03-11-2008, 01:28 AM
|
عضو نشيط
|
|
تاريخ التسجيل: Feb 2008
المشاركات: 186
معدل تقييم المستوى: 40
|
|
اقتباس:
المشاركة الأصلية كتبت بواسطة الشغوف
تحية طيبة وبعد ....
اليوم صار لي موقف مضحك نوعاً ما .... له دلال كبيرة على التخلف الموجود عندنا في مدراء الأقسام والمسؤؤلين اللي مو فاهمين ....
كلكم تعرفوا أنه في اختبار المواصفات والمقاييس الأسبوع هذا .. زي ما قريتوا في المنتدى وغيره......
طبعا أنا زي غيري رميت أوراقي .. وقلت أجرب .... أتصلت عليهم اليوم لأرى أن كان اسمي موجود أم لا .... فرد الموظف وسألته .. قال تعال بنفسك ,, قلت يالحبيب أنا في تبوك وما عندي طائرة خاصة أجيك أسأل عن أسمي فقط موجود أم لا .... قال وش اسمك .. قلت كذا كذا كذا بن كذا ... قال بادور عليه وبعد نصف ساعة دق .. قلت تمام
بعد نصف ساعة اتصلت.. قال وش اسمك ... قلت كذا كذا كذا بن كذا .... قال عندي اسم زي اسمك الي اللقب يختلف ... قلت تاكد يمكن خطا مطبعي .... قال اتصل على الرياض لان المعلومات عندهم . واعطاني الرقم .....
اتصلت بالرياض وكانت هذي عندهم حالة مستعصية ... اضطروا يحولوني الى مدير شوون الموظفين .... رد على المدير وسالني وش تبي ... اعطيتوه الهرجة ... قال على ايش مقدم قلت محلل مختبر - المرتبة السابعة ... قال وش موهلك .. قلت جامعي كيمياء حيوية .... قال لا..لا .... احنا استبعدنا كل الكيمياء الحيوية ... قلت ليه عسى ما شر.... قال احنا طالبين كيمياء فقط.. قلت والكيمياء الحيوية من الرياضيات جاية .. قال لا احنا طالبين كيمياء عامة ... قلت أنا طيب كيمياء حيوية وخبرتي كلها بالتحليل الكيميائي البحت وشغال على GC,HPLC,Atomic Absorption,, وغيرها اللي عمرك ماسمعت عنها ...
وزي ماتعرفوا ن الكيمياء الحيوية يمكن أن يعمل عمل الكيمياء العامة لأن هذا الاصل المتفرع منه لاكن العكس ما اظن لان الكيمياء العامة ما يدروسوا مواد الاحياء او الايض او جسم الانسان بشكل عام
قال احنا ماهمنا الخبرة .. أهم شي الموهل
قلت سبحان الله... يوم ندور على الوظيفة بالموهل تقولوا وين الخبرة .. ويوم نجيب الخبرة تقولوا نبي الموهل بدون خبرة .... والله عجب.
قفلت الخط وانا اضحك عل هذا الحالة اللي وصلنا لها .... الحمد لله أولا وآخرا |
والله خوفتني
لايسوون فيني جامعة الرياض زيك ويقولون حنا طالبين كيميا مو كيميا حيوي
الله يستر
|
)
العرض العادي
