نفس الحاله طلعتي بدل فاقد لما يجي يصرف بيعرف ان صرافته تكنسلت

اسمعي نصيحتي

روحي على نفس البنك اللي ينزل عليه الدعم وافتحي حساب جديد باسمك

وقولي ابي لما ينزل اي مبلغ حولوا منه 1500 على هالحساب وخلو الـ600 له تسكته

كذا مايقدر يوقف الدعم عشان مايحرم نفسه هالـ600

وبينطم وبيرضى بالامر الواقع

يعني عشان حريم مستهترين فينا ياكلون حقوقنا وعينهم هالطول بعد

اختي اللي يحول بحساباتكم هو صاحب العمل مو صندوق الموارد والصندوق يعّوض صاحب العمل بناءا على تحويل مصدق من البنك فيه اسم الموظف ورقم هويته يعني هو عشان يحصل دعم الصندوق لاااازم يحول بحساباتكم الرواتب المسجلة عند الصندوق وهي ع كلامك 4000 نصفها يتحملها صاحب العمل و الصندوق يعوضه النصف الثاني وهذا هو اللي لك ولا تتنازلين عن شي منه.
الاجراء ما يحتاج سنة كاملة هو يسجل بياناتكم عن طريق الـ اون لاين ( بدون لا يسعى ولا يتعب نفسه ) ويتم الدعم بالعادة بدون تأخير وحتى لو كان فيه تأخير ما يأخذ سنة كاملة .
وشغلت تغيير الحساب او تطلعين بطاقة ثانية هذا كله كلام مافيه فايدة و انتم ليش تعطونه البطاقات هو ماله حق يأخذ بطاقة الصراف هذي حاجة شخصية ولا له حق ياخذ ريال واحد .

اخوي حامد في اول الاول كان الاتفاق يكون الراتب 1800 وطبعا الراتب الحقيقي اقل 1800 انا موافقة عرفت ماراح يطلع لصاحب المدرسة غير 200 ريال وطبعا السبب لانه هو اللي رفع الاراق وطبعا لوفصلنا الحقيقه هو ماراح يستفيد لو الكل رافض واحنا ماراح نستفيد لو مارفع الاوراق لكن يوم اكتشفنا المبلغ 4000 وزيادة الاربعه يطلع منه 600 هو دعمي ويوم طالبنا وقلنا ظلم قال هذا المفروض يكون نصيبكم من الدعم وانتوا كيف تطالبون في مبلغ ماهو لكم في الاصل بس لكم 600 طيب والباقي حلال عليك
خلاصة الموضوع فرضنا قفلت الحساب يقدر يستفيد من الدعم

تصدقون بالله من شهر 11 انرفعت الاسماء موقع الموارد يطلع مكتوب الحاله نشيط اذا سالنا يقولون الاوراق انرفعت باقي ماوصلت ماجاء دعم باقي خلصنا دراسة وباقي ماجاء دعم اتفقوا المعلمات يهددونه انهم راح يلغوا الاسماء من الموارد خاف منهم ونزل لهم راتب شهر قال نزل دعم شهر 4 طيب والشهور السابقة وين ؟؟؟؟؟؟؟؟؟

[align=center]
الاخت عاطلة فقط

أرسلي لي معلومات عن المدرسة ( اسمها الكامل والمدينة ومتى كان الكلام هذا ) على الخاص
[/align]

الله يرحم الحال

لاحول ولا قوة الا بالله
طيب اذا الموارد تبي تسوي خير تنزل دعمها مباشرة لحساب الموظف الضعيف المخدوع بعد
يعني يسرق الفلوس عيني عينك من غير حسيب طيب الموارد ترسل هالمبالغ من غير ماتتاكد
هي وصلت او لا ؟؟
طيب انتي وزميلاتك ارفعوا شكوى حاولو توصلونها باي طريقه المهم حرام حقوقكم تضيع
حسبي الله عليهم وش تنفعهم فيه الفلوس يوم يقف امام رب العالمين وقد ظلم من الخلق الكثير
أسال الله العظيم أن يفرج همك وييسر لك امرك....
تحياتي...

والله ياعاطلة تلومون نفسكم اكثر شى علشانكم سمحتون له يتحكم فيكم لدرجة انه ياخد بطاقة الصراف
على كل حال علشان تلحقى تصلحى الموضوع عليك بصندوق تنمية الموراد البشرية على طول من غير ماتضيعى وقت تسالى فلان وعلان هو المكان المختص وهو اللى يقدر يفيدك اكثر من غيره