السلام عليكم ورحمة الله وبركاته

كيفكم اخواني وخواتي ..

اليوم الصباح قدمت على شركة والحمدلله اليوم المساء اتصلوا علي

وطالبين مني اجي بكرا اسوي مقابله .. وان شاء الله يارب تتيسر اموري << آدعوا لي ..

الشركة هي (( شركة اصول الحديثة للتمويل ))

ياليت اللي يعرف آي معلومه عن الشركة يفيدني لو بالقليل ..

غير كذا هذي اول مره راح اسوي فيها مقابله ..!!

وبصراحه مو عارفه كيف راح تصير وايش راح يسألوني ..

وايش الاوراق اللي اخذها معها ..

اتمنى اي احد يدخل يساعدني ويفيدني لو بالقليل

دعواتكم لي بالتوفيق ..

أول شيء .. الله يوفقك وييسر أمرك إن شاء الله ..

بالنسبة للشركة ماعرف عنها شيء ..

بس بقولك بما إنها المقابلة الاولى لك .

تلبسي ملابس شياكة اكيد .. وحاولي تحضري قبل الموعد بعشر دقائق او 15 دقيقة ..

تاخذي معاك اوراقك الشهادة .. الخبرات والدورات اذا عندك ..
إذا عندك بطاقة او كرت عائلة خذي له صوره والاصل ..

المقابلة : لاتخافي و لا ترتبكي .. خليك واثقة من نفسك .. راح يلاحظو حركاتك خليك طبيعية .. جداً

راح تكون اسئلة سهلة .. تكلمي عن نفسك .. [ اذا تعرفي انجليزي أفضل ]

طبعاً اسمك وعمرك والمولد وحالتك الاجتماعية وشهادتك وخبرات والدورات .. مهاراتك ..

الاسئلة الثانية بتجي منهم

مثلا وش هدفك من الحياة ؟

وش تعرفي عن شركتنا ؟

كم تتوقعي الراتب ؟

في الأول والأخير هي مقابلة وتجربة في الحياة راح تستفيدي منها ولاتعطيها أكبر من حجمها صدقيني تدخلي المقابلة كأنهم صديقاتك .



والله يوفقك .. واذا عندك اي استفسار حياك

اخوي يحي مررره مشكووووووور

الله يعطيك العافيه بقوووووووه ماقصرت

بس معليش مدري ليش احس اني خفت زياده !!

.. أحلام لاتخافي لاتخافي نحن أبطال المطافي ..

شوفي الخوف .. شيء طبيعي وفي أي إنسان ذكر كان أم أنثى

<<< باللهي


المهم لا تخافي توكلي على الله .. خذي نفس عميق .. قبل لاتدخلي ..المقابلة

حاولي تعودي نفسك من الحين الى النوم .. تكلمي مع اخواتك او مع نفسك ..


وبعد الفجر .. بالنسبة عن نقطة تحدث عن نفسك هي اهم شيء في المقابلة ..

والله يوفقك

اخوي والله تعبتك معاي ..

ان شاء الله اني بتوكل على الله وبحاول اخفف من توتري

بس النوم ماضنتي والله انام بروح مواصله ..

بس حابه اسالك وان شاء الله اني ما ازعجتك

يعني مثلآ اول ما ادخل اعرف بنفسي انا فلانه الفلاني عمري كذا

واعلمهم عن حالتي الاجتماعيه متخرجه من (( قسمي طبعا ))

معي دورة (( اذكر الدوره اللي معاي )) واكمل ..

ولا اجلس وانتظر لما اهم يسألوني عن اسمي ومعلوماتي ..

وش تحس الافضل ..؟؟

آخوي والله ماعرف وش اقول لك

بس بجد بجد مشكووووووور افدتني كثييييييييير

الله يوفقك ويسهل امورك ويسعدك دنيا وآخر

مع انو باقي اشياء في بالي حابه اعرفها اكثر << للحين البنت متوتره

بس بجد كفيت ووفيت ..

يعطيك العافيه ..

الله يعافيك ويسلمك ..

العفو ماسوينا شيء ..

هذا أهم شيء بالمقابلة .. البقية اسئلة عادية .. وسوالف ..

الله يوفق الجميع ان شاء الله ..

خبرينا وش بيصير معاك وبالتوفيق ..

طيب اخوي يحي << ياربي مدري متى بتخلص ذا البنت

بس معليش تحملني يمكن يكون اخر سوأل

الحين هي لما تسالني عن الشركة كيف ارد عليها

يعني يصراحه الشركة هذي انا اول مره اسمع فيها

ودخلت على موقعهم قريت عن الشركة

اللي فهمتوا انها شركة تزاول نشاط التقسيط على اساس المرابحة الشرعيه << وهذي اهم حاجة انها اسلاميه

بحيث انها توفر سلع سيارات اثاث اجهزه كهربائيه اتوقع انو تبيعها لهم بنظام التقسيط

اللي ابغاه منك اخوي ..

انا مو متاكده من معلومتي صح ولا غلط

وغير كذا كيف اني اعرف كيف اوصلها لهم بشكل بسيط وبدون حوسه

آختي ليش التحطيم ..

اعذريني حاولت ارد لك على الخاص بس ماضبط معاي

يمكن لانو توني عضوه جديده ..

على العموم ادخلي على موقع الشركة وخذي الايميل حقهم

وارسلي لهم السي في ..

وايه ياقلبي انا من الرياض ..