السلام عليكم

أخواني الكرام

أنا شاب عشريني طموح تجاوز طموحي الحلم السعودي المعروف لغالب الشباب وهو عباره عن وظيفه حكومية براتب محدد وبزياده سنوية محدده وقرض من البنك تتزوج فيه وتشتري سيارة جديده

وعلى هالحاله لحد التقاعد وبعد التقاعد يعيش على راتب التقاعد حتى يتوفاه الله

إخواني كان طموحي وفكرتي من الأساس هي التجارة
أني أشتغل لحسابي واستثمر وقتي لحسابي وأنمي دخلي حتى يصبح دخلي في اليوم يساوي دخل موظف حكومي في شهر
بعد الثانوية أنفحت الأبواب قدامي وطبعاً إستجابة لرغبة الأهل والوالد ولرغبتي أني شخصياً توظفت ولله الحمد
وحصلت على وظيفه
لكن الحلم الأول لايزال يراودني
ولكن كان لدي عوائق في وجهي تمنعني من تحقيق الحلم وهي
1-الوقت
2-رأس المال

والثاني كان ولايزال أكبر عائق في وجهي منعني من تحقيق أي خطوه تذكر كما سيأتي في سياق
الموضوع

بحثت و وجدت في البداية أنه الناس هابة في جني المال عن طريق الإنترنت
عن طريق الفوركس والبيع بالعموله وإعلانات قوقل المسمى قوقل أدسنس
وهي لمن لايعرفها أن تقوم بإنشاء موقع وتقوم قوقل بوضع إعلانات في
موقعك تتفق مع مضمونه وتعطيك مبلغ وقدره على كل ظغطه لكل إعلان
ولمعلومات أكثر أبحث عن قوقل أدسنس في النت واطلعو عليه
وأعجبتني الأخيره لاني واثق أنها حلال ولأنه تعامل مع شركه كبيرة معروفة ورسميه
أستخرت وبديت وأتكلت على الله وحده
فتحت موقع وما كلفني شيء كثير وضعت فيه محتوى وأيضاً حاولت أشهر الموقع و وضعت الإعلانات
للآسف المبلغ كان عباره عن هللات بسيطه لكل ظغطه والزوار لابد يكونون بالآلاف يعني لابد
عندك محتوى نادر ماهو عند أحد أيضاً أحياناً يكون فيه مشكلة تسبب لك إغلاق حسابك

بالأخير عرفت أنها فكره فاشله قبل البداية وتركتها

قررت أنه لجني المال لابد من العوده للواقع وللأرض يعني للسوق
وترك مثل مايسمى بالتجارة الإلكترونية
الشغل في السوق يحتاج إلى أمور معروفه لجميع

وهي
1-رأس المال
2-الفكره

هنا صدمت بعقبه كبيرة جداً

عقبة رأس المال
لابد من رأس مال ولا أريد أن يكون رأس المال دين لأنه بنظري هذا أكبر غلط
أنك تتاجر بمبلغ ماتعرف أنت يوفقك ربي وترده ولا لا

ممكن ماتقدر ترده وبدال ما تمشي قدام تصير ملزم بالسداد وترجع وراء خطوات وخطوات

بالأخير أعجبت بفكرت السمسره

هالشغله بتجيب رأس مال بدون رأس مال وصحيح أنها تحتاج تعب واتصالات ومعارف بس
بالأخير كل شيء لابد له من شيء في المقابل

وبالأخير أستخرت الله وبديت
الله وكيلكم يا أخواني مابقي شيء ماسوقته
العقارات والحديد والنحاس والاسمنت والاسهم وكل شيء حتى ملابس الأطفال وعطورات النساء
وبالأخير ماخرجت من هالقضية إلا بضياع الجهد والوقت والمال لصاح شركة الاتصالات الموقره
كنت ما أستقبل إلا عروض مباشرة أو على الأقل من الوسيط المباشر ونفس الشيء الطلبات
يجيك وسيط ويقول أنا مباشر مع أمير عنده فندق في المركزيه بيبيعه بالآجل بمليار ويجيك
الثاني يقول أنا مباشر مع رجل أعمال بيشتري الفندق
وأنت تشتغل اتصالات وتنسيق وتعب معهم على شان تحدد موعد يلتقى فيه الشاري والبايع
وبالأخير المساله كلها كذب في كذب وأنت الي تعبت وخسرت
حتى في الحديد شخص يقول أن عنده كمية قلت بأشوفه قبل ما أعرضها على أي أحد قال لازم
تجيب الزبون أول يعني يبيني أعرض حاجه أنا أساساً ما شفتها
ولا يجيك شخص ثاني يقول لا ما تشوفها لانك ممكن تعرف البائع وتلعب معه من وراي
والي يريحك ويقول العرض طلع وهمي ومافيه شيء مع أنه أول يحلف أنه شايف الحديد بنفسه

مالكم بالطويله بعد شغل شهور وشهور تركتها كلها وريحت نفسي
والحين أبحث عن فكره أو شغله أقدر منها أجمع مبلغ صغير أبدا فيه مشروع
منه تنطلق مسيرتي للتجاره

يا أخوان والله ثم والله ماني من الشباب الي يبي شيء بدون تعب

ولاني من الشباب يحلم أنه يصبح ثري ويملك ملايين وهو جالس على كنبه في البيت

وماني من الشباب الي يبغى يتعب شوي ويلقى فائده كبيره

أنا مجرد شاب طموح وللآسف ماتمكن يحقق طموحه

وأبغى فزعتكم معي تكفون الي يقدر يساعدني لايقصر والله جميل
يثيبه الله عليه ومستعد أعطيه نسبه وماني مقصر اذا الله وفقني

تكفون أبغى شغله أجمع منها رأٍس مال بسيط أبد فيه مشروع

أنتظر فزعتكم بالراي والمشورة والدعاء والمسااعده الجاده

وأنا جاد بإنتظار المساعده الجاده

تحياتي

فوق لأجلك والاخوان هنا ماشاء الله عليهم مايقصرون ابد

وبالتوفيق

ابدأ بمغسلة و ورشة وزيد العدد مع الوقت بيكون لك دخل احسن من الوظيفة وبعدين اترك الوظيفه لما يوصل الدخل للراتب او اعلى منه وتفرغ لمشروع جديد ركز كل جهدك فيه من دراسة جدوى وبحث عن المكان المناسب ومن هالامور وتوكل على الله

ضع هدف وأسعى إلى تحقيقه ستصل
لا تصدق كل مخبر
فيضيع عمرك
الخبر ما أرى لا ما أسمع
يمكنك اولا وضع هدف والسعي لتحقيقه عن طريق العمل تستطيع تكوين رأس مال جيد
تبدأ به حياتك التجارية ولكن لتكن بهدف ما الهدف الاساسي من تجارتك
هل هو تحقيق لكافة رغباتك تريد ان تغتني
ام هو تحقيق لذاتك وتقدير لامكانياتك
حاول ان تحدد هدفك
وتابع موضوعي بالمنتدى ان شاء الله تجد به كل ما تريد واكثر وانا واثق مما اكتب
حظ موفق
دمـــــــــــــــــــــــــــــــــــــاغ

أشكر الجميع على المرور والله يبيض وجيهكم ولاهنتم

وأنا والله لازلت أنتظر المساعده والحل للمشكلة

أبغى شخص يقرأ موضوعي ويفهم حقيقة المشكلة ويساعدني

والأمل بالله ثم بكم كبير.

للرفع

اخوي انا قريت موضوعك وكثييييير اثر فيني مدري ايش اقولك

ولكن اتمنى انك ماتيأس ابدا مهما يمر عليك من صعوبات وعوائق


بس انت ماوضحت هل لديك راس مال او لا كي نحاول نجد المشروع المناسب لك


وعلى العموم انا بشور عليك بالمشاريع التاليه لعل وعسى تميل لاي مشروع فيهم


وتحطه براسك ومع الجد والاجتهاد توصل لهدفك ان شاء الله

وش رايك بمحل خضار صغير او طاوله بمضله في شارع عام تحط عليها انواع الخضار والتمور

والعسل ان قدرت على ذلك حتى تطلع راس مال جيد وتبداء بمشروع اكبر

او كشك ذره بطاطس ايس كريم فشار بالثمامه

او تاجير دبابات هناك

وربي البلد فيها الاف المشاريع وفيها خيييييييييير كثييييير بس انت ركز على هدف معين

وحاول تحققه

وبالتوفيق

أشكرك أختي على الرد

أقري الموضوع كامل وبتلقين وش هي مشكلتي

لاهنتي على ردك وعلى تعاطفك.

للرفغ