خاص ( التقديم على وزارة الخارجية ) نسائي ,,, وزارة الخارجية تعلن وملحق دبلوماسي

فكر اقتصادي · #**1201** (**permalink**) 09-10-2011, 02:29 PM

مساء الخير

وفا
معوضة خير يارب
ويارب يسمع منك ويوفقنا وتكون وظيفة السعادة
ومرة انبسطت على ردك الاخير ان شاءالله البنات يستفيدون

اول سفيرة سعودية
شوفي اتوقع الكل ينطلب منه يتكلم بالأنقلش
لكن اعرف بنات اعتذروا
ومدري كيف بتكون حسابتهم عاد
والله يسهل ويكتب اللي فيه الخير

دبلوماسية
اول شي بقولك هدي نفسك أقوى شي
ماحد بياخذ غير اللي ربي كاتبه
والمقابلة مافي يدك شي تسوينه غير تدعين وتتوكلين على ربك
يعني بس خليك مطلعة على اخر الاخبار واعملي لك تعريف صغير عن نفسك لانه اول سؤال وأكيد بتكونين مرتبكه
فحلو تكونين محضرة شي في راسك
وموفقة يارب

لسني احب البطالة
مبروووك القبول
والله يسهل على الجميع

كاندي شوب · #**1202** (**permalink**) 09-10-2011, 08:13 PM

السلام عليكم ياحلوات

عفوا بس عندي استفسار

الاعلان على موقع الخارجية يقول موعدي يوم الثلاثاء 18 أكتوبر من 4-8م

ووصلني ع الايميل إن موعدي الاثنين 17 أكتوبر من 5-9م

طبعا فهمت إن أولوية المقابلة هي على حسب الرقم .. بس تاريخ اليوم راح يسبب مشكلة

خصوصا إن بابا حجز الثلاثاء جدة-الرياض-جدة

فيه أحد غيري عندها نفس المشكلة ؟؟؟

وإن شاء الله بأتصل على الوزارة .. بس هل لهم أرقام اتصال وتحويلات معينة تقدروا تفيدوني فيها ؟؟؟

مررررررررره شكرا

بيوتفل · #**1203** (**permalink**) 09-10-2011, 08:15 PM

الف مبروك للبنات المقبولات
فكر اقتصادي
دبلوماسية
لسني احب البطالة
والباقيات
الجميع الف مبروك

انا خلصت من المقابلة وصراحة كنت خايفة لكن طلع العكس
الدكتورات جدا مريحات ومبتسمات
وكل مااقول شي يضحكون يعني يريحونك نفسيا
الاسئلة كلها شخصية
لكن فيه سؤال عقدني انه لو جا تعييني بنيجيريا او افغانستان هههههههه

وسؤال وحيد عن التخصص الي هو مصطلح منظمة التجارة العالمية
وبس

لكن الرهبة كانت في ماقبل المقابلة وانا رايحة للوزارة ماكنت ادري كيف بتكون المقايلة وايش ابغ اواجه
بس ربي سهلها

اهم شي الهدوء

والله يوفق الجميع

والي لها نصيب بتاخذه

وربنا يعوض البنات الي ماانقبلوا خير

بيوتفل · #**1204** (**permalink**) 09-10-2011, 08:29 PM

كاندي الف مبروك القبول
بالنسبة لاستفسارك

شوفي الاعلان حق الوزارة فيه الارقام

اعلان وظيفة ملحق نسائي فيه الارقام

ثورة سكون · #**1205** (**permalink**) 09-10-2011, 09:42 PM

مساء الخير

اخيراً فتح المنتدى

ألف مبرووووك صبايا القبول

وبالتوفيق للي خلصوا المقابلة و اللي لسه

الاهم الثقة بالمقابلة ومايكون التوتر كثير واضح

نصيحة حاولوا الاجابات ما تشطحون كثير فيها خاصة بالمعلومات الشخصية او التخصص

حتى ما تنحرجون بأسئلة تم اخذها من كلمة من غير قصد انقالت

حلو الاجابة تكون واضحة ومحددة

اعتقد بالنسبة للغة الانجلش بتكون مطلوبة اكثر من بنات التخصص

حسب ما سمعت المقبولات راح يكونون اكثر من 4 بنات

لانه راح يتم استبدال الاجنبيات اللي برا بسعوديات

لكن الله اعلم كم بنت راح يقبلون لكن تفائلوا خير

بالتوفيق لكم يا رب

نتابع التطورات عن بُعد

لسني أحب البطالة · #**1206** (**permalink**) 10-10-2011, 01:11 AM

فكر اقتصادي وبيةتفل وثورة سكون الله يبارك فيكم ويحقق امانيكم

كاندي شوب شفتي الحوسة كيف? انا نفس المشكلة
انا يوم الاربعاء 19-10واليوم ارسلو لي ايميل انو موعدي الثلاثاء اللي قبله
ان شاء الله يكون خطأ مع انو مأتوقع لااهم يرسلون بالدور
امس ارسلو لك واليوم لي يمكن شالو لستة اسماء قبلنا مأدري?

اني وي مأقدر اغير الحجز ابدا
اذا يبغو يقابلوني يقابلوني الربوع ;-)

إيماان · #**1207** (**permalink**) 10-10-2011, 02:13 PM

السلام عليكم

اخيراااا لقيتكم

أول شيء الحمد لله الذي بحمده تتم النعم

مقابلتي اليومين القادمة إن شاء الله

الله يعين ويسهل

لالو وينك يا زميلة التخصص

*

البنات اللي خلصوا مقابلة

هل سألوكم بالأنقلش ؟

وكيف نفسياتهم زينة ولا > أهم شيء عندها

والله يفرحني فيكم جميع

ديما وبس · #**1208** (**permalink**) 10-10-2011, 04:05 PM

ما شاء الله وأخيراً فتح المنتدى !
ألف مبروك للبنات المقبولات والله يفرحني وإياكم بالقبول النهائي يا رب !
ويسخر لنا الدكتورات بالمقابلة ههههههه << ماغصني بطني من الربكة والتوتر

بنات مادام المقابلة بتكون مثل ما قالوا البنات أسئلة شخصية وقد يكون فيها كم سؤال عن الوزارة أو السفارات أو أمور السياسة بشكل عام ، باعتقادكم ايش هي معايير المفاضلة ؟ بمعنى على أي أساس بيختارون من بين ٢٤٧ بنت تقريباً المقبولات نهائياً ؟
وياليت اللي عندها خبر " أكيد " عن العدد المطلوب تقول لنا لأن ودي أشوف تقريباً نسبة القبول !!
وشكراً لكل البنات اللي باركوا لي واعذروني ما أقدر أرد على كل وحدة لأني داخلة من الاي باد وأنواع الحوسة

واللي تخصصها انقلش تقول لي علشان نتشارك الهم سويةً خخخخ
ودي أعرف هل المقابلة بتكون كلها بالأنقلش والا لا !!
الحمد لله انقليزيتي كويسة بس أنا لما أحس أني بموضع تقييم أرتبك وماودي هالشئ يصير
الله يعين بس..

اول سفيرة سعوديه · #**1209** (**permalink**) 10-10-2011, 06:52 PM

السلام عليكم

مقابلتي كانت يوم الأحد الحمدلله سهاله يابنات لاحد يقلق ولا تتوتروا عشان ما ينحسب شي ضدك !

المقابلة جداً شخصية و مافي اي معلومات .

بالنسبة للإنقلش تعرفي عن نفسك بالإنقلش بس

الله يوفقنا و يسهلها يا رب