السلام عليكم ورحمة الله وبركاته


اليوم فرحنا بخبر الخمسة الاف للمدرسة الأهلية كحد أدنى للراتب

لكن القرار يتم تنفيذه بعد شهرين والمدارس الأهلية الحين يجددون العقد

انا موظفة باهلية براتب 1500 ريال وقالولي الاسبوع الجاي اجدد العقد للسنة الجاية ان شاء الله

بس محتاره لاني لوكتبت عقد الحين بهذا 1500 ماراح يعطوني خمسة الاف لاني خلاص وقعت على هالراتب وبيقولون خلاص السنة الي بعدها لاني عارفه نظامهم

الترم الاول كنا موقعين على 1500 ثم رفعوا الرواتب للمعلمات الجدد الي جوا الترم الثاني لكن حنا مارفعوها قالوا انتم خلاص على نفس العقد السنة الجاية نزيدكم طبعا الزيادة كانت بسيطة 200 ريال


وش رايكم أجدد العقد قبل ماتطير على الوظيفة

هل برايكم المدارس بتلتزم بهالقرار ولا بس امسك وظيفتي احسن لي
وهل يحق لي اني بعد ماوقع العقد افسخ العقد ؟؟؟

وقعي العقد واذا نزلت الزياده طالبيهم فيها واذا ماعدلوا راتبك اشتكي في التعليم الاهلي في ادارة التعليم تري المدارس الاهليه تهمها سمعتها ومايبوا مشاكل في التعليم الاهلي عن خبره فيهم الله لايوفقهم

انا اقول اجلسي في وظيفتك احسن لك والخير جاي بالطريق اذا ماجددتي العقد بتجي وحده بدالك وتحل مكانك...

الله يسعدكم على الردود

[mark=#000000]
اختي وربي نفس ماقالوا اخواني جددي لين ربي يرزقك وتوكلي ع الله استخيري ربك

الله يوووفقك
[/mark]

يا راجية وقعي العقد واذا جت الزيادة بيلزمونهم غصب بالعكس انا خايفة ان مدرستي ما توقع معي عقد بعد هالزيادة بالرغم ان تخصصي مطلوب لان فيه معلمات يشتغلون في القرى وقررو يسجلون في الاهليات بعد هالقرار ---انا اقول وقعي وخذي نسخة من العقد عندك عشان لو فكر صاحب المدرسة يكرشك ويحط قريبته مكانك يكون معك حجة عليهم ---واستخيري الله قبل

القرار لو تطبق أكيد راح يرفعون راتبكم لأنو مدعوم من الموارد البشريه لمدة خمس سنوات
توكلي على الله وقعي العقد

ابي اعرف الزياده بس للمعلمات ؟؟ طيب اللي يشتغلون بالمجال الاداري لهم نصييييب؟؟؟

وبعدين دام تخصصك مطلوب وش يحدك على راتب 1500 من زين وظيفتهم؟؟ الله ياخذهم وش هالإستغلاااااااااال

لا تجددين بس قولي لهم انك بتستمرين معهم بعقد مؤقت يعني مثلا 3 شهور على اساس لو رفعوا الرواتب يمديك تجددين على الراتب الجديد

واذا مارضوا بالناقص شوفي غيرهم والله يوفقك يارب

الله يوفقكم على ردودكم الطيبة

ومثل ماقلتوا طبعا بعد صلاة الاستخارة ابتوكل على الله واوقع على الاقل امسك لي وظيفة لان المدارس الاهلية بعد هالقرار بتكون مزحومة