بسم الله الرحمن الرحيم

السلام عليكم ورحمة الله وبركاته

يآشباب كثير من الأعضاء يقولون حنا لنا سنه وسنتين واللي يقول انا تو متخرج

وسجلت بالعسكريه وما تم قبولي

مع احترامي للكل يجونك توهم متخرجين او حتى مابعد يخش الاختبار قال لك أنا عاطل .
والله انكم حيرتونا اجل حنا اللي لنا سنين وش نقول.ومن فينا عاطل حنا ولا انتوا .!

يآ أخي انا بسألكم بآلله من العآطل في نظركم ؟؟؟؟

هل اللي بعد ماتخرج من الثانويه وماحصل وظيفه يندرج تحت مسمى انه عآطل؟
طيب انسان كمل دراسه وبعد ثلاث او اربع سنوات تخرج
هل تحسب السنوات اللي كان فيها يدرس او يبحث عن العمل حتى حصل وظيفه هل هذاه السنوات تحكم على الانسان انه عآطل ...؟؟؟
او تحسب له أنه عآطل من بعد أخر شهآده يستلمها ومايحصل وظيفه؟؟؟؟
او توه فرش النتيجه مابعد يستلمها من الثانويه قال انه عآطل؟؟

الشيء الثاني والمهم القطآعات العسكريه

أي وآسطه اي بطيخ انآ معكم واختلف في نفس الوقت في حاجه نشوفها ونسمع ان فلان كلم واحد من معارفه كان شغال وساعده وكثير يمكن تسمعون فيها
بتقول ظلم صح...!

طيب أنت تعترض على حكمة الله سبحانه وتعالى بهذا الكلام!

على طووول قلت وآسطه وين رب العالمين ماعندك يقين ان الرزق بيد الله يعني ليه ماتقول ان الله سخر فلان لـ فلان وصار سبب لدخولها وين اليقين بأن الرزق بيد الله ماهوبيد فلان وعلان
يعني لو الله مآجعل فلان سبب يمكن هذا الشخص مايخش لكن الله كاتب له الرزق فيها
وإذا الله قدر الشيء يقول له وكن ويكون ويجعل لكل شيء سببا
طيب ليه ماتقولون انها سبب من بعد الله لدخول الوظيفه <<< مع ثقافتنا وتطورنا وكبر عقولنا إلا مازلنا نندرج وننزل تحت مسمى واسطه طيب ورب العالمين
راعي الواسطه انسان فقير مايملك لا دفع شر ولا جلب خير وكلنا فقراء الى الله والله هو الغني

المشكله مستحيل ياشباب نقضي على مسمى واسطه بس شيء سهل ان كل واحد يطور مفهوم مسمى الواسطه الى سبب بعد توفيق وتيسير من الله لدخول القطاع العسكري

طيب انا شفت بنفسي كثييير قدمو ومن اول مره وبدون معرفه او واسطه زي مانتداول بينا
وتوظفوا ماشاءلله تبارك الله من اول تقديم وهذا الله كاتبه له بدون سبب وبدون مايدخل في توظيفه اي احد

ملا حضه/ أنتبه يآ أخي المسسلم تجعلها شغلك الشاغل وتغنيك عن توكلك بالله
لا ن والله مستحيل واسطه تمشي بدون تيسير وتوفيق من الله عز وجل لا ن هو اللي بيده رزق كل واحد منا

ومافي اي واسطه تقدر تجيب لك رزق الله ماهو كاتبه لك والعكس صحيح


قال تعالى في سورة فاطر : (مَا يَفْتَحِ اللَّهُ لِلنَّاسِ مِن رَّحْمَةٍ فَلَا مُمْسِكَ لَهَا وَمَا يُمْسِكْ فَلَا مُرْسِلَ لَهُ مِن بَعْدِهِ وَهُوَ الْعَزِيزُ الْحَكِيمُ )فاطر2

والله يوفق الجميع يآرب


ولا تنسوني من دعائكم