السلام عليكم ورحمة الله وبركاته
اسعد الله اوقاتكم بكل خير
ياشباب كان فيه تقديم حرس الحدود يوم 14/6/1432هـ وماكان فيه لرتبه جندي الا دوريات امن بحري ودوريات امن بري الموهم انا قدمت على دوريات امن بحري على اساس انها تخص اي شي بحري وجاء قبول مبدئي على يوم 5/7
رحت للموعد وسويت مطابقه للشهائد وكان من ضمن الشهائد ثلاث دورات غوص غواص المياه المفتوحه وغواص متقدم وغواص بحث وانقاذ قال لي انت غواص بحث وانقاذ قلت له نعم قال لي ياخوي مافيه غير دوريات امن بري ودوريات امن بحري قلت له طيب انا سجلت دوريات امن بحري
قال لا تخصص بحث وانقاذ غير دوريات امن بحري قال لي راح اضيفها لاكن ماراح تجي بحث وانقاذ انا هدفي كله اني اكون في حرس الحدود بحث وانقاذ وخذيت دورات الغوص على اساس كذا
وفجاءه تتغير الامور عشان كذا يعني الغوص الي معي ابله واشرب مويته ولا اقدر اغير التخصص بعدين وقبل فتره قريت موضوع هنا مكتوب فيه تقديم ثاني خلال هذا الشهر لحرس الحدود فما ادري فيه تقديم ولا لا واذا كان فيه تقديم هل يطلبون غواصين ولا لا بالله عليكم ياشباب الي عنده خلفيه عن الموضوع يفيدني وله مني دعوه صادقه واسف على الاطاله