السلام عليكم ورحمة الله وبركاته

انا توظفت في مدرسة بعييييده والسواق اللي اروح واجي معه ياخذ مني حول نصف الراتب والراتب اصلا موب شي يذكر ولا راتب حبشية

ووظيفتي مدخلة بيانات وسكرتيرة المشرفه في المبنى الثاني ومسؤولة تصوير ومدرسة حاسب ومشرفة مقصف

والله هلكت من كثر الطلعة والنزله مع الدرج والتنقل بين المباني وجوالي مايطفي مايمديني اوصل المبنى الاول الا الثاني يدقون يقولون تعالي

ولا رجعت البيت اشيل معي ملفات كثر شعر راسي اقعد اشتغل فيهم عشان ماعندي وقت بالمدرسة وماقدر انام بالليل رجولي توجعني تلج علي مثل لج الضرس

واقول لهم تكفون هاتو موظفة تساعدني بس راعي المدارس جلللده مايبي يدفع حق وحده جديده

وانا مضطره ماقدر اتركهم

تكفون ادعوا لي يقتنع يجيب وحده تساعدني والله مابي يزيد راتبي بس خل يريحني شوي والله جاتني الضيقة ومادري شسوي بين نارين

ومره وانا اركض زلقت ههههههههههه والحين ظهري يوجعني شكله انزلاق يالهوي

هم كذا اصحاب المدارس اعوذ بالله مايخافون على عيالهم على نفسهم مايخافون من الله
والله يدخل عليهم من اهل الطلاب مبالغ ماليه لكن لو طلبتي زياده او طلبتي مساعده يقول مانقدر ندفع
والله حرام عليهم

لو بس مره اخليه يشتغل شغلي بس يوم واحد عشان يعرف ان الله حق

ان الله مع الصابرين

الله يغنينا عنهم بفضله بس قولي امين وجميع المسلمين يارب

الله يفرجها لكـ في القريب العاجل.

وتأكدي ان بعد كل ضيق فرج .

والله يوفقك ويرزقك من حيث لاتحتسبين.
ويغنيك بحلاله عن حرامه

تحياتي لك

مآشآء الله عليتس كل ذآ فوق رآستس
الله يعينتس ويصبرتس ..
ي رب يقتنع ويجيب ثنتين مو بس وحده ‏..

معي لك فكره حلوهـ

خذي خدامتكم معك الصبح تمام

وخليها هي تروح وتجي

ونتي اجلسي خلصي شغلك في مكتبك براحتك

وطبعآ انتي تعطي الشغاله راتب التعب بدل هالمشاغل

والطلعه والنزله ههههههههههههههههه

مافي حل الا كذا

على العموم صبري صبري

ان الله مع الصابرين

بالتوفيق لك يارب

الله يفرجه

لاتفاؤلين على نفس
انتي ماتبين تتركينهم يعني ماعرف ايش الحل اللي ممكن نقدمه
اقترح تدورين وظيفه اثناء وجودك معاهم

انا اشوف انك تقفلين جوالك وتنسينه في البيت جربي الحركه ذي