بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
ااماا بعد
اخواني اخوااتي اعزاائي الكرااااااام-- اسسعد الله اوقااتكم بكل خيرر000هاا انااا قد حليت ضيفاا جديدا في هذا المنتدى الرايع الذي مهما تحدثنا عنه لا ولن نعطيه ولو القليل من حقه شاكرين لجميع الاخوان العاملين على هذا المنتدى واسال الله العلي العظيم ان ينفع به ولايضر واسال الله العلي القدير ان يجعل عمل القايمين عليه في موازين حسناتهم
انا عاطل بن باطل ال سلتوح الهامل 000نعم عاطل لاغريب ولا جديد كل يوم اقول بكره تنفرج وثلاث سنوات من الانتظار جميع الابواب اغلقت في وجهي اجتهت في مرحلة الثانويه قلت بس يارجال لا جبت الثانوي بحصل وظيفه وباللعنه جبت الثانوي بنسبة 70وفوقها كسور بصراحه النسبه خيبت ظني عشان كنت احسبها احسن من كذا بس غمضت وقلت العسكريه يارجال ماهي بشينه انتظرت سنه واتصل علي حميدان بن رجب قالي ياولد الامن العام فتح التسجيل الحق وانا البس ثوبي واروح واخذ من جدتي حصيصه عشر اريال واروح اشر على الخط ابي اي واحد يوصلني اقرب مقهى وبنص القايله وانا ذابحني الجوع ومامعي غير حق المشوار وبس انتظرت وجلست اشر ويجيكم راع اللكزز ويشوف من حالي وقال وين بتروح قلت ياخوي اقرب مقهى بقدم لخوي ههه سويت اني انا الرجال الي متوظف وعاد من حسن حظي انا رغم كل الاوضاع دايم اكون متكشخ المهم ويقول اركب ويقعد يسولف معي وانا يوم ركبت قلت انا اشهد ان الجنه حق هههه ماشا الله ياسيارته تفتح النفس قسم لو يشوف سيارتي الددسن الي تنثر تراب من كل مكان غير يسجد شكر لله المهم قول وصلنا ويوم نزلت واجي بحاسبه قال مرره مايجيني الريال قلت شوف غيرها ماهو انا الي اروح ببلاش وانا ولد ابوي وانا بس اعطيه العشره الي مقفرطتها جدتي لين الشر مقفرطها وانزل واقوله شكرا واصك الباب واجي ولا المقهى مقفل واجلس على الباب نص ساعه لين جا وانا ادخل واقوله محمد عندك جهاز وهو يناظرني ويضحك وانا اقوله عسى ماربي يضحكلك افتحلي جهاز بسرعه قبل يروح التقديم ويقولي ياخوي الساعه بعشر اريال هذا الي عندنا وانا اقول ايه هين تبي عشره بعيونك الزرق هذي قلت شكل امك مرضعتك حبر بس وانا اقول ماهي مشكله لو تبي عشرين الخير واجد وانا مامعي الريال بس قلت اقدم والله يفرجها بس ويرسلني على جهاز وافتحه واقدم جلست بس دقيقه على بال ماقدمت وانا اطلع واقوله يامحمد دقيقه وراجع قال اوك وانا اتلها ولايردني غير الشارع العام واجلس اشر ومن حسن حظي ولا هذا راشد الحمادي واحد من اصحابي ويوقف واركب معه واقوله ياولد قدمت بالامن العام وقال لا قلت الحق وانا ولد ابوي ونرجع لنفس المقهى ونقدم له ونعطيه عشره ونمشي وقالوا الاسما تطلع بعد خمس ايام وانا اجلس تقكر بحالي واقول يارب تفرجها وتطلع اسمي ويدق علي صنيتان المري ويقول يافلان الاسما طلعت وانا اتلها ماشي ميتين وادخل على الموقع ويقولي مبروك لقد تم قبولك مبدياا وانا احضن صنيتان ومن قشر حضي صنيتان قالوله لم يتم قبول طلبك ومع الحضنه وهو يرفسني كوع على جبهتي ولا طالعه ورمه بجبهتي وانا من الفرحه ماحسيت وانظر فيه واضحك واقوله تمون ياخوي بس خلني ما انقبل وتشوف قسم يارموشك غير انتفها لك واضحك واروح من الفرحه على رجلي بس وانا اروح واتسلف الف وخمسميه من واحد من الجماعه ناوي اتقضى بها للعسكريه يارب عافي ويجي اليوم الي تكسر فيه حظي وتبعثر وتشتت وانا اروح لموعد المقابله وقالوا اول شي كل واحد يطلع ورقه الموعد وانا اناظر بالي جنبي واقوله الورقه هذي واوريه شهادة حسن سيره وسلوك فيها صورتي تقول هندي سكران ههه ويقولي لا لا ابك الورقه الي فيها الموعد لازم تطبعها من الانترنت وبس وانا اخذ حذيلني بيدي وانتم بكرامه وادعس واروح لقرب مقهى ويقولي الطباعه بعشره وانا اضحك واقوله لو تبي بخمسين بس خلصني وراي مقابله وبس واطبعها واعطيه عشره ويقولي ماعندي صرف بس وانا اقوله خذها كلها بس واروح وينادوني ويقولي العسكري اطلع على الميزان بس وانا اطلع واثق مره ويقيس ويقول لخويه العسكري سجل ميه وثمان وستين بس وانا انزل فرحان ويجيني مقرود عننه ضابط ويقولي ارجع على الميزان بس وانا ارتبش ويجلس يسولف معي انت من وين وش اسمك كم سنه متخرج وانا رايح اجاوبه احسبني لقيت واسطه لجماعتي وبس مع نص كلامي وهو ينزل الميزان وتجيني الصاعقه الكبرى قالي تعال السنه الجايه ناقص نص سم واناظره واضحك واقوله ان شا الله وانا احسبه يضحك معي غير من قو الصحبه هههه وبس وهو يطلع ورقة الموعد ويختم عليها ميه وسبع وستين ونص ويقولي توكل وانا يتغير وجهي واتصدد واقول ياولد هذا صادق بس والوكاد رجعوني بنص سم بس وبعدها تحطم حياتي ويقولون لي اصحابي يارجال امن المنشاة بتقبلك وانت تضحك ورواتبها احسن من الامن العام بس وكني شرهبت يعني فرحت بس واقول انتم تقولونه اجل بحتريها وش خسران توي باول عمري بس وبعد ست شهور من الطفش والهم والغم والتعاسه يجي التقديم بامن المنشاة وعشان ماطول عليكم والله رجعوني ناقص نص سم وهكذا هي حياتي وقفت على نص سم عشان كذا اسمي كذا بس دعواتكم لاتنسون وايه عشان اذكركم تراي درست بالمعهد المهني وتخرجت بنسبة سبع وثمانين بس مالقيت وظايف الله يرزقنا ويغنينا عن خلقه تحياتي لكم عاطل بن باطل ال سلتوح الهامل