السلام عليكم ورحمة الله وبركاااااته

هلا بالحلوين الغالين

اشتقتلكم

انا انسااان داااج مرة عندي الوضع ايزي قدمت مثلي مثلكم بحرس الحدوود وياللمفاجاة انقبلت

ياولد بدل بدل والله الحلوو انقبل

بس خسارة انا بمكة وانقبلت بعسير


كلمت الاهل وقالوا توكل روووح<< بيني وبينكم قلبتها برااسي قلت انا بمكة والقبوول بعسير طيب خليني استغل الوضع الي اعرفه الي يبي يرووح ابها يمر بالطائف ويمر بالبااحة ويوصل ابها

يعني المسالة فله امر بذي المنااطق مع الاجوااء الرووعه

قالي ابووي روح مع الساحل اقرب قلت لا الساحل يقولون في نااس تطاارد هنااك السيارات ويمسكوون راعيها وهااتك دف بالحبووب تشتري ولا احبك <<<من بعيد يلمح

ابووي خااف قال خلااص روح مع الطائف هع

قلت اقلك انا مني رايح لحاالي اخااف مادل الطريق ونت تعرفني ولدك غبي وجحاا

قاال خلااص بكلم واحد من الشباب يوديك

قلت ابي سيارة جديدة توديني من 2009 ونت طاالع

قال خلااص بدبرلك سياارة توديك وتجيبك

قلت مابا اسووق يقولون 700 كيلو رايح ومثلها جااي ونا اخاف رجوولي تعورني اخاف يقبلووني ويشووفني الظابط مفرشخ ويظن ظن السوووء

قال خلااص ياغبي اصلن مو انت الي تسووق

قلت اخر شي ابي واحد من العياال يطلع معي

قاال الله يرجك رجا جيدا ليس باردا

واكتملت شرووطي للبعثة الي غزوة اليرمووك

والله موعدي يووم الاثنين واحرك الظهر وهااتك خط مع واحد مطوع الله يجزااه بالخير فلاوي والثانني خويي ثالث متوسط كل من شافه حسده ذحين كل واحد يفكر شكله مزة

اصلن عمره 23 ومغرز وكب الدراسة سنة ثالث متوسط

وقبل الكر تحديدا بالعواالي نتغدى بمطعم وربي احلى غدوة

ونشووف نجووم الليل فوقنا قصدي نشووف نجفات افغانية

ونحرك على الطائف ونسال واحد هنااك وين طريق الباحة وورانا الخط وعلى طوول مسكنا الخط السيااحي ماشاء الله مناظر وفله وعلووم الدله شوي ونلعب كرة سله

اللهم لاحسد صرااحة مناظر مي بمكة من ناحية البرااد والمنااطق الحلوة وتمشياات ولا احلى مو زي مكة اذ مسكت تمشية نررووح كدي ولا الزايدي


ونووصل بلجرشي مدري المندق الي قبل البااحة ايه المندق لاتلوومووني اول مرة اسافر هنااك بمكة حدي خط الساحل وديرتنا حر


ونعديها ونوصل الباحة ونعديها ونوصل ابها وننهيها يقولون ابها البهية تخلي الكهلة جلكسي

وصلنا تقريبا الساعة 1 بالليل عشاان وقفنا بالخط هنا وهنا وكذا تعرفوون


وسالنا عن المديرية حقت الحرس ودلوونا عليها قلنا اول شي نرووح نتعشى ونتعشى ونووصل المديرية الساعة حوول الثالثة صباحا قلت مايمدينا نستاجر شقة ننام قريب من المديرية عشاان ارووح اول واحد

قالوا خلااص ونا جالس ورا وهم قداام رخو المراتب ونا قعدت بهاا مزحوووم نمت نص سااعة صحيت ظهري الم مو طبيعي محشوور بالاخير وجنبي ترمس وهجولة

انتظرت لحد اذن الفجر كنا جالسين جنب اعتقد الجامعة وفيها مسجد طلع الفجر اذن مسجد الجامعة مااذن ولا صلى صحيت خوييي ورحنا المسجد حق الجامعة نبي نقيم الصلاة اثاريه مقفل قلنا مو مشكلة على الاقل الجمام هنا نتوظى اثاري الحماام مقفل وتقفل معي وادف الباب حق الحماام وانفتح يوم انفتح ماتشووف الا شمعاات الماكسيما من ورا معشقين الخامس على طوول طبعا خفنا وقلت لخوويي روح دف خش الحمام انت الاول نا فتحته ونت خشه قال انقلع رحنا نصحي خوينا المطوع قال لا نرووح المسجد الي هنااك في ابها

رحنا صلينا ورحنا مطعم عند يمنة فطرنا كبدة مادرينا الا الساعة ستة وموعدي ستة على طوول عل مديرية


وصلت عند الباب قال العسكري بدري قال الثاني يمكن ورااه طرقة قلت اكيد قال شسمك قلت كذاا كذاا

انصدم العسكري والعسكري الي جنبه بادله نفس الشعوور


قاال انت اسمك كذاا كذااا قلت ايه فرحت قلت شكل عندي واسطة مخفية والي ورااي الطالب بدا يتحنحن يعني مشي اموري معك

ونا اتغلى قاال العسكري ياخي انت اسمك اول القائمة واول النااس وعقاب لك عشاان جيت متاخر اخر واحد صف بالطابوور


الي وراي تقدم على قلت الله يازمن كان من دقيقة يباني اتوسط له وذحين خش قبلي

ومشانا العسكري وانتظر حوول الساعة والربع وجا دوري اخش عندهم قاسوا الطوول والوزن اول شي وززني تماام بس طوولي طلع بعد الشد والرفس 167

ومشاني العسكري عند الضابط قال انت كذا كذا قلت ايه قاال تعرف فلان بن فلان قلت ايه طبعا نسيت اقلكم كان عندي واسطة من ابها بنفس القطااع وصرااحة مانفعت لان الطوول مايلعبوون به على قولهم

قاال الله ييسرها بوجهك طوولك مايخارجنا قلتله يالغلا ماعليك انت سوي واجبك الوطني والي امر به وزير الداخلية ولا تشيل هم

انبسط قاال تجي مكااني امزح ماقال

المهم ابتسم بوجهي وقاال الله ييسر عليك وابتسمت بوجهه وقلتله الله يعطيكم العافية



وخرجت من عندهم والابتسامة نص كم

طبعا ماانقبلت بسبة سانتي لاكن الله يفرجهاا من عنده


وتمشينا بابها قليل ورجعنا الباحة ووصلنا الطائف ونزولا على مكة


توتة توتة خلصت الحتوتة


وقد اعلنت اني رااح ارسل برقية لسيدي وزير الداخلية اشكي فيه نظامهم <<<<مايعطوونه امل


والسلام مسك الختاام