[align=center]ان شاء الله يجي احد يفيدكـ
[/align]

[align=center]

اقتباس:

المشاركة الأصلية كتبت بواسطة اسير مكه بسم الله الرحمن الرحيم السلام عليكم ورحمة الله وبركاته صباح الخير للجميع واسعد الله اوقاتكم بكل خير اخواني الكرام انا عندي فكرة ومشروع وارغب في المساعده انا ارغب في شراء راس تريلا وأرغب ان اشغلها في التحليه ولكن ارغب في اصحاب الخبرات مساعدتي من حيث الاتي :- 1- ماهو افضل نوع في المرسيدس طبعا الموديل يكون من الـ 92 الى 95 لاني ماقدر على الموديلات الجديده؟ 2- ماهو افضل نوع من حيث توفر قطع الغيار؟ 3- ماهو المصنع الذي يصنع التيدر وكم تكلفته تقريباً ؟ 4- كم دخل التريلا شهرياً تقريباً ؟ 5- ماهو رايكم بالعامل الباكستاني من حيث الامانه ؟ 6- كم تكلفة المشروع بالكامل ؟ اسف على الاطاله اخواني الكرام وارجو منكم افادتي يا اصحاب الخبرات والله يسعدكم ويرزق الجميع بالرزق الحلال تقبلوا خالص احترامي وتقديري

أخوي اسير مكه ،،، اسمحلي اتلقف اشوي وأقول المبلغ الذي ذكرته لا تحطه كله بوايت واحد وكما تعرف أنه هناك أنواع من المرسيدس وأرخص الويت نوع ( البي ) وإذا بتشتري اشتر 10 روس اللي تجي غماره ونص لأنها قويه تحمل حجم التانكي ولا تشتري من الموديلات الجديدة يعني خلك من 80 إلى 85 اسعارها لا تتجاوز 100 ألف وبلا شك أن الوايت يرتفع سعره في ايام الصيف ويقل في أيام الشتاء لذا يقل المدخول في الشتاء فياليت تضع فلوسك في قلابي لأنه مطلوب في جميع الفصول الأربعه وبالذات عندكم على السواحل تأخذه الشركات وبيوميه 750 ريال والمحروقات عليهم وأنت مرتاح البال وسيارتك تكون بعيده عن زحمة الناس والحوادث .
ولكن نبقى في العامل لابد أن يكون على كفالتك وأن تضع لك هدف مشترك مع العامل مثلا ً أن تتفق مع السائق براتب معين وتكون هناك مكافأت بعد كل 4 شهور بشرط سلامة السيارة خلال هذه الأشهر بإعطائه 1000 ريال مثلا ً حتى يهتم السائق بالحفاظ على سلامة المعدات أو تقول له بعد 8 سنوات السيارة هذي لك زيادة على رواتبه الشهريه بلا شك راح يحافظ عليها اكثر من نفسه وأن مطلع قيمة الوايت أو القلابي دبل وثري .
اعتذر على الإطالة وفقنا الله وإياك لكل خير.

السلام عليكم

أولا الله يعطيك خيرها ويكفيك شرها حبيبي

ثانيا صحيح ان مدخول القلاب اكثر من الوايت ولكن كل واحد يقيس الامور من منظوره ويبني ويخطط على ماهو موجود امامه على ارض الواقع واكيد انك شايف سوق الوايتات شغال قدامك فتوكل على الله
يجب ان تعلم ان راس التريلا متغير حسب التيدر فالقلاب يحتاج راس ذو حجم مكينه قوي لانه يسحب وزن ثقيل في القلاب عكس الوايت والسطحه وهم اخف من القلاب فلذلك يجب ان تحدد الراس المناسب وانا اشاهد الوايتات غالبا تستخدم البوز ولكن افضل انواع الرؤوس المرسيدس هو الالبي واحجام 1935 و1735 وهي ماشيه في السوق بكثره وتحافظ على سعرها بشرط النظافه وان كانت الاحجام الاخرى ممتازه ومتوفر فيها قطع الغيار ولكن الشعب وماتعود عليه

وعلى فكره معلومة حطها براسك بعض الموديلات القديمه تكاد تكون اغلى من الموديلات الجديده نسبيا وليست موديل اخر 5 سنوات

طبعا الاسعار تختلف بحسب النظافه والموديل والحجم وتتراوح مابين 80 الف الى 150 الف بالنسبة للمرسيدس ال بي

والدخل الشهري يختلف بحسب النشاط وحسب نظافة الراس لان القلاب غير الوايت والراس النظيف يكد ولا يتعطل

تكلفة المشروع بالنسبة للقلاب في حدود 200 وبالنسبة للوايت حدود 150 ولاحظ ان الوايتات هناك شركات متخصصه تبيع الرد بالجمله لانها تملك عدد مهول من الوايتات وايضا نظاميه بتصريح وهذا الامر يكسر السوق كثيراً

اتمنى افدتك بما اعرف ولا تنساانا من دعائك