السـلام عليكم ورحمة الله وبركاته ..


أخواني ..

سويت مقابلة شخصية في سامبا .. وسألوني عن الانجليزي قلت لهم كويس ..

قالوا تجي الاسبوع الجاي تسوي مقابلة بالانجليزي عشان نحطك في موقع افضل ..

انا بصراحة اطقطق شوي في الانجليزي يعني على قد حالي بس اخاف تكون اسئلتهم صعبه علي ..
ويصراحة ما اعرف مصطلحات التعاملات البنكية حاولت اقرأ عنها وان شاء الله اتعلمها ..


بس ابي اعرف طريقة المقابلة بالانجليزي وشلون راح تكون اسئلتهم ..


والله يجزاكم خير

راح يقولوا لك تكلم عن نفسك وكذلك ماذا تعرف عن البنوك

هذا السؤالين سألوني أيهما في شركة الحلول الممتازة لوظيفة ببنك سامبا وكان على مااعتقد سوادني الجنسية

تكلم وعن ماذا يقدم البنك باختصار في جمل بسيطة

هذا مشكلة الشعب السعودي يخاف من الانجليزي يارجال روح سوى مقابلة وتكلم عن نفسك بالانجلبزي وربك يسهلها ..

مساعد مبرمج محمد

ألف شكر لك ..
سألوني في الحلول نفس الشيء ..

ورحت البنك وقابلت بالعربية ..

بعدين قالوا الاسبوع الجاي تجي نسوي مقابله بالانجليزي


الف شكر لك أخوي

سبحانه ..

شاطي الحب ..

والله انا اطقطق شوي ..
بس يوم قالوا تجي نشوف لغتك مدري ليه حسيت ما اعرف اي بي سي

أخاف يبوني بلبل وانا على قد حالي

ع العموم ألف شكر لك

تبغا رأي لو ماقلت لهم انو عندك لغه لان بيوظوفك بيوظوفك

ميمو لاين ..

بالعكس انا اقول اللي عندي يمكن يرغبون فيني بزياده ..

تخيل اني ما قلت لهم وما دقوا علي بعدين ولا شيء .. كان تحسفت ..

ع العموم انا قاعد اسلي نفسي انه لا سمح الله اذا ما عديت هالاختبار انهم يقبلوني ع المكان اللي قبل ..

لانهم اصلا قالوا لو لغتك طلعت تمام نحطك في مكان افضل ..

وما باخذ الا اللي كاتبه لي ربي


لكن ان شاء الله اني اعديها على خير ..

مساعدتكم يا اعضاء أو دعواتكم

الله يوفقك ويوفقنا.. دوم كون واثق من قدراتك وبالغ حبتين في مدح نفسك

هي حكاية تسويق لشخصيتك
الله يوفقك ويرزقك بالوظيفة الحلوة ويرزقني ويرزق الجميع

الله يوفقك

سويت مقابله في بنك سامبا من شي ثلاث اسابيع في احد الفروع وقالو بنرد عليك ولا شفت شي منهم يا ترى يا هل ترى يطولون على ما يدقون ولا اغسل يدي واشوف لي مكان ثاني