تكفون عطوني رايكم لانه يهمني ولاتطنشوني

جوري 2007 · #1 (**permalink**) 07-12-2007, 05:27 PM

بسم الله الرحمن الرحيم
اخواني واخواتي رجاء منكم اعطوني رايكم واقتراحاتكم في مشروعي لاني والله ماني عارفة ايش اسوي وكيف ابداء
فية
مشروعي اني اسوي مجلة او كتيب عن وصفات للبشرة والجسم والشعر وبصراحة محتارة عندي الوصفات وهي
مجربة ومضمونة والوصفات هذة كثيرة ..
بس مدري كيف ابيعها لان امي قالت لية بيع ماتبيعين بس تحطيناه عند راعي محل هو يبيعها لك ب25 يعني 250
نسخة بـ25 الربح 6225 ريال
امانة عطوني رايكم بصراحة
هل هو مشروع ناجح؟؟
هل انا اللي اصممة؟؟
كيف ابداء فية؟؟
وفين الاماكن اللى احط الكتيب فيها عشان يشترونها؟؟
وعند اي مطبعة تتطبع مثل هذا؟؟
كيف اطبعة ؟؟
كيف انشرة ؟؟
هل احتاج تصريح ؟؟
انا من المدينة المنورة وبصراحة ماني عارفة شي بدون رايكم واقتراحاتكم تكفون ردو علية انا راجيتكم وراجية
خبرتكم ياصحاب المشاريع ودعائي لكم بالتوفيق والسداد وجزاكم الله خير اختكم المحتارة بمشروعها
جوري 2007

انجلوا · #2 (**permalink**) 07-12-2007, 06:06 PM

ابحثي عن دار نشر في المدينة
اذا اعجبهم الكتيب هم راح يطبعونه ويوزعونه
ولك نسبه من المبيعات

جوري 2007 · #3 (**permalink**) 08-12-2007, 04:54 AM

معقولة ياناس نخيتكم ومحد رد على الموضوع الا انجلو اخوي انجلو مشكور على الرد وعساك على القوة بس انا ابي اجابات لااسئلتي ابي استفسر اذا احد جرب هالمشروع ونجح
ردو علية تكفون وشورو علية وش اسوي

محلل حسابات · #4 (**permalink**) 09-12-2007, 04:04 PM

بسم الله الرحمن الرحيم

جوري 2007

هل المشروع ناجح ؟

المشروع ناجح اذا كان الى يحويه شي جديد ومفيد
وكذالك اذا دعم بدعايه ( تسويق) حلوه

هل انا الي اصممه ؟؟

لك الخير انك انتي الي تصممينه اذا تعرفين
اما اذا ماتعرفين , فيه مطابع تسويه لك وتصمملك على حسب طلبك

كيف ابدائ المشروع ؟؟

باقي الرد جاي في الطريق وفيه اشياء تعجبك انشالله !! الصبر زين .

.............(( استغفر الله ) .................... اكثروا منها يرزقكم الرزاق الكريم .

جوري 2007 · #5 (**permalink**) 09-12-2007, 04:45 PM

مشكور اخوي محلل حسابات والله يعطيك العافية وياليت تفيدني اكثر المشروع حاسة انه ناجح وكل اللى يحوية اشياء مفيدة ومجربة 100% لان فية حريم كثيرات طلبن الكتيب

محلل حسابات · #6 (**permalink**) 09-12-2007, 05:33 PM

بسم الله الرحمن الرحيم

عدنا

كيف ابداء المشروع ؟؟

1) حددي من الي بيصممه
2) حددي التكلفه اذا التصميم عند المطابع . أتفقي على سعر واحد لنسخه , وحددي عدد النسخ
3) جهزي غلاف خارجي لتصميم يكون مرتب وفيه بعض رؤس الاقلام الرنانه
4) اجعلى اخر صفحه ( صفحت الغلاف الخارجي) فهرس لجميع عناوين الموضوع
5) حطي الصفحه الأخيره من الداخل لجديدك القادم , أذا بتحطينها سلسه مطبوعات
6) حطي الصفحه الأولى من الداخل لعدة مواضيع بداخل العدد مع بعض السطور من الشرح الخفيف
7) تقدرين تغلفين النسخ بكيس مثل ماتسوي بعض المجلات وتقدرين تخلينها لناس يتصفحون فيها وامكن يشرون وامكن لا
8) رتبي كل شي من الألف للياء على حسب ما تشوفين انه انسب
9) سلميه للمطبعه وخليها تسويلك نسخه تجريبيه على سيدي وتأكدي منها
10) لا تنسين تضيفين بعض الصور
11) اذا اعجبك التصميم تقدرين تبدين بـ 100 نسخه أو حتى بـ 50 وتشوفين الطلب
12) أضيفي في اخر صفحه أماكن توزيع هذا الكتيب

الاماكن اللى احط الكتيب فيها عشان يشترونها؟؟

الأماكن كثيره ومنها على سبيل المثال :
القرطاسيات _ المشاغل _ محلات أبو ريالين ( بس عطيه نسبه) _ محلات العطاره _ البقالات - مرافق الكليات او الجامعات
بس لازم تعطين بعضهم نسبه من البيع عان يوافقون .

كيف انشرة ؟؟

زي ما قلت عند المحلات الي قلتلك ,
وأيضاً في مواقع النت واذا ردو عليك ترسلينه لهم بالبريد بعد ما يحولون لحسابك المبلغ
( بس لازم تنشرين بعض عناوين الكتيب على النت أو صور منه تحملينها في مواقع نسائيه معروفه )

هل احتاج تصريح ؟؟

ماني متأكد من هالشي !

أفكار من راسي لمشروعك :- ممكن أنها تتطبق وممكن تبقى مجرد أفكار ( بس يبيلها صبر وتعب)
1)
تقدرين تعرضين أول نسخه على بعض العطارين الكبار وتخلينهم يحطون دعايه لهم في كتيبك وبمبلغ رمزي مثلاً الصفحه بـ 400 والنص بـ 250 أو اقل , شي راجع لك

2)
تقدرين أيضاً تدورين على مواقع نسائي وتخاطبين الأداره عن فكرتك وتسويلهم دعايه في كتيبك أما بمقابل أو بدعايه يسوونها لك أما بنرات أو صفحه عن الكتيب
أو تدورين موقع نسائي يرعاه رسمياً ينشره كامل وتحطيله دعايه مثل الغلاف كله له ويدفعلك مبلغ مثل 2500 ريال

3)
تقدرين تدورين مشاغل تعلن عندك أيضاً سواء بمقابل او انهم يحطون الكتيب عندهم لتسويق

4)
تقدرين تروحين لأي محلات نسائيه في المجمعات أو غيرها في منطقتك وتورينهم النسخه وتقولين بحطلكم دعايه بـ 100 ريال ربع صفحه وتحطون الكتيب عندكم لتسويق ولكم نسبه بعد

*** أذا نسيت شي العذر والسموحه ***
*** وأذا فيه أي استفسار جاهز ***

هذا كل الي الله قدرني عليه

واتوقع ان مشروعك هذا بيكون زين أنشالله بس أستخيري وادعي الله

................ (( أستغفر الله )) .................... أكثروا منها فهي مفتاح لرزق بالمال والبنون

المستشاار · #7 (**permalink**) 09-12-2007, 08:23 PM

من وجهه نضري الاخ محلل حسابي كفى ووفى والله يعطيه العافيه

وانتي الله يرزقك

ألم يحدوه أمل · #8 (**permalink**) 09-12-2007, 09:30 PM

ما قصر الأخ محلل حسابات

لكن انا بضيف فكره يمكن تفيدك

وشرايك تخلين كم صفحه من الكتيب عباره عن اعلان لأحد الشركات

او المؤسسات بمبلغ مادي,هذي بتكون دخل اضافي تفيدك

مجرد فكره

اتمنى ان تجنين منها الفائده

وبالتوفيق

جوري 2007 · #9 (**permalink**) 09-12-2007, 11:14 PM

مشكور اخوي محلل حسابات والله يسعدك يارب ويحقق لك مبتغاك يارب وينور لك طريقك ويفتح لك رزقة من جميع ابوابة ومشكورين على اللى مرو على الموضوع ولهم نفس الدعاء بظهر الغيب انشالله
تحياتي
اختكم