السلام عليكم ورحمة الله وبركاته

ما رح اطول عليكم انا سويت مقابلة في شركة سمارت لنك يوضفون في بنك الراجحي وانقبلت ويقولون تدداوم بكره وانقبلت كمان في شركت اي في بي روك جروب شركة مقاولات ودوامي يوم السبت راتب بنك الراجحي 3600 بعد خصم التامينات الاجتاميه وراتب شركة المقاولات 4500 بعد خصم التامينات
تخصصي فني معماري وش تنصحوني فيه محتار مرررررررررره والف شكر

اكيد شركة المقاولات

اولا : البنك شغلة مختلفين فية العلماء

ثانيا : الراتب في شركة المقاولات اعلى

ثالثا: في مجال تخصصك يعني راح تستفيد خبرة وتطور نفسك في تخصصك

بالتوفيق ,,

لالالالالا نصييييييييييييييييييييييحة لاتفكر تدخل بنك الراجحي وتفرط في وظيفتك الثانيه وربي انا كنت موظف بالبنك وعارف نظامه وخياسه والدليل انه خايس كل شهر يوظفون فوق عشرين موظف وخلال شهرين فصلوا كلهم وعشان تقتنع روح بنفسك العقاريه الدور الثالث واجلس مع الموظفين الي جالسين برى يدخنوا واسالهم وشوف وش يقولوا بيقولوا انحش على طول بدون تفاهم
وعلى فكره راتبهم 3338 لكن نهاية الشهر ينزل لك 2700 بالكثير لان كلها خصميات لاتفه الاسباب وعلى فكره تجلس 8 ساعات تستقبل مكالمات وتتهزا والي يقفل بوجهك والي يهبل فيك وعملاء الضمان الاجتماعي يجلسوا يدعوا عليك والله ابعد عنهم احسن لك

فنصييييييييييييييييييحة لوجه الله ابعد عنها والله العظيم ان تدعي لي انا طلعت من عندهم وتوظفت براتب اقل بس ارتحت نفسيا وكرهت البنوك كلها بسبب هالبنك الخايس
اللهم اني بلغت اللهم فاشهد

نصيحه فك عمرك من البنووووووك عامه
حتى لو كان راتب اعلى والكلام هذا اي واحد يشتغل بالبنك يقوووووله

مشكورين على النصيحه والله يعطيكم العافيه جميعا انا رحت لبنك الراجحي قلت لازم احكم بنفسي واشوف ودخلت وجلست مع الموضفي اللي هناك وسالتهم عن الراتب والشركه وبصراحه طلع كلامكم كله صح والحمد لله صليت الاستخارة ورح اروح للشركة الثانيه ولله الحمد من يوم السبت وبصراحه قالو لي لا تفكر ان البنك وضيفة مستقبلية هذي مؤقته وفي ناس كثير تخصصاتهم بكلوريس وفي اللي عنده صيدله وكلهم مايفكرون في البنك كوضيفة مستقبليه وجلست معاهم وسمعت الرد على المتصلين وبصراحه موضفين محترمين لابعد الحدوووووووووود لكن الشركة الماسكه المشروع ((( سمارت لينك))) شركه خايسه وحراميه والله يوفق الجميع والف شكر