الف مبروك مبروك عالوظيفة
إيمان وش اللي دار بينكم أثناء المقابلة الشخصية ..؟

هل قالو لك ان وظيفتك أساساً بدون راتب بس بالنسبة ..؟
وبالنسبة لتوقيع العقد فيه شركات تتأخر اسبوع اسبوعين
بس المهم لايخلص شهر وللحين مافي توقيع عقد

وفي العقد أساساً راح يبين كل شي
وأنصحك لحظة توقيع العقد دققي فيه زين
ولاتخلين ولا نقطه ماركزتي فيها

واطلبي لك صورة من العقد ( من حقك )

واذا حسيتي الدعوة فيها لعب ودوران وماعجبوك لاتفصلين قبل لاتشكينهم ( طبعاً إذا لك حق )

وكل التوفيق لك يارب

شكر اخوي شفت العقد لانهم عطونا نسخه منه قبل الموافقه على التوظيف

العقد يقول نشتغل بالنسبه واعلى حد لنا 7000

نسبتنا تكون 10 % من كل منتج يتم بيعه عن طريق المندوبه

ولافيه راتب ابدن مجرد نسبه لا اكثر يعني على قد ماتجيبي عملاء تاخذي راتب بس بشرط

مايتجاوز دخل الشركة من العملاء سبعين الف عشان تاخذي سبعة الف طبعا مستحيل

نجيب 7000 والله ما ادري وش اسوي لاني سمعت قبل فتره ان وزاة الخدمة المدينة ممثلة في الموارد

البشريه تعطي نصف الراتب ومن هالكلام اتمنى الافادة اخواني هل عقدهم صحيح ام لا .؟

أتوقع عقدهم صحيح والله أعلم

بس أحس وظيفة بدون راتب مو زينة
انا والله ماودي أحطمك بس ترا والله الوظايف بذا الوقت بالذات كثيرة وبرواتب حلوة

بالتوفيق لك يارب

الله يجزاك خير كحيلان بس ابي الاكيد

هو صحيح او لا لان كلمتك حيرتني [ اتوقع ]

للرفع

ايمان حياتي شنو الشركة وينها فيه وتأكدي انتي مسجلة بالتأمينات ولا لا اهم شي التامينات تكونين مسجلة فيها تضمنين حقك وتقدرين تطلعين شهادة الخبرة من عندهم لانه ممكن شغلك مايعطونك خبرة وشغله ثانية بعض الوظايف تطلب شهادة خبرة القطاع الخاص تكون مصدقة من التأمينات اوكي انتبهي له النقطة وموفقه

لا مو مسجلة بتأمينات بس استفساري ياقلبي ابي اعرف هل فيه

شيء اسمه نشتغل بدون راتب فقط نسبه او لا بنظام القطاع الخاص

هلا بك ايمان

كل شي موجود في شغل براتب ونسبه وفي شغل بنسبه وبدون راتب وفي شغل براتب بدون نسبه
يعني وضعك عادي جدا انتي من النوع الي يعمل بنسبة بدون راتب وهذا شي عادي جدا
اما بالنسبة للتأمينات فما أتوقع يضيفونك فيها والسبب لان ماعندك راتب اصلا شلون يخصمون حق التأمينات ؟؟؟

بأختصار انتي تعملين بنسبة فقط وفي حال قدمتي استقالة بيعطونك شهادة خبره وباقي مستحقاتك فقط بدون تأمينات وبدون اي شي ثاني
وعلى فكره شهادة الخبره لما تقدميها على اي مكان يسألونك انتي كنتي مسجله في التأمينات ؟ اذا قلتي لا يعتبروا شهادتك مزوره او جايبتها بواسطه او او او والسبب لان اي واحد يقدر يجيب الف شهادة عشان كذا صاروا يربطون الشهادة بالتأمينات