30-06-2011, 05:18 PM
|
 |
عضو مهم
|
|
تاريخ التسجيل: Sep 2010
المشاركات: 319
معدل تقييم المستوى: 1822641
|
|
[QUOTE=باريس نجد عنيزه;4788765]يعطيك العافيه وماقصرت والله يوفقك
قصص وافكار استفدت منها وكاني داخل دوره ماشاء الله تبارك الله
وعندي كذا سؤال
1- عند التجاره بلاخضار وماقدرت ابيع الي شريته وفسدت
ماافضل الطريقه اعمل بلاخضار الفاسد لكي استفيد منه ..؟
2- التجاره بلاخضار حتى موسم التمور واذا دخل موسم التمر اغير مشروعي وابدا بتمور
هل التنوع ممتاز واستغلال موسم مثل موسم التمور يأثر علي بتجارتي ؟
مع العلم اني بمحافضه عنيزه والقصيم معروفه بتمور ^^"
وعندي اسأله بتمور
اشتري تمر بكميه على قدي واروح للمصنع لتقسيمه واضعه بعلب صغيره وابدا بتوزيعه مع كرت ملصق مكتوب رقم جوالي لتسويق والشهره ^^"
والتغليف التمر مثل علب صغيره
ومثل 4 تمرات بكيس مغلق لفطار الصائم
وامثله كثيرررررررررررررررره
هل هي مربحه او مكلفه من المصنع ..؟
مع العلم اني اشتري التمر بلجمله ليس لدي مزرعه
ماهو افضل وقت لشراء التمر ووافضل وقت لبيع التمر
ومتى يبدا موسم التمر لسنه هاذي ؟؟
عند شراء التمر الفاسد واخراج العبس واعمل مثل ماعملت هل هي مربحه بوقتنا هاذا .؟
هل تستحق اشتغل عليها ام اركز على تجاره واحده واتخصص فيها الا وهي بيع التمر ؟
السؤال الاخير حير الكثير وخسر الكثير
العماله والحل معهم اذا نافسونا بشغلنا وبدو تطفيشنا مافيه الا الحرب ؟
ياانا ياهو ؟
ماالحل مع الخوف من الخساره ؟
مالحل مع العالم الي تقول خساره لاتدخل مشروع مثل هاذا ؟
مالحل مع الاهل عند حاجتي لهم يدعموني ويدعون لي يقولون لاتشتغل بتجاره خلها لهلها ودور لك وظيفه اضمن 
وبخصوص الوظيفه مافيه امل نتوظف حتى لو حارس امن <بواسطه وراتبها 1600
ولا وظيفه تناسبك خبره لاتقل عن .......<<من وين نجيب خبره وحنا مو محصلين وظيفه
ماعليش تحملنا هاذي حالنا عاطلين عن العمل وهاذا حياتنا نوم ونت وفراره بشوارع والمقاهي
ادري كثرت الأسئله بس مو كثير نحصل مثلك واحد خبره ومخ وتفكير وماشاء الله تبارك الله
نستغل الفرصه لنها ماتجي الا مره واحده
وياليت تستمر بتواصلك معنا اول باول
وتساعدنا بلي تقدر عليه من خبره وحل لمشاكل التجاره الي نواجها
عدنا للاجابة :
أفضل وقت دائما أول الحصاد يكون غالي ولكن لديكم في القصيم موسم امطار اسمه الوسم
اسأل عنه كبار السن
هذا الوسم يأتي في آخر موسم التمر ويخاف منه المزارعين لا يخرب تمرهم
فيبيعوا بقيمة ترضيك كمشتري
افضل وقت للبيع
بمواسم الزواجات وموسم رمضان الا ان صادف ذالك وقت نزول الرطب مثل هذا العام يتوافق نزول الرطب مع رمضان مما يخسف بسعر التمر
هنا انصحك بالشراء .....
دائما امسك عليك تمرك
التمر لو حجر لا تخاف منه سيباع باذن الله
تغليف التمور للصدقات وافطار صائم مربحة لكن شرطها الاعلان ....
والتعرف على المطاعم التي في طرق السفر
والتوريد لشركات النقل
والفنادق
ويجب ان توفر اعلان بصحيفة اعلانية
يوجد لدينا تمور افطار صائم مع ضمان توزيعها على محتاجيها
وتتفق مع عامل يوزعها لك عالمساجد وعند الاشارات
وهي مربحة جدا
شراء التمر الفاسد مربح
وانا انصحك ان تعرج على الجمعيات الخيرية تجد عندهم كميات كبيرة البعض هداه الله يتصدق به
وهو فاسد لم يختر الافضل قرباناً لله وتقرباً منه....
تستطيع شرؤه منهم بثمن رخيص...
انا انصحك بالتخصص اولا ....
وابوح لك بسر على الملاء تخصص بهذه الفترة بالرطب ففيه خير كثير مع موافقته لشهر رمضان المبارك...
وبعد الانتهاء منه
تخصص بنوع واحد او نوعين من التمور فقط...
اما ما يخص العمالة فثق ان الارزاق مقسومة لا احد يأخذ رزق أحد و لاتجعلهم عثرة طريق
وسافرد موضوع خاص عن العمالة ان شاء الله في دماغيات
حظ موفق
دمــــــــــــــــــــــــــــــــــــــــــــــــ ــــــاغ
|
العرض العادي
