ياسلام سلّم
أكذب عليك لو قلت إني قريت حرف ض1 ,, لا والله عن الحلف اني لمحت ابيات شعر
موب مشان الخوف او غيره ,, لا لا لا .. ولكن عندي أولويات أقرأها غير موضوعك ض1 <- محد منخرش
لا صدز بقول لك سالفة ,,
هالحين وراتسم تسذا ,, لي مدة كلما اصبح واعين من الله خير ,, افتح الماخوذ البلاتس وابشوف الاخبار والاحوال .. والاقي روابط اشكال والوان ,, وعناوين مغرية بالحيل
يوم افتح الا هندي منتحر على سكه القطار وراسه منقطع نصين .. خدامة طايحه تشقيق وتطعين في بزر
مقطع فيديو شوي الا جنّي طالع من الشاشة <- هنآ انجلطت الا ثانيتين ,, موب مشان شيء بس متحمسة وحاطه السماعات ,, ويطلع صوت قوي ..
بغيت اروح فيها ,, مجهزة النحشة وبأنزل نعولي وافقع من البيت
المقصد من الحتسي ياطويلين الاسنان ,, بعض الناس يستلذون بصور الدمامين والمذابح والتكفّخ .. ومافيهم ذرّه ذوق مثلك ,, <- يومك كاتب تنبيه للضعوف وتسذا ..

بس بخصوص الموضوع / أبوي يحكينآ أنو البسملاّه علينا يخافون من الذيابة .. سبحان الله.. ويستشهد بقصص من حقّت الأولين ,, قصص في نظره انها طريفة
خلاص بروح اقرا الموضوع ,, برب

وش رايكم اكتب لكم قصه عنوانها جوال إمراه ميته
اكيد من العنوان رح تعرفون وشو مضمون القصه

الله يعز البدو شغلوا تفكيركم بكرمهم وشجاعتهم
وحلمهم وعلمهم وبساطة عيشهم
بس مافي جني حضري لابس طيحني

موضوع حلوو ,,, استمتعت بقراااءة القصص

بصراحه استمتع وانا اقرأ القصص هذي طبعا وانا محصنه نفسي احس انها اكشن خخخخخ

طيب وش رايكم بقصة واحد من الشباب يحلف باللة انه صادق
الرجال هذا انا اعرفة زين مكان يسجد للة سجدة المهم طلع مرة من الرياض مسافر لديرة تبعد عنة تقريبا 600 كلم المهم مشى من الرياض العصر ماشي ومستانس ويوم الضلم الليل يناظر في المراية الي داخل السيارة ويحصل واحد وراه مولع زقارتة الرجال قام يرتعد من الخوف وواصل قال يمكن يتهيالي ومشاء فالطريق وواصل وكان وقتها في مقطعة لاحولة محطة ولاشي الا وحرارة الموتر يرتفع ووقف على جنب الطريق الرجال نزل يفتح كبوت السيارة وقال بجلس داخل السيارة على مابين تنزل الحرارة فجاة ناظر في داخل السيارة الا وذا الرجال الي يولع زقارتة الرجال من الخوف طاح جنب موترة من الخوف اغماء علية المهم وقف عندة سواق تريلة باكستاني مطوع الباكستاني جمعلة عودين وشب الضوء وجلس جنبة وفجاء قام الرجال ويناظر ويحصل الباكستاني ويناضر في النار جنبة قال بس بيذبحوني وياكلوني ورجع الغماء علية مرة ثانية وقعد الباكستاني يقراء على الرجال الي قام من الغماء وعلمة بسالفة وعطاة الباكستاني شريط قران قال شغلة وان شاء الله مافي مشكلة عاد الرجال واصل طريقة والحمد للة ماجاء شي وبلعكس كانت فايدة له الحين والله العظيم الاول مايقول المواذن الله اكبر تحصلة في المسجد
هذا وصلى الله وبارك على نبينا محمد
قصة حلوة صح

شباب اكيد تسمعون عن قصص خط الجنوب خصوصا في اليل