السلام عليكم ورحمة الله وبركاته



معاي مبلغ 30.000 ريال ولا ادري وش اسوي فيها
انا في بالي مغسلة سيارات بس خايف من الخسارة والله ماعندي الا هالفلوس

اذا احد عنده مشروع في باله ويقدر يفيدني تكفون لاتقصرون معاي

واذا احد عنده مشروع ويبغاله شريك انا جاهز

واللي يبغى الفلوس ويسوي لنا مشروع ويكون الدخل النص بالنص ماعندي مشكلة هو عليه الادارة وانا راس المال


يعني اي حاجة تشوفون انها راح تفيدني تكفون لا اوصيكم



طبعا انا من جدة

ياليت يااخوي تقرأ المواضيع وتستفيد
وبعدين ادرس السوق ايش محتاج قد يكون مالا قليلا
لكن يبارك الله لك فيه

وعليكم السلام ورحمة الله وبركاته


هلا فيك اخوي

اخوي يوم الاثنين 4/7 اكتتاب شركة جبل عمر للتطوير


اخوي ان شاءلله ان الشركة حلال

اجمعلك كم كرت عائله من عمامك خوالك او اصدقائك

واكتتب فيها رزق حتى الاكتتابات

والله انا مثلك الحين عندي راس مالك تقريبا 40 الف ريال

والحين جالس اجمع لي كروت وان شاءلله يوم الاثنين ابي اكتتب بكل الاشخاص

وان شاءلله ان الشركة حلال

-------------------------------------------------------------------------------------------------------------------
حاول تستثمر فلوسك بشي مربح
-------------------------------------------------------------------------------------------------------------------
اخوي فيه مشروع ثاني
انك تحجز لك مستودع مساحته 200م تقريبا

وتكون عندك ديانه استئجرها استئجار اول شي

ويكون برى المستودع مكتب للمحاسب

ويكون عندك تقريبا 5 عمال

عاملين يفرو على المحلات يوزعو البضاعه المواد الغذء

والعمال الباقي للمستودع ترتيب وتنزيل البضاعه وتنظيفه الخ ....


تتفق مع تجار بالجمله تشتري منهم وانت وشطارتك بكم توزع على المحلات الكراتين ..


طق طق لين الله يفتحها ويوسعها عليك ومع الوقت راح تشتري ديانه 2 وترتب امورك ...


ربي يفتحها عليك انا هذا جزء بسيط اتكلمك عنه

ان شاءلله الاخوان/ت يمرون على موضوعك ويعطونك ارائهم

موفق يالغالي

الله يوفقك ويرزقك اخوي استغفر الله

انا حاليا عندي 20 الف وحطيتها في الاسهم وما شاء الله فيه أسهم الايام هذه تعطيك ارباح 50 %

اذا عندك اطلاع بسيط على الاسهم وعندك جرأة درعم مع المدرعمين يمكن الله يكتبلك رزق فيها


والتداول مجاني على الانترنت ان حبيت او على الجوال


غير الاسهم فيه مشاريع كثيرة لكن تحتاج شراكة عمل ورأس مال

وعليكم السلام ورحمة الله وبركاته

عادي ياخوي في ناس معاها 100ريال ووصلت الحين للمليون
تقدر تبدا من ريال مو مشكله بس يبغالك صبر وتفكير بمشروع مربح 100%
فانا اقترح عليك بهذا المبلغ تشوفلك خبير فالسيارات امشي معاه المعارض وخذلك سيارة بحدود 20 تكون نظيفة ورخيصه وتبيعها على 23-24 وحسب اختيارك للسيارة ومدى نظافتها تقدر تطلع ارباح توصل الى 7الاف فالسيارة الوحده
بس مثل ماقلت لازم خبير فالسيارات يبيع ويشتري دايما وراح تبدع بهالمجال

اذا انت من جده ارسلي رقم جوالك على الخاص

عندي لك مشروع ذهب

انا من رايـــي تشغليهـــا في " التقسيــــط "

مبلغك يجيب لك شهريا 3000 ريال

واذا استثمــرت الأقساط الشهريـــه مع راس المال يكون دخلك اكثر


علمــا ان كل شـــي بإسمك : العقــــد + الشيكـــات + الكمبيالات

للرفع

اذا فكرت بالاسهم لا تدخلها الا بعد ان تتعلمها وتسجل مشتراك بورقه كاختبار ثم البيع بورقه وتتعلم التحليل الفني

واذا اتقنت الاسهم درعم فيها متوكلا بالله

وان لم تطبق ما قلت فاترك الاسهم فخسايرها كبيره لمن لا يفهم التحليل الفني للاسهم او يعلم التحليل ولا يطبقه

ماانصحك بالاسهم

والله يرزقك من واسع فضله