بسم الله الرحمن الرحيم

اسعد الله مسائكم بكل خير


توني الان جاي من الدمام طبعاً اختبرت في كلية التقنية بالدمام

اخوكم خريج تقنية بمعدل إمتياز ولله الحمد والفضل والمنه تخصص دعم فني حاسب

وصلت اليوم الدمام الساعه 8 الصباح تقريباً وانافي الكلية

انتظرنا في قاعة الانتظار إلى ان نادوني ودخلت وقعنا على تعهدات عايديه مثل عدم مطالبه بالنقل لمده معينة تقريبا
4 سنوات

وكذلك تعهد ان الوظيفة دعم فني قريد 40 ..

طبعاً قريد 40 تعادل المرتبه 4 بالخدمة المدنية

هناك تلعب كبير بالمرتبات بعد تحويل TVTC إلى التأمينات الاجتماعية تقريباً في كل المؤسسات والهيئات بالمملكة حسبنا الله ونعم الوكيل

المهم تقريبا سويت المقابلة على اذان الظهر بصراحه متشددين المقابلة يعني يسألونك عن كل شئ

طبعاً الدرجات مقسمه 25 % اختبار التخصص بالمقابلة و 5% المظهر الشخصي و5% الثقافة العامة فقط والباقي بعتمد على المعدل والدورات والشهادات


نجي لـ المظهر الشخصي حاول تجي بثوب نظيف مكوي وشماغ مكوي وقفل اللي عند رقبتك ههههههه>>ناسي اسمها مسكين تووه جاي من الخط والله توني واصل الحسا ههه الحمدلله على السلامه

بصراحه فيه ناس مربين شعور ولا قصه اجنبيه بدون شماغ مثل بعض اهل الشرقية

نجي الان لـ الاسئلة الثقافة العامة كتالي: طبعاً بذكر لكم اللي جاتني وكذلك اللي جات الشباب في كليةالدمام

1- من هو وزير الدخلية ( نايف بن عبدالعزيز) ونائبة أحمد بن عبدالعزيز
2-امير حائل وامير الجوف وامير تبوك وامير الحسا واميرالقصيم وامير عسير
3- من هو مفتي عام المملكة
اعتقداذا ماني ناسي منهو وزير الزراعة



بالنسبه لـ مقابلة التخصص تختلف من تخصص لـ تخصص لكن انا دعم فني :
س- وش الفرق بين Ram والروم ..؟
وش درست بشكل عام في الشبكات ..؟
انواع المعالجات


تقريباً هذا كل شئ طبعاً انا طحت في واحد حليووو مطووع هههه اما الثاني ملكع ههههههه

للأسف فيه خبر سيئ انا سألت موظف قلت الاحتياج كم .. يعني ماشاء الله اهل الشرقية فقط 192

متقدم للمقابلة قال الاحتياج فقط 3 موظفين ..!! معقوله العدد هذا كله فقط 3 ..!!




تقريباَ هذا كل شئ والله يوفقكم دنيا واخره ياشباب ويسر اموركم ياشباب المستقبل


لاتحرموني من دعواتكم لـ لي ولـ والدي و لأ مي ان الله يشفيها ويعوضها في اخوي الجنه

والصلاه والسلام على سيدنا محمد وعلى آله وصحبه أجمعين









الله يوفقكم...