05-06-2011, 08:12 AM
|
 |
عضو نشيط
|
|
تاريخ التسجيل: Nov 2008
المشاركات: 163
معدل تقييم المستوى: 1355
|
|
|
هل احرق نفسي؟(قصه واقعيه لي انا شخصيا)
اولا السلام عليكم ورحمة الله وبركاته
اخواني واحبائي يعلم الله ماكتبت هالكلام وهالقصه الا من الحسره الي بداخلي واتمنى ان الكلام الي حتقرونه مايزعجكم بالنسبه للعنوان انما ليجذب اكثر مشاهدات
انا شاب سعودي عمري الان 27 اتخرجت من الثانويه العامه وبدات اقدم زي اي شاب سعودي لاكن كل ماطقيت باب قالو ماعندك خبره ماعندك دورات وبدات الاعذار المهم يمين يسار شفت مافيه فايده قلت لازم اخذ خبره وقدم على شركه وقبلوني براتب 2800 ريال واشتغلت معهم 3 سنوات وكان مديري مصري والموظفين كلهم يقربون له وصاحب الشركه معطهيم الجمل بما حمل والمدير المصري والله العظيم ان راتبه 10 الاف ريال << لاحد يقول اني حاسده اصبرو بتجيكم السالفه المهم المصري يتشرط في هالسعودي المسكين صاحب الشركه الي ماعنده سالفه يهدده كل مره انه يترك الشركه وقال خلاص لك نسبة 15% من دخل الشركه سنوي لاكن تدرون كم دخل الشركه سنويا من 4 مليون الا 6 مليون ريال وعليكم حساب النسبه من غير راتبه المهم ماعلينا فيهم كنت اداوم من 8 الصباح الين 6 المغرب وطبعا ملتزم بالحضور وعندي مايثبت ذالك لاكن المشكله ان اصحابه المصاريه والله ان اول واحد يداوم من 9 الين 10 ويمشون على اذان العصر واذا رحت اساله قال هذا مو شغلك وانا اعرف المهم مع الوقت عرفت اسرار الشركه كلها واكتشفت ان فيه تلاعب وان فيه عمليت نصب وسرق لاكن ماتتوقعون كم مبلغ السرق مليون ريال سنويا ويتقسم بين هذي العصابه والسعودي ياغافل لكم الله المهم انا ماسكت اخذت جميع الاثباتات ودخل على صاحب الشركه في بيته واستقبلني وبينت له اللعبه كلها والرجال الحمدلله كان بيصاب بجلطه لاكن الحمدلله عدت على خير وكانه في حلم مو مصدق الي انا اقوله وثاني يوم اجتمع فينا كلنا لاكن المصيبه اكبر قال المدير المصري اذا مش عاوزيني انا حمشي انا واصحابي وبكل برود اكيد بتقولون ليش ماخاف لان صاحب الشركه معطيه صلاحيه بكل شي المهم الرجال خاف وقال خلاص اجلسو واتصرفو ولاكن فيه شي صار اهم شي تودعون بحسابي 2 مليون كل سنه والباقي انتو تصرفو << لاحد يجي ويقول انه شريك والله العظيم ثم والله العظيم ماله لا ريال ولا هلله لاكن مسكو الرجال مع يده الي تعوره وثاني يوم اجي اداوم وقالو يالله مع الباب لانشوفك <<طبعا المصاريه وقلت انا استاهل ليش اقول الحق وتركتهم ورحت وصرت اخذ دورات من معهد في معهد من معهد في معهد الين صار عندي 18 شهادة دوره مابين علميه وفنيه وبدات اقدم على الدوائر الحكوميه وقدمة حتى الان 58 ملف وكلها رفض رفض رفض والي يستحون يقولون بنتصل فيك المهم رجعنا للعسكريه وما ادارك مالعسكريه ونفس الشي نعتذر لعدم قبولكم وابشركم قبلني الحرس الملكي وفرحة فرحة بسببها طار النوم من عيني اانا وامي وابوي ويوم وصلت اوراقي للتنجنيد راحت عند وكيل رقيب (فلان بن فلان ال فلان) والله مانسا اسمه قال يووووه انت عمرك اتعداء ال25 قلت طيب العسكريه يقبلون الي اقل من 30 وفوق ال30 مايقبلون قال يعني تبي تعلمني النظام يالله اقلب وجهك مافيه المهم رحت للعقيد وشرحت له السالفه وقال والله بقولها لك بكل صراحه الوكيل رقيب عنده واحد من جماعته بيحطه في هالوظيفه طبعا الوظيفه فنيه مصور تلفزيوني وطالبين 8 قلت طيب انت واسطتي مشني قال والله اكتفينا اخر واحد اخذها الوكيل رقيب الحمدلله انه ماصار لي شي في ذيك اللحظه من شدة القهر والغبن دخلت البيت الا وابوي وامي يقولون ها بشر انشاءالله عديت وتمنيت ذيك اللحظه انهم ماجابوني استغفر الله العظيم يوم علمتهم بكو بكو بكو الين ضاقت فيني الدنيا المهم انا ماوقفت كل لازم اواصل انا باقي ماسويت شي واتسلف120 الف وافتح فيها مشروع خياط ملابس واروح لمكتب العمل وقالو مانعطيك الا عامل واحد قلت ليه قالو النظام يرحم امكم انا ماعندي بوفيه انا عندي خياط ابغى خياط وقصاص ومطرز وقالو مافيه وبدات رحلتي مع العمال نقل كفاله واشتريت تاشيرات لاكن ماتركني مراقب البلديه كل شوي وهو طامر علينا ويقول ليش المهن مب على نفس النشاط وقلت مكتب العمل ماعطاني تاشيرات واشتريت تاشيرات سايق خاص قال لا ممنوع وهذي غرامه 500 رح انقل غير مهنه وغيرت المهن المهم العمال قالو مانبغى 600 و800 نبغى 1000 وزودناهم وجاء بعدها صاحب المحل وقال زودنا الاجار 2000 في السنه وصار ماتجي اخر السنه الا وانا مديون ورجعت وكنسلت الدعوى كلها وفتحت موسسة مقاولات وابتداء نفس الفلم حق العماله قال مكتب العمل مانعطيك عمال قلت وشلون تبوني اشتغل قالو دبر نفسك ورحت وجبت عماله من الشارع واشتغلنا شهر وبعدها جات الجوازات وطبت علينا وقفلت المكتب وغرامه 10الاف واسمي في القائمه السوداء في مكتب العمل << كل هذا بسبب مكتب العمل هو الي ماعطاني تاشيرات وخلاني اشتغل نظامي المهم رجعت فلوس الناس لهم وفتحت مغسلة سيارات على قد حالي وطبت علينا البلديه وغرمتني تقول المكان مب مكان مغسله لاكن تدرون وش المصيبه ان معي تصريح عليها من البلديه قلت وهذا التصريح قالو اكيدطبعوه بالغلط طيب اذا انتو الغلطانين انا وش ذنبي تخسروني وغرامه فوق ذالك قالو مالنا شغل احنا عملنا مراقبه والله وكنسلت الدعوى كلها والحين عاطل باطل ومازال البحث جاري عن لقمت العيش
الهدف من القصه
الشركات والموسسات الخاصه : اظطهاد الاجانب فيها ويعطونك راتب والله الهندي الي ماياخذه اذا استقدمته
القطاعات الحكوميه والعسكريه: واااااااااااااااااسطه ولا اقضب الباب
الاعمال الحره: مكتب العمل لاهو الي وظفنا ولاهو الي خلانا نترزق الله
تنبيه الحمدالله انا مسلم مصلي وصائم ومرضي والديني والحمدلله الصلاه في اوقاتها ومكثر من الاستغفار والدعاء في اخر الليل
وانا ماقلت لكم قصتي اني اشتكي لكم الشكوى لغير الله مذله لاكن حبيت اني افض فض لكم واقول لكم لاتياسو الرزق عند الله مب عند فلان او فلان وانما هم سبب
وجميع ماورد في القصه عندي مايثبت صحته وانا في اتم الاستعداد بالوقوف امام اي شخص واوريه مايثبت ذالك
واخر دعواي ان الحمدلله ربي العالمين والصلاة والسلام على اشرف الانبياء والمرسلين
تكفووووون والي يرحم والديكم ويوفقكم الي ماعنده دعوه يدعي فيها لي ولا لايرد تكفون مانبي سب او تجريح في احد ويكون ذالك بسببي
سبحان الله وبحمده سبحان الله العظيم
|
العرض العادي
