السلام عليكم ورحمة الله

اولا احب اهنى صاحب المنتدى على ما يبذله من جهود تجاه خدمه اخوانه من جميع انحاء المملكة والله يجعلها بميزان حسناته .

ثانيا انا من متابعين ورواد المنتدى اولا باول والله يجعله بادره خير عليا وعليكم .


الموضوع ومافيه اشتغلت بشركه اجتماعية وبداية عملي كنت سكرتير والحمد لله مشي الوضع يااخوان هذا الكلام قبل 3 سنوات بداية عملي 1500 ريال لاني كنت ادرس بجامعة ام القرى جلست سنه ونصف وما ناسبني الوضع فخرجت منها وقدمت بجامعة الملك عبدالعزيز انتساب وماشي فيها بتوفيق الله المهم مشت السنه الاولى وبعملي كنت الاقي ضغوطات ولازم تلاقي ناس تقعد لك لكن ابدا ما اجاري احد بالكلام الى ما ربي كتب وحولت من شغلتي الي كنت فيها من سكرتير الى باحث اجتماعي وزاد راتبي الى 2000 ريال ومشي الوضع الحمد لله والله يا اخوان كنت اصرف على امي وابوي رغم ابوي ما يحتاج المبلغ لكن واجب علي اعطيه عشان احس ببركته وجلست سنه كمان والكل يمدح بعملي والله موفقني ما ااخر عملي ابدا الى بداية السنه هادي 1432 هـ

السنه هادي ومع بداية شهر 5 جمادى الاولى جاني مدير الشركه وقال لي شلونك وجلس يسولف معي ومن هالكلام انا طبعا بقدر ما كنت اتنوس معه كنت حذر المهم بعدها باسبوع جا قرار تعيني مدير مشروع جديد بالشركه ماني مصدق والله يا اخوان انا صبرت وامي تدعيلي وابوي كل ما خرجت الله يفتحها بوجهك ياولدي والحمد لله صرت مدير وعندي عمال اعرف انها مسوليه لكن ابي الكل يستنتج ان الصبر اساس كل شي خاصة الشركات الله يوفقني ويوفقك الكل يارب
وانا الحمد لله عمري الحين 23 سنه

ويا اخوان اليوم بوقع العقد الجديد براتب 4000 ريال اساسي
وعلى فكره انا خلصت بالجامعه سنتين باقي لي سنتين وان شاء الله اشيل الشهادة الجامعية وتخطيطي بالخارج ان شاء الله

اسف عالاطاله لكن حبيت انكم تفرحو وتدعو لي

محبكم

عبدالله بن احمد

الله يوفقك ياعبد الله بن احمد .,
والله يسعدك ., ويجعلها فاتحة خير وبركة لك .,
شد حيلك في عملك .. ابدع فيه .. وتميز وتالق ..
وهذى بداية النجاح ., كافح وجاهد للوصول لما تريد ..
واعلم ان عملك آمانه .. فابدع .. واحرص اكثر ..

تمنياتي لك بحياة سعيدة ..

الله يوفقك

" لكل مجتهد نصيب "

وبركة دعاء الوآلدين لة دور بعد توفيق الله عز وجل ..

والله يوفقكـ ويبارك فيك ..