السلام عليكم ورحمة الله وبركاته
أنا موظف جديد في قطاع خاص لي الحين معهم شهر وزياده وماعطوني راتبي يقولون راتبك ينزل الشهر الثاني ينزلك راتب شهر فقط يعني أشتغل شهرين ينزل راتب شهر يعني يخلون راتب شهر مايعطوني أياه الى اخر السنه او يمكن مايعطوني
وانا وقعت معهم عقد وماذكر هذا الكلام في العقد
هل أشيكهم وعلى مين اشتكي
يعني معقوله اداوم شهرين وبعد شهرين ينزل راتب شهر
تكفون وش الحل وماودي اتركهم خايف من الجلسة وتقديم مره ثانية والمشكله مافيه مصروووف

شوف مكتب العمل وش النظام اللي هم ماشين عليه وبعدين تقدر تتصرف ياتكمل ياتشتكي

شي طبيعي هذ شروط اي عمل خاص او عام الراتب لازم بعد كم شهر واكثرها ثلاثة اشهر

وتسأل بعد اجل ايش روح اشتكهم وش تنتظر حلوه ذي اشتغل شهرين ويعطوني راتب شهر

هذي ما يبي لها سؤال
الناس بتاكل حقك اللي هو راتب شهر اكيد تشتكي بس لازم تتأكد لا تخرب على نفسك بالشركة
اصبر ولو عدا الشهرين اللي يقولون ونزلو لك راتب واحد بالحاله هذي روح اشتكي بس الحين لا تشتكي الا بعد ما ينزلون لك الراتب ما تدري يمكن ينزلون لك راتبين
خذ قرارك بعد ما تنزل الرواتب والله يوفقك ان شاء الله

شوف العقد مو عندك نسخة

[align=center]
على حسب الشركات .
هناك شركة كل شهر بعد شهر يصرف الشهر اللي قبلة . يعني لزوم تطوف شهر ايه وشهر لا وعلى هالموال لماذا . لان الشركة دعمها غير قوي وقد يكون لديها حقوق لدى الحكومية . وهذه الطريقة اللي حاصلة في الوقت الحالي .
وطالما انك وقعت عقد .. يعني لا تخاف من شيء اسمه زرفره وغيرها . كل شيء محفوظ . بس ممكن هالطريقة تستخدمها بعض الشركات لكي تدعي أمام وزارة العمل نحن نوظف سعوديين بس يهربون . والبيانات والكشوفات توضح أن شغلهم صح .
مالك إلا تصبــر .. والله يكون بعونك
[/align]

لاتستعجل وتفصل اصبر

وهيا ترجع لحسب الاتفاق بعقد العمل فيه شركات راتب الشهر الأول يعطوك هوا لما تنهي خدماتك ومرت علي حاله مثل هذي

ودامك ماخلصت فترة التجربة 3 اشهر فلا تتصرف أي تصرف تندم عليه اصبر وتحمل وبعد ثلاث أشهر تتضح الأمور ويحق لك المطالبة بما يخالف عقد العمل فالعقد شريعة المتعاقدين ونظام العمل والعمال يرجع له في حال الاختلاف بين صاحب العمل والعامل


رووق ولاتستعجل يابو الشباب الوظائف بالقطارة في هالزمن والسعيد من يحصل الفرصة سريع سريع

الله يوفقك

اشتكيهم على هيئة الفساد ولاالمحكمه
معاك الاوراق خلاص اشتكيهم
حسبي الله ونعم الوكيل
من جد الخوف من الله انعدم في الناس