السلام عليكم ورحمة الله وبركاته

اعذروني على التأخير كان ودي اول ما اخلص انزل الموضوع

ولكن رجعت تعبان ومافيني حيل

المهم انا وصلت طبعا حرس الحدود في الدمام الساعه 4 بالضبط

افكر فيه كثير ناس طلعت مافيه الا انا وواحد بس

المهم اني انتظرت الين الساعه سته الصباح قال لنا العسكري الساعه سبعه

المهم انتظرت دخلونا بعدين وقالو لنا صفو طابور في المواقف حق السيارات

وصفينا جانا عسكري قالنا اللي جايب ملف واحد بس يروح يكملهم ثلاث ملفات

والشهاده الاصليه مع صور والبطاقه اللاصليه مع صور وسيره وسلوك مع صور

المهم نص اللي واقفين في الطابور طلعو يكملون اوراقهم وملفاتهم

صار دوري الرابع او الخامس بدايه الطابور بعدن قالنا رقيب اتبعوني

وصرنا نمشي وراه صف واحد ودخلنا في قاعه فيها بركه سباحه روعه

ومكيفه وفيها مكان مفروش نجلس عليه ومقابلنا اربع طاولات

ورى الاربع طاولات طاوله حق نقيب المهم صارو ينادون باسماءنا وصفينا

وحنا جالسين اربع صفوف وكل صف قدامه طاوله وينادي علينا واحد واحد

المهم اول ماجيته قال صف الاوراق بالشكل هذا

*صوره باقه الهويه *صوره حسن سيره وسلوك* صوره الشهاده*صوره الدورات ان وجد

وتسكر الملف والاصليه تخليها بيدك وست صور شمسيه تخليها بيدك

يطابق الاوراق بعدين تروح للضابط يوقعها بعدين تروح للطول طبعا الطول متشددين فيه مرا

المهم بعد ماتخلص من الطول يقولك شمر عن يدينك وارفع ثوبك وارفع السروال لحد الركبه

وتوقف قدام دكتور يشوفك ويقولك لف وبعدين تروح بعده لدكتور النظر بعدها يقولك اطلع المكتبه

المكتبه فيها ضابط واربع رقبا ع الحاسب يدققون معلوماتك الاخيره وتبصم عندهم

ويقولك اخر رقيب فيهم راح تجيك رساله على جوالك يوم الاربعاء او الثلاثاء يعني بعد اسبوع

وبعدين تشيل اغراضك وتطلع وتركبسيارتك وتدور لك اقرب بوفيه هنود وتفطر فيها

ولا تتهور تقول للهندي اللي بالبوفيه ( سم طال عمرك ) لاني تعبت اليوم وانا اقولها

دعواتكم لي بالتوفيق والقبول النهائي

في امان الله وبالتوفيق للجميع

واي سؤال انا حاضر ..

عقبال القبول النهائي

وبالتوفيق

شكرا على التوضيح

الله يوفقك


حاب اسأل بالنسبه للشعر دققوا فيه ؟! يعني مثلا انا شعري طويل لو رحت يكرشوني الباب ولا؟!

ثانيا:/ بالنسبه للوزن هل يدققون عليه كثير يعني مثلاانا مسجل في الطول 170 وقست الحين طلع 173

وتحسسهم متشددين ولا ..

ووين مكانه بالضبط الي بالشرقيه لاني انا موعدي 4 رجب ولاا عرف مكانه بالضبط وربي يوفقك وياي .^^

فحصوااااا النظر ؟؟؟؟؟؟؟؟؟؟؟؟؟ظ

اخوي الصور الي طالبينها مكشوف الرئس ولا بشماغ؟؟؟
وهل اختبار النظر سهل ولا لا؟؟
وكم ملف نودي معنى وهل نصدق الشهادة من المدرسة ولا وين؟؟؟؟؟
اتمنى تفيدني انا موعدي الاحد الجاي بدمام

وينك يا الغلا نتمنى تفيدنا باسرع وقت ممكن

موفق بإذن الله ... لك مني أجمل تحية .