السلام عليكم ورحمة الله ,,,
أنا قبل سنة أخذت قرض من البنك ع اساس ابشتري أرض وسيارة لأن حالتنا المادية تعبانة ,,شرينا السيارة
ولما جينا نشري الأرض اللي كنا مخططين عليها لقينا سعرها مرتفع ودورنا ثانية وثالثة ورابعة ومع الأسف مالقينا وحطينا المبلغ ع جنب وع امل ان سعر الأراضي بتنزل ومع الأسف اللي يصير العكس !!!!
ساكنين بشقة إيجار !!مانقدر نشتري بيت ويكون دفعة أولى لأن البنك يسحب فلوسه ومانقدر ع جهتين !!!!
والله محتارة شوروا علي ياجمااااعة وش رايكم كيف أستثمرهم ؟؟؟؟ أو أشغلهم ؟؟؟؟طبعا ماعندنا أي خلفية عن أي مشروووع.
واحد من ربع زوجي قاله اترك وظيفتك الحكومية ( لأن راتبه قليل مرة )وافتح لك مؤسسة وش رايكم ؟؟
وجزاكم الله خير .

والله ما عندي اي فكرة . ولكن دخلت علشان ابي ادعي لك

الله يوفقك وييسر لك امرك وامر اسرتك والله يفتحها بوجهيكم

^
^
^
جزاك الله خير ع الدعوة الحلووووة يمكن هالدعوة تعادل الف مشروع

طيب ليش مايضل بوظيفته ويفتح المؤسسة باسمك او اسم اي حد منكم ؟
وبالنسبة للاراضي لو بحثتم راح تحصلي بـ100الف بكل سهوله بس يبغالكم موظف فالبلديه يشوفلكم المخططات الناشئة او الاراضي اللي راحى يعتمدوها مخططات وتشترو منها وبعد 6-8 أشهر بيكون سعرها ارتفع دبل
وبالتوفيق لكم يارب

مشكور ع الرد ,,,بالنسبة للمؤسسة ممنوع يكتبها بأسمي او اسمه لأننا موظفين بالدولة ومافيه احد قريب نثق فيه ممكن نكتبها باسمه,,
وبالنسبة للأرض مافيه أمل انا من سكان الشرقية والأسعار مرتفعة بشكل غير طبيعي.
وجزاك الله خير ع الإهتمام والرد

انا اقول خليه يفتح محل تعقيب وخدمات عامه فيه رزق
ولا اقل شي محل خضار وان شاء الله ربي يبي ييسر اموركم
وانا نصيحة مني للكل ونصيحه والله مجرب يعني من واقع تجربه
ياخوان عليكم بالاستغار استغفرو الله باليوم الف مره وشفو الرزق
انا جربتها مرتين وكلها من بكره او بعده وتلقاها متيسره معي والفلوس تجي من كل مكان
(فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ)


استغفر الله استغفر الله استغفر الله استغفر الله
استغفر الله استغفر الله استغفر الله استغفر الله
استغفر الله استغفر الله استغفر الله استغفر الله
استغفر الله استغفر الله استغفر الله استغفر الله
استغفر الله استغفر الله استغفر الله استغفر الله
استغفر الله استغفر الله استغفر الله استغفر الله

اذا هو موظف لايترك وظيفته
وهنا مشروع ناجح 100% بس يبي له تعب
يشتري سيارة ونيت (ديزل) بـ 30 الف وياخذ من المية الف 15 الف ريال ويبدأ في تجارة الاغنام
يعني يروح للمحافظات والقرى البعيدة ويشتري منهم ويجي يبيعها في الشرقية عندكم وبصراحة فيها مكسب
والخسارة فيها شبه معدومه لأن اسعار الذبايح كل سنة في زيادة والطلب مستر دايما وخلي زوجك يروح لسوق الاغنام عندكم ويشوف بنفسة كم اسعار الذبايح

بالتوفيق

أخي عبدالله /جزاك الله خير وشكرا ع التذكير
أخي سليمان /مشكوووور ع الرد
سأجعل زوجي يطلع على ارائكم ,,,وجزاكم الله خير الجزاء وأغناكم الله من واسع فضله

وعليكم السلام ورحمة الله وبركاته


اختي ام عزام

مشروع المؤسسه شي طيب

لو تدرسين دراسه جدوى بفتح مؤسسة وتستخرين الله فيكون احسن لان المؤسسة صراحه خلال وقت قصير وترجعين راس المال اللي دفعتيه يعني راس مالك مضمون وشهري دخل ارباح


انا صراحه كلمني صديقي صاحب مؤسسة قال اذا مبلغ فوق 100 فانصحك افتح مؤسسة وتوكل على الله وانا في محافظة طريف يعني الاراضي رخيصه عندنا ..

ان شاءلله كلها شهر او شهرين على حسب ضروفي راح ادرس دراسه وابغى افتح مؤسسة مقاولات عامه

موفقه يالغاليه


الله هو الرزاق ذو القوة المتين

الله يفتح لكم ابواب رزقه