28-06-2011, 03:49 AM
|
عضو نشيط
|
|
تاريخ التسجيل: Jun 2011
المشاركات: 182
معدل تقييم المستوى: 28
|
|
السلام عليكم ورحمة الله وبركاته
اولا اعتذر شديد الاعتذار عن تاخري في الرد على بعض الاخوان , وماحصل لي بالمقابله
والسبب كان لاني جيت للرياض عن طريق البر يوم الجمعة الصباح وصارت ظروف على بال مالقيت مكان اجلس واريح فيه ,,, المهم ماعليكم بالطويلة اقول لكم وش صار لي بالمقابله
انا رحت لهم السبت الساعة 9 مبنى 4014بالدور الرابع الوكالة الفنيه ودخلت وسالت عن المقابلة وقال لي تفضل اجلس. المهم اللي كانو موجودين 14 واحد فقط من مهندسي الكهرباء
وانتظرت دوري ودخلت على ثلاث اشخاص اثنين منهم اصحاب رتب عاليه واذكر ان احدهم اسمه لقبه العوده وكان في واحد لابس لبس مدني
المهم دخلت وسلمت اوراقي الصور طبق الاصل لهم ,, وقالو لي تفضل وسالني بداية من اي جامعة انت ,, وبعدين قال لي وين اوراقك الاصل << انا خليت الاصل برا بالمكتب ههههههههه وقلت له اروح اجيبها قال لا اقعد
وبعدين سال عن مشرووع التخرج وشرحت له باختصار وسالني سؤال خاص بالمشروع
والسؤال اللي بعده كان عن طريق الشخص المدني واللي هو كم طولك وكم معدلك الدراسي
والسؤال اللي بعده العوده سال وش تخصصي بالضبط وايش التخصصات الكهربائية الموجودة بالكلية عندكم
واخر شي سال هل عندي اي استفسار ,,,
وقبل لا اطلع قال لي اعطي اوراقك للي برا ياخذها ويدبسها لك مع الصورة الشخصية وراح يردون علي الاسبوع القادم
هذا ماحصل معي بالتفصيل الممل
وفي شي ثاني صار لاحد المتقابلين بعد ماطلع وكان لابس نظارة وويوم خرج قال ياشباب قبل لا تدخلون فسخو نظاراتكم ؟؟؟ وانا صراجة استغربت هل يدققون بالنظر فالشباب كلهم اللي معهم نظارات فسخوها ودخلو المقابله
ومثل ماقال بعض الاخوان المقابلة تختلف من شخص لاخر بس الشي الوحيد المشترك بيننا ككلنا كان السؤال عن مشروع التخرج ,, والباقي اسالة عاديه مثل اسالتي واسئلة مثل ليه دخلت العسكرية واشياء روتينيه
واللي فهمته من المقابلة انهم حبو يعرفون الشخص المتقدم هل هو صاحي وعاقل بالغ ههههه و يعرف كيف يتكلم وهل اوراقه سليمه فقط لا غير ,, والباقي على رب العالمين
وان شاء الله اكون افدتكم بشي بسيط والعذر والسموحة عالتاخير
|
العرض العادي
