08-10-2011, 11:46 AM
|
عضو جديد
|
|
تاريخ التسجيل: Jun 2011
المشاركات: 29
معدل تقييم المستوى: 28
|
|
السلام عليكم ورحمة الله
مساء الخير على الدبلوماسيات
اول شي : الحمدالله الذي بحمده تتم الصالحات ابشركم ربي وفقني واجتزت التحريري
وسويت المقابله ويارب اجي ابشركم بالقبول النهائي
المقابله كانت في وزارة الخارجية مع خمس استاذات تقريبا
اولا وزارة الخارجية بالناصرية ومبنى كبير وواضح جدا
اذا جايين من الشمال يكون مستشفى الملك فيصل التخصصي على يدك اليمين وتمشين قدام بيجي بطريقك كوبري تنزلين منه وتقابلك اشارة تعدينها وتمشين طوالي الى ماتوصلين اخر الشارع وتلقين الوزارة مبنى حجر على يدك اليسار
ثانيا وقت ماتجين عند البوابه يطلبون اثباتك ويتأكدون انه اسمك موجود ويفتشون السيارة وتدخلون على بركة الله
ثالثا اذا دخلتي بتلقين سيدة تسأل بس عن اسمك وتشوف انه موجود عندها بالورقه وتفتشك بالجهاز على السريع
رابعا تطلعين فوق تلقين استراحه تتجمعون فيها لكن اول ماتوصلين لازم تدخلين المكتب جوى عند الموظفات وتسجلين اسمك والساعه كم وصلتي لانه المقابله تعتمد على وقت حضورك
انا وصلت بالضبط الساعه 5.7 م وكنت اخر وحده فصارت مقابلتي اخر وحده
اذا سجلتي اسمك ترجعين تنتظرين بالصاله وتتقهوين الى مايجي دورك
خامسا : جا وقت مقابلتي وتوكلت على الله ودخلت وكانت زي الحلم لدرجة بالضبط ماتذكر كم عددهم ولا كيف اشكالهم
اول سؤال كان تكلمي عن نفسك وبديت والحمدالله ربي يسر مع انه بنص التعريف حسيت نفسي اقولهم يالله لهالدرجة انا خايفة !!
وبعدها الله وكيلكم استلموني وماعاد اعرف مين يسأل ومين يتكلم وراح التواصل البصري بخبر كان
ويادوبك الحق ارد ماعطوني مجال افكر وش بقول
وعموما كلها اسئلة شخصية جدا
طلبوا مني اتكلم عن بحث تخرجي بالانقلش
سألوني انه الوظيفة تتطلب سفر هل بكون مستعدة
وبالأخير قالوا لو عندي اي تعليق وشكرتهم على المقابلة وطلعت
فأنا شخصيا ماجاني اي سؤال عام لكن بعض البنات قبلي قالوا انه جاهم:
تكلمي عن نفسك بالانقلش
تكلمي عن المملكة بالانقلش
رأيك بالتعدد ولو اجنبي سألك عن التعدد ايش تردين عليه
رأيك بمجلس الشورى
عدد اعضاء الأمم المتحدة
عدد سفارات المملكة بالخارج
حبيت بس افيدكم لو شوي ويارب بالتوفيق لي ولكم
ومابغى غير دعواتكم 
|
وعمومآ الحمدلله على كل حال ، والله يعوضنا بخير
العرض العادي
