فكرة البنات اللي وعدتكم فيها ...................................

تسويقار · #1 (**permalink**) 04-06-2011, 09:49 PM

السلام عليكم ورحمة الله وبركاته

اخواتي السيدات ...

مثل ما وعدتكم بفكرة واتمنى انها تفيدكم وتفتح لكم افاق للرزق ...

كثير نقرأ هنا عن مجالات استثماريه بأفكار مستهلكه كما قلت سابقا في ردودي

وما اعرف ليش احنا مصرين اننا نقلد غيرنا ... ليش ما نشطح بأفكارنا ونقلب الموازين ؟؟؟

الفكرة :

كلنا نقرأ هنا او نسمع عن محلات الكمبيوتر ... معظم المواضيع تتحدث عنه ... لكن لا جديد ...

كل الردود هي :

اختار الموقع واختار الفني وبدون فني ما يمشي الحال والله يعينك على الفيزا وما اعرف ايش ..

صح او انا غلطان ؟؟ المواضيع هنا بالمنتدى تشهد على صحة كلامي ...

طيب ليش احنا ما نطور الفكرة شوي ونفكر بتفكير ابداعي ؟؟؟

هنا تكون الفكرة ... وهنا يبدأ التخطيط والعمل ....

محل كمبيوتر لكن بشكل اخر ... بشكل غير عن كل المحلات ...

خلينا نسأل سؤال مهم لانفسنا .... مين زبائن محل الكمبيوتر ؟؟؟؟

رجال / نساء ...

الرجال المحلات اكثر من الهم على القلب ومعظم الرجال ما يترك المحل اللي هو

زبون له لانه يثق بالفني او صاحب المحل

طيب انا ايش ممكن اقدم للرجل عشان يترك محل الصيانة اللي يتعامل معاه ..

مافي شي جديد ممكن اقدمه للرجل ...

طيب السيدات ؟؟؟

اممممم السيدات ... كل بنت الان معاها لاب توب ودائما تتعطل او تصير لها مشكله في جهازها

طيب هالبنت كيف تصلح جهازها ؟؟

اما انها ترسله مع اخوها او ابوها او زوجها وممكن يفهم عليها وممكن ما يفهم

هذا بعد حنة ورنه فوق راسه كل يوم يواعدها يوصله للمحل ويخلف بموعده ...

طيب لو راحت البنت للمحل .. راح تكون بين رجال وحياءها راح يمنعها تتكلم وتشرح بشكل صحيح ..

اضف الي ان جهاز البنات دائما ما يتم تفتيشه من قبل صاحب المحل ..

لعله يطيح بصورة والا شي ... ولا احد يقول ان اجهزة البنات ما تتفتش ... لا ... تتفتش

طيب لو أمنت وانشأت بيئة مناسبه للبنات بحيث تدخل وتشرح مشكلتها بكل سهوله وكمان مكان آمن لجهازها ..

تتخيلوا راح تتركني وتروح لمحل آخر ؟؟ اطلاقا لأ

فكرة المركز عبارة عن محل يتم اغلاقة بطريقة ديكوريه جميله وانثويه مثل المشاغل ...

وطبعا ما يدخله الا نساء

اجهز المركز بكل ما تحتاجة البنت من اكسسوار نسائي وكل مستلزمات الكمبيوتر

واجيب بنت سعوديه عندها دورة صيانة <<< وياكثرهم وبتراب الفلوس

واجهز المحل بجلسات انتظار لان بعض الاجهزه ما تحتاج تتركها صاحبتها وتروح ...

بالعكس تنتظر وتشرب قهوة على حسابنا او شاي وتقلب بشوية مجلات او تتابع شاشة البلازما

والخاصة بأسعار الاكسسوار وصورها داخل المحل

لما نبدأ العمل نعلن عنه في الجامعات والمدارس طبعا النسائية ...

كمان نعلن عنه بمواقع نسائية معروفة ..

واول يوم افتتاح نعلن انو اول 30 جهاز راح تكون الفورمات مجانا ..

بعد كذا كل جهاز يخرج من عندي بعد الصيانة او جهاز جديد لام اسوي له شريط لاصق عشان موضوع الضمان

ولو رجع لي الجهاز مفكوك الشريط او مقصوص راح ارفض الضمان لان احد لعب فيه

ويكون هذا الشريط مهم لنا وبمثابة قفل للجهاز عن فكه بمحل اخر .

مع مرور الوقت ونجاح المركز .. راح نشوف ان معظم البنات يتأخرون بتسلم اجهزتهم منا

يعني نكون مواعدينها اليوم تستلم جهازها صارت ما تجي الا بعد يومين او ثلاثه من الموعد ..

لو سألنا .. راح نلاقي ان بعض البنات وهم كم كبير من الزبائن ماعندهم سواقين

ويعتمدون على الاب او الاخ او الزوج وشوفوا متى يتفرغون هذولا ...

نشتري سيارة توصيل .. سوزوكي صغيرونه قيمتها 25 ألف جديده واجيب سواق ..

يصير البنت تتصل علينا وتقولنا مشكلتها ومشكلة جهازها وعنوان بيتها والسواق يطلع يجيبه منها

ويرجعه لها بعد اصلاحه ويستلم فلوسها ... << فكرة التوصيل مؤجله لما بعد نجاح المركز ..

كمان فكرة اننا نسوي عقود مع المدارس الحكومية او المدارس الخاصة لصيانة الاجهزة داخل المدارس

يعني البنت الموظفه تروح المدرسة وتسوي صيانة للاجهزة وتاخذ حسابها وتخرج

كمان لو نجح المركز ... راح نستغل اماكن فارغه فيه .. طيب بأيش ممكن استغله ؟؟؟؟

امممم معظم البنات بالجامعه تحتاج تصوير وبحوث ... نجيب الة تصوير وكم وحده تطبع وورد وخلافه

وكم جهاز كمبيوتر .. صارت البنت تدخل تتفاهم مع البنات وجها لوجه وتعدل وتلغي

على راحتها مو مثل محلات الرجال من بعيد لبعيد تتكلم معاه ...

ونتفق مع كم دكتورة بالجامعة انها ترسل لنا مذكراتها وتكون مخصص بيعها عندنا بمركزنا فقط

مع نسبة من المبيعات للدكتورات ..

الان نكون متحكمين بكل مذكرات الدكتورات بالجامعه تقريبا خصوصا الاجنبيات ...

كمان ممكن اجيب فنيه فيما بعد لصيانة الجوال داخل المركز ....

ليش البنت يروح جهازها ليماني بمحلات الجوالات ويفتشه ويفتش الارقام والصور ؟؟

هنا بالمركز يكون الجوال قدام عين صاحبته وتاخذه معاها وهي طالعه

من اهم النقاط لتعريف البنات عن المركز بالتالي :

الاعلان : بروشورات / اعلانات وسيله / اعلانات منتديات ونت