بسم الله الرحمن الرحيم

السلام عليكم ورحمة الله وبركاته


اخوتي في المنتدى جاءت الزيادة في رواتب المدارس الاهلية وجاء الحزن معها بدل من الفرح فأصبحت

كثير من المدارس الاهلية لا تجدد عقود معلميها ولا معلماتها احتفاظآ بهذه الوظائف للاقارب ومن لهم معهم

مصالح -----ومشكلتي هي اني اعمل في احدى هذه المدارس واخشى من انهاء عقدي وهذه المشكلة

تؤرقني لدرجة اني افكر ان اقدم استقالتي حفاظآ على كرامتي وعلى نفسيتي

ارجو منكم توجيهي او مواساتي

اختي لا تستعجلين وإذا ربي كاتب لك رزق عندهم ماراح أحد يضرك

جزاك الله خير با ابوعبدالله ورزقك من حيث لا تحتسب

الان لما بدأت تتحسن الاوضاع في المدارس الخاصة ويصير فيه شوية عدل بين الحكومي والخاص تفكرين تستقيلين !!
مايصير اختي وغلط هالشي وتفاااائلي خير وخلي ظنك بالله كبير

آآآآآآآآآآآآآآخ يآريم

قسسم انك قلّبتي الموآجع ...

المدرستين الاهلية اللي قريبة مني وكان ودي اتوظف فيها

اقل شي خبرة ... كل اللي فيهآ اقآرب .. عمة خالة بنت آخت .. زوجة آخ

ومسستحيل نتأمل عندهم في وظائف ...

حتى مكتب الاشرآف عندنا كل مآتنزل عقود يصرفونها لاقاربهم بدون ماندري

عنهآ ... لآ وبالمركز الصيفي كان فيه تقديم وطلبوا 8 معلمآت فقط وطبعآ اللي متقدمآت

اكثر من 150 متقدمة ... وصديقتي سمعتهم بإذنها يقولون لبعض وش نسسوي الحين

طالبين 8 والمتقدمات كثير والملفات الموصى عليهآ 20 ملف .............!!!!!!!

يعني فيه 20 بنت عليها توصية ... تدرون وش ردوا عليها اللي جآلسين معها بالمكتب ؟؟

قالوا لها خذي الـ 20 وحنآ ندور لهم اي شغله بالمركز اهم شي يشتغلون بهآلمركز لان بعده

احتمال كبير تصير متعآقدة اذا انتهى المركز الصيفي .... وانا متأمله عليها لكن انا وين وهي وين

لكن ما اقول الا حسبي الله ونعم الوكيل والامل بالله كبيير

لكن حنا كيف بتجينا الفرصه وغيرنا حاجزين كل الشوآغر بالواسطات ؟؟؟

والله لو اقدر راح اشتكيهم لكن مو عارفه كيف الطريقه ولا وين اروح

وانتي يآ اختي اسأل الله ان يسسخر لك من عباده الطيبين ولايعترض طريقك

أحد ولآّ ربي يرزقك بالوظيفه الرسميه اللي تغنيكِ عن المدارس الاهليه ...

وسامحيني اخذت رآحتي بموضوعك ...

والله مشكلتنا في الفساد والواسطات مشكلة لازم يكون فيه رقابة وحماية لحقوق المواطن والله كل ما يصدر من الدولة من قرار في صالح المواطن الضعيف نلقى اهل الكروش ضفوها بالواسطات وبقينا على حالنا او اسوء

يا حبيبتي لا تتركين مدرستك ولا شيء
و على فكرة مدرستك هي الي بحاجتك الآن .. الوضع سيء بالنسبة لهم
ولازم تتوحد كلمة المعلمات في القطاع الخاص و يكونون يد وحدة
المدارس الأهلية الآن كلها حاطه يدها على قلبها خايفة من انقلاب المعلمات عليهم !
ولو حصلوا من قرايبهم عشرة ولا عشرين !
هذي مدرسة مو معهد
يعني مستحيل يقدرون يغطون الاحتياج الوظيفي
الوضع متأزم بالنسبة لهم اكثر منّا


لا تخافين .. و انتظري لين تصير الامور على بينة من جهتهم

الله يجزاك خير يا متأملة على مواساتي-----الله يكتب لك الخير وين ما كنتي