بارك الله فيك اخوي مرق طماط واخوي تسويقار على مداخلاتكمم الاكثر من رائعه ونفع الله بكم العباد والبلاد

بس اذا تسمحلي اخوي مرق طماط تعقيب بسيط على كلامك ارجو ان تتقبله بصدر رحب

بالنسبه لموديل التريللا او القلاب ياغالي مولازم الجديد ويكون بعلمك موديلات التسعينات اللي هي اللبي اسعارها زي موديلات الالفيين وبعضها اغلى وتوني جاي من السوق امس وشايف بعيني وهذا لان الموديلات هذه مرغوبه بكثره لان خراباتها قليل وماهي كمبيوتر مثل الجديده وقطعها متوفره بكثره ورخيصه وبعدين ياخوي سيارات الديزل مايهمها لاعمر ولا ممشى يعني مايأثر فيها هذا من ناحيه

من ناحيه ثانيه ياخوي فارس قالو الاولين ربي ارزقني وارزق مني يعني لاتكون عسر وباذن الله بتمشي امورك
الشغله ترى مابيلها شي انت رح بنفسك للشركات او مؤسسات المقاولات وكلم المدير المسؤول بنفسك واعرض عليه سيارتك وصدقني بتلقى واجد يرغبون بتشغيل سيارتك وبالنسبه للتلاعب يكون عند بعض المدراء يعني يقولك
ابعطيك عقد شهري بقيمة مثلا 15000 وهو يسجل العقد عنده بقيمة 18 او 19000 ويترزق منك 4 ولا 3 الاف هذا التلاعب اللي يصير في النقليات
انت وانا اخوك شوف اهم شي عندك مسار النقله لان الحساب يكون بالنقله شوف اذا كان المشوار مايهلك موترك والسعر طيب توكل على الله حتى لو ياخذ من وراك اي مبلغ اهم شي انت امورك ماشيه وبالتدريج بتعرف امور الشغل واهم شي بتتطور علاقتك مع مدراء الشركات وبتعرف كيف تدخللهم وهذا هو مفتاح النجاح في ذي الشغله مدراء الشركات

بالتوفيق ان شاء الله ومثل ماقلتلك في مشاركتي السابقه انت ابحث بنفسك ف الموضوع ولاتاخذ كلام من احد حتى تكون على بينه ومعرفه واضحه في المشروع
قدامك الخير ان شاء الله اخوي والله يرزقك من واسع فضله