شف وانا اخوك مسئلة ان يجي احد يقول لك رح لهذا ولا اترك هذا فهذا غلط بحد ذاته لإن اللي بيدرس انت واللي بيستفيد او بيتضرر انت
انت وش براسك وش ميولك ووش اللي ينفع لك ووش تبي بالضبط ووش اللي يناسب تحصيلك العلمي وش اللي تقدر تمشي فيه ووش اللي ماتقدر
اترك كلام كل الناس وعن تجربة لا تدخل الا شي انت تبيه او عالاقل شي تعرف عنه كل شي ياما ناس دخلت طب وتوهقت وياما ناس دخلت ميكانيكا ومشت انا ما اقول ادخل ميكانياكا انا اقول لك ان العلم كله بعد توفيق الله بيدك يعني انت يمكن تدخل قسم مانبيه او مانفضله وتبدع فيه ..
هذا اللي اقدر اقوله انت اسئل عن كل شي واي شي يعني جب لك ورقة وقلم كل انا وش اللي ابيه ووش اللي اقدر عليه وحط تحت اقدر عليه مليون خط لإنك يمكن تقول انا ودي اصير دكتور طيب اذا انت تبي تصير دكتور لازم تعرف ان الدراسة يبي لها صبر وطولة بال واذا انت تقول ابي هندسة مثلاً قل هل انا عندي القدرة على اني ادرس الهندسة وهكذا
واكتب الاجوبة بورقة وحط كل الاحتمالات صدقني هالطريقة تفيدك 100 % جربها وشووووف
المهم لاتوقف اسئلة واذا تبي نصيحتي قسم بالله ثم قسم بالله ثم قسم بالله
ان التوفيق بيد الله يعني وانا اخوك وانا متأكد انك حريص لكن تذكير الصلاة لاتهملها ياما ناس قالت وياما ناس توظفت وتركت الصلاة ولا توفقوا فهذا اول شي لازم تعرفه ان التوفيق بيد الله اولاً واخيراً واذا امورك مع الله مضبوطة قسم بالله تحس براحة بال عظيمة وكل ابواب الدنيا تنفتح وامر مهم جداًجداً جداً
انت بتمر بمرحلة مفصلية بحياتك لازم تكون فيها ذاتك
تبي السر كله ؟؟؟؟؟؟؟؟؟
اقسم بالله العظيم ان الاستغفار هو حل لكل مشكلة وباب لكل بيت وحل لكل امنية يعني الزم الاستغفار قد ماتقدر وشوف كيف الدنيا تنفتح بوجهك
هذا اللي اقدر اقوله وبالتوفيق