موفق بإذن الله ... لك مني أجمل تحية .

يا خوي لي اربع سنين عاطل قدمة على الجيش اكثر من مره في الخرج والخميس لكن ما تيسرة خلها على ربك

اتوظف في البلديه ولا ادخل الجيش خلو الجيش بعيد عنكم يارجال لا رواتب وذا جاتك ترقيه حذفوبك بعيد كل سنه ونت بديره

وش فيكم على الرجال الله يهديكم
اخوي الناس ماتبي الجيش لاسباب عده
منها ان اماكن التعين محدوده وكل ماتجي ترقيه لازم تنقل لاكن بعض المرات تترقى في مكانك والرواتب كانت ضعيفه حط تحت كانت الف خط
والي يقول ان راتب الجندي بالجيش الفين وخمس اقوله اذا كنت ماتعرف شي لاتفتي من راسك وتقطع رزق الرجال
الان الراتب الاساسي للجندي 3240 + بدل نقل 500 وبدل اعاشه 500 وبدل ميدان للحصه الصباحيه 450 وبدل شهاده ثانويه 300 يساوي خمس الاف الى 10 ريال هذا غير الي عنده صنف رخصه عمومي ولا حاسب الالي ولا صنف كاتب وغيرها من الاصناف وشلون عاد لو صار وكيل رقيب اكيد الراتب مايقل عن 6500 وعلاوه سنويه حلوه بعد تثبيت غلاء المعيشه ومافيه استلامات بس تجي ست ونص وتحظر الصفه الصباحيه خمس واربعين دقيقه عباره عن تحظير وهروله وتمارين وبعدها للمكاتب وصل الظهر واطلع على طول ومعرفة رجال ويمين بالله ان الجيش شرف واقل شي تبي تتقاعد على رئيس رقباء وان انظبت تبي تترقى لظباط
لاكن امكان التعين هي حفر الباطن وتبوك وخميس مشيط والخرج هذا الي اعرفه
وصل استخاره والله يوفقك

القوات البريه صارته افضل من جميع النواحي

السلام عليكم ورحمة الله وبركاته

ياغالي وش فيه الجيش

أنا أقول لكل الشباب الخدمه العسكريه 35 سنه وأغلب من يقدم يكون عمره حول العشرين يعني يتبقى له 30 سنه خدمه عسكريه أو حولها ويتقاعد إجباري إذا عمره على 48 أو 50 على حسب الرتبه إلي يوصلها فلو قلنا نجلس ندور وظايف إلى أن يسير عمرنا 28 أو 29 وبعدين ندخل الجيش يعني نخليه آخر حل طيب دخلت الجيش وعمرك مثلا 29 سنه كم باقي لك 21 سنه وتتقاعد إجباري يالله احسب تقاعدك كم يسير يضربونه في 35 سنه الخدمه كامله وينزل الراتب لأنك ماوفيت الخدمه كامله35 سنه ماخدمت إلا 21 سنه فقط فأتمنى إلي مالقى له وظيفه غير الجيش مرررررره يتوكل على الله فالعمر يمضي والايام سريعه وتتقاعد أقل شي خدمتك 30 سنه أو حولها هذا من ناحيه

من ناحية الرواتب ماعاد سار فيه فرق كبير اللهم بدل الإرهاب هو من يرفع القطاعات الأخرى


من ناحية من يقول الموت فوالله أعظم شرف تموت بساحة الوغى وأنت تدافع عن دينك ووطنك والله يباعد عنا وعنكم الشر لكن إذا قدر الله على أحد يموت فراح يموت وحتى لو كان جندي في وزارة الداخليه فمادمت عسكري أنت معرض للخطر لكن مادمت حي عش بكرامه وإذا أنت ميت فربك ماراح ينسى من خليتهم وراك ووالله ماتموت إلا بيومك


مشكلة الجيش الوحيده في الترقيات تنقلك من مكان لمكان فأتمنى النظر فيها من الأركان


أغلب دوامات أهل الجيش بعد الفجر حصه 45 دقيقه بعدها الميز فطور وبعدها على المكاتب عندك شغل تنجز ما أنجزته تحمل مايجيك ماعندك شي تروح تجلس بالبسطه شاهي وسواليف أذن للظهر صل ومع الباب وتلحقك استلامات في الشهر والنص مره مرتين وبالتوفيق للجميع

للمعلومه الرئيس يتقاعد على 58 اجباري يمكن تقدر تمدد سنتين

ياراجل رح قدم الحق عمرك اذا عمرك اكثر من 25 سنة ولله راح تتعب مع العسكرية مستقبلا يعني تتقاعد بدري اذا ماترقيت وينقص راتبك خصوصا لاصارت متزوج ومعك عائلة راح تتعب نصحيتي اذا عمرك فوق 25 شف لك اي قطاع مدني ,,


عسى لله يوفقك .