التبريد يجمع مويه ويتشبع فيها
اهم شي اذا جيت تختار الثلاجه اللى تخزن فيها تكون الثلاجه لها خبره قديمه بالتخزينه
يعني مو جديدة بالسوق لان ممكن تخزن عند اي ثلاجه وتخرب
فيه فكره حلوه انك تستاجر كونتينر تبريد بس لو خرب عليك الكمبروسر وهو واقف متى بتجيب فني تبريد وممكن يخلص الديزل وتنساه
خصوصا الصناعيه لو بتدور لك فني مافي امل يساعدونك البنقلاديش والا الهنود عشانك سعودي يالله تحصل لك يماني وصدفه بعد
عموما حاول انك تتصل مع اصحاب الخضروات والفواكه اللي لهم خبره بهذا الموضوع
ويمكن تاخذ منهم مثل اولاد على والحياله بشرق الرياض
بالنسبه انت ركز على الاشياء اللي لها ارتباط بالتخزين ولاتفكر من جانب واحد فقط
فكر بخدمه الزبون وطريقه العرض والنظافه
وخذها قاعده ترى الزبون لو تخصم له ريال بيفرح وبيشتري زياده اذا كاسرك بالسعر لاتعاسره
عشان يعاملك مره ثانيه وتبني لك قاعده زباين محترمين
وسوي لك كولكشن محترم مثلا اذا شراء صطل خيار خذ ثلاث حبات ليمون وحطها فوقه قل هذي هديه
يعني ركز انك تكسب زباين بالبدايه ولا تركز كيف تجمع بضاعه بالبدايه
فكر كيف تصرفها قبل تفكر كيف تجمعها اللى تفكر كيف تجمعه الفلوس بس احرص على الحلال
لاسألك الزبون هذا حق اليوم جاوبه بصراحه
موفق بإذن الله ... لك مني أجمل تحية .
|
العرض العادي
