بسم الله الرحمن الرحيم

الاخوات عندي لكم فكرة خاصه فيكم راح اطرحها الايام القادمة .. هالموضوع للرجال

هذي فكرة سريعه للاخوان .. لاني وجدت هنا الكثير ممن يملكون رأس مال صغير جدا

مابين 20 الي 30 ألف ... ومو عارفين كيف يطورونه وينمون المبلغ ...

يا اخوان ....

مين فيكم فيه شده وحيل كل يوم ينطنط هنا وهناك واخر الشهر يطلع مبلغ طيب ؟؟؟

بقولكم على شغله ما اعرف هل طرحت هنا من قبل او لأ ... لكن هناك ناس شغلتهم الوحيده انهم يشتغلونها ...

الفكرة ...

كلنا نعرف ان هناك ناس يشترون سيارات من شركات التاجير .. او ما يسمى شراء سيارة بنظام التأجير .. صح ؟؟

طبعا لما تشتري السيارة تقوم الشركة اللي اشتريت منها السيارة بالتأمين عليها تأمين شامل

وفي حال حصل لها حادث وتلف كلي يتم استبدالها لك من قبل شركة التأمين ... حلو ؟؟؟؟؟

الشركة تقوم بتعويض الزبون اللي صار له حادث وتلفت سيارته يعوضوه بسيارة جديده او مبلغ يساوي قيمة السيارة

طيب سيارته القديمة اللي صار عليها الحادث وينها ؟؟؟؟؟؟؟؟؟؟؟؟؟؟ <<<< ركزوا هنا

طبعا السيارة بتاخذها شركة التأمين وتحطها بحوش لتجميع سياراتهم وتضربها الشمس وحالتها حاله ولما يجمعوا مجموعة يقوموا و يحرجوا عليها ...

لكن ممكن اي شخص يشتري منهم سيارة مصدومة بدون ما ينتظر موعد الحراج خصوصا لو كان لك معرفه باي من الشركتين ...

وطبعا موظفي الشركتين ( شركة التأجير وموظفي شركة التامين ) اكبر مستفيد من هالسيارات هم اكثر من يشتريها ...


طيب وين نلاقي هالسيارات ؟؟؟؟

نلاقيها اما في مستودع شركة التأمين .. او بمستودع شركة التأجير حيث لم يتم تسليمها لشركة التأمين بعد ....

او نلاقيها بالورش اللي متفقه معاهم شركة التأمين بالاصلاح لو كان التلف جزئي ...

انت كل ماعليك هو انك تتصيد لك سيارة وتشوف كم يكلف تصليحها .. وتدرسها صح ... وتضبطها

طبعا راح تاخذها بسعر منخفض جدا ...

انا في رمضان اللي فات :

اشتريت منهم سيارة فورد اكسبلورر ابيض بخمسة الاف ريال وصلحته بـــ 12 ألف = 17 ألف ريال

قيمة التكلفة رغم اني غيرت كل شي اصلي ..

بس انتبه لا تشتري شي مصدوم من الوجه

بعد ما طلعت السيارة من الورشة سويت لها غسيل داخلي وخارجي كلفني 300 ريال مع التلميع

صار تكلفة السيارة 17300 ريال

بعتها بعد اسبوع من تصليحها بــــ 25 ألف ريال

المكسب = 7700 ريال خلال عشرة ايام ....

لو دورت فلوسك بسيارتين في الشهر راح تكسب على الاقل 14000 ريال وخلنا نقول 10000 ريال بلاش نكبر المبلغ اكثر ....

بالتوفيق للجميع واي سؤال انا حاضر للجميع