جميع ماحصل معي بحرس الحدود بجدة...!

عاطل وشكرآ ياوطن · #1 (**permalink**) 01-06-2011, 02:15 PM

بسم الله الرحمن الرحيم
انا ياخوان كتبت ماحصل معي في موضوع احد الاخوان ولكن حبيت اسوي موضوع جديد عشان الي يريد يعرف وش حصل معي يكون قدامه ومايحتاج يدخل يفتش بالمواضيع

طبعآ انا رحت اول واحد للمعهد وماكان في اي مخلوق تقريبآ الساعه 4.30 بعدين
قلت خلني اروح المركز الثاني الي جنب سوق السمك وكان فيه جندي
الي على البوابة قالي ارجع هناك المطابقة موب هنا المهم استفسرت منه على الدورة كيف نظامها >>تطمنو

قالي والله سهاله وان شاء الله تعدي زي الهوا وانت ماتحس فيها وتره الامور سهاله
يوم رجعت كان في كم واحد ودخلونا على الساعه 5.20 رحت صليت وبعدين دخلونا على الميز
قبل لاتدخل في السيب في طاوله فيها مجموعتين لاوراق مدبسة يقولك الرقيب شوف الرقم التسلسلي
انتبه ولاتغلط زي ماغلطو خويانا خذ الرقم التسلسلي الي على اليمين يعني الارقام تبدأ من 1 الى 1000 انت خذ
الرقم الي قبل اسمك لاتغلط وتاخذ رقم الطلب وبعدين يرجعوك من اول وجديد

لين تاخذ رقم التسلسلي يوقفونكم بصف تروحو على رقيب تاخذون منه نفس الرقم التسلسلي بس مطبوع بورقة
بعدين تروحون لرقيب تاخذون منه اسمتارة طلب وتعطيه صورة شخصيه(بشماغ ولا بدون) كلها واحد حتى هو قال
والي ماعنده مو مشكله وبعدين يدبسون رقم الطلب والصورة وترجع مكانك
بعدها تعبي اسمك ورقم الطلب الي من الموقع
بعدين ياخذون اول دفقه يمكن 15 او 30 على حسب مزاج الرقيب

بعدها تروحون المبى الثاني يوقفوكم صف تدخلون اثنين او ثلاثه راح تحصلون عسكر برتب متفاوته يطابقون البيانات هنا انت لاتستحي اسئل الرقيب الي يوزعكم قله انا عندي كذا وكذا اضيفها او ناقصني كذا وكذا لانه ابن حلال طلع يمكن 4 الي نسي صورة الشهادة والي نسي صورة الاحوال عشان كذا بالاخير بقولكم وش الطلبات
بعد ماتطابقو ويختمو على الطلب ويدبسو النسخ يقولو لكم روحو عند الرقيب الفلاني وهو يوزعكم على الي ياخذو الوزن والطول يوم رحت هناك رحت عند نقيب ومعه رقيب مطوع انا اقيمهم 15 /10 >>> احلف

المهم والله كلهم عيال حلال ومره طيبين خلوني افسخ النعال اعزكم الله ورحت اخذ الطول وبعد ماخذت الطول قالي اطلع الميزان والله العظيم ماتصدقون انهم مشوني ويضحك المطوع معي ويضربني على كتفي >> مسوي يمون

يعني والله سهاله وبعدين قالي شمر يدك وارفع ثوبك يبي يشوف يعني في تشوه خلقي باليد او الرجل اوا اثار ابر مخدرات المهم الحمدلله مشيت وانا مرتاح يوم وصلت لاختبار النظر جيت عند رقيب ابن ابن حلال وحبوب ومره طيب كشفت عنده يوم غطيت عيني اليمين واشوف باليسار قسم بالله اني شفت اول علامه والثانيه والثالثه عيني غبشت يعني ماشوف شي انحولت من النعاس لاني رحت مواصل بس الحمدلله قالي خلاص
سألته قال روح وتجيك رساله ع الجوال ان شاء الله
وانا خارج قابلت واحد قالي كيف امورك قلت تمام وانت قالي انا طلع عندي زيادة وزن يعني مرفوض بس قالو له عندك لاخر يوم الي هو الاربعاء الجاي روح نزل قد ماتقدر وارجع لنا يعني والله متساهلين لابعد حد
وعلى فكرة لاتجي الا ومعاك قلم عشان لاتقول فلان عطني وفلان ممكن قلم وتحرج نفسك وغيرك معك
وتره العقيد الي هو مدير المركز يلف بنفسه يقولكم قفلو الجوالات عشان مايكون في واسطه
وتره تتسهل من رب العباد بس انت لاتنساه عشان هو ماينساك
بذكركم بالطلبات عشان ماتتوهقون زي المساكين الي ضربو مشوار الي راح يصور والي راح السيارة يجيب شي ويرجع يصف من اول
الشهادة الاصل + صورة منها + صورة من بطاقة الاحوال + الاصل للمطابقة + كم صورة شخصية + الشهادات الاضافيه للمطابقة + صورة منها
مو مهم تجي بثوب ولا ببدله انا شفت كم واحد لابس رياضه ومشي معي لين الفحص ونصيحه لاتجون مواصلين ولا متاخرين تعالو بدري تمشو بدري انا الساعه 7 وانا برى المركز
وبالاخير ادري طولت عليكم بس انا حاب ان الواحد يروح وهو مكمل اوراقه عشان لايحرج ولا ينحرج

وبالاخير اتمنى لي ولكم التوفيق في الدنيا والاخره .. وتكفون ياخواني لاتنسوي من صالح دعائم

جميع ماحصل معي بحرس الحدود بجدة...!

إستفسارات ونتائج الوظائف العسكرية

بسم الله الرحمن الرحيم انا ياخوان كتبت ماحصل معي في موضوع احد الاخوان ولكن حبيت اسوي موضوع جديد عشان الي يريد يعرف وش حصل معي يكون قدامه ومايحتاج...

جميع ماحصل معي بحرس الحدود بجدة...!

تسجيل الدخول

جميع ماحصل معي بحرس الحدود بجدة...!

إستفسارات ونتائج الوظائف العسكرية

بسم الله الرحمن الرحيم انا ياخوان كتبت ماحصل معي في موضوع احد الاخوان ولكن حبيت اسوي موضوع جديد عشان الي يريد يعرف وش حصل معي يكون قدامه ومايحتاج...

جميع ماحصل معي بحرس الحدود بجدة...!