بسم الله الرحمن الرحيم
السلام عليكم ورحمة الله وبركاتة
ياشباب ارجوكم افيدوني أمس وصلتني رساله من شركة (سابك) وهذه هو نصها يقول
{سابك تدعوك لحضور مقابلة شخصية في مبنى شركة سابك الرئيسي في حي الفناتير بالجبيل
الصناعيه ,يوم الاثنين السادس من يونيو الساعه 9:30صباحاً يرجى احضارالاتي
1-السيرة الذاتيه .
2-صورة 4*6
3صورة من بطاقة الاحوال
4-صورة من وثيقة التخرج
5-صورة من كشف الدرجات
6-صورة من شهادة الخبره
7-صورة من تذكرة السفر
ولتعويضك بمبلغ السفر }
الي عنده خلفيه عن طريقة المقابله يفيدني انا معاي دبلوم كلية تقنية مع العلم اني قبل 3شهور
اختبرة انقليزي عند سابك في كلية الجبيل الصناعيه بعدها بفتره أراسلولي اني لم اجتاز الاختبار ..وكانو طالبين مني شهادة الثانويه شهادة الكلية قالو مانبغها ..لان انا مدري وش السالفه .هل هم قابلين على الثانوي ..او انهم مالهم علاقه فالاختبار الاول.. او طلبوني المره ذي بالكلية ........
(ارجوكم افيدوني ياااشباب بالعلم اليقين والي جاته رساله مثلي يفيدني )

بصراحه ماعندي خلفية
لكن حبيت اقولك ربي يوفقك ويسهل امورك ويبشرك بالوظيفه

اخوي توكل على الله وسير عليهم


بس لو حبيت تحصل معلومات اكثر

روح لموقع شركتي كم (ابحث في قوقل)
ورح لمنتدى سابك

موقع جدا مفيد وبيجاوبك عن كل اسئلتك

وبالتوفيق لك

لاتقلق ولا تشغل بالك انت وفر الأوراق المطلوبة ورح على الموعد وبتعرف منهم كل شي
واكيد اختبارك عندهم مأخوذ بعين الاعتبار لأن كل شي يتسجل بالسستم عندهم

بالتوووفيق

والله مدري وشو اقولك الله يوفقك ..
بس راح يقول لك ف مقابله تحدت عند نفسك وعن رحله الين وصلت شركه سابك بس محآدثه راح تكون كله ب لغه انجليزيه بس

طال عمرك .. تراي انا من الدفعه اللي اختبرت معك .. كان اختباري 2مارس اللي راح ..
..
بس دام طلبوا منك الحضور .. روح لهم ..
عباره عن مقابله .. كلها نص سااعه .. ويجي لك تأكيد من اسبوعين الى ثلاثه بنجاح او رفض ..
وبعد كذا رساله فحص طبي .. اذا وصلت للفحص الطبي يعتبر قبولك بشركة سابك 90% ..
وتوصل لك رساله من اسبوع الى اسبوعين بنجاح او رفض ..
..
والوظيفه طبعاً مشغل .. وتدرس عندهم سنه ونص مكافأه شهرياً 3400 تقريباً .. وعندهم سكن ..
وبعد كذا تتوظف عندهم براتب تقريباً 9 الاف .. لانهم يبحسبون لك شهادت الكليه بزياده 1000ريال ..
,
واذا بغيت اي استفسار [شركتي] والله يوفقك ..

السلام عليكم

اخوي انا جتني رساله مثل رسالتك ونفس اللهم الفرق انهم قالو لي الساعه 7 ونص المقابله
ومعي دبلوم كلية تقنية تخصص انتاج

اللي محيرني ما اذكر قدمت على شركة سابك كنت كل ما اقدم بموقعهم واحط ارسال الطلب يطلع لي خطاء وجربت عشر طعش مره وطفشت قلت طز والله ما اقدم

ولا عمري دخلت اختبار ولا شيء عندهم يعني دايركت مقابله غريبه؟

المهم انا اللي قاهرني انه اتصلو عليه قبل امس ظهر وما انتبهت للجوال كنت حاطه صامت رجعت اتصل عليهم قبل امس وامس واليوم وما يردون

عاد انا حجزت على الشرقيه وبروح اشوف وش السالفه وربك يكتب اللي فيه الخير ويوفقني وياك وكل الشباب ان شاء الله