السلام عليكم ورحمة الله وبركاته

كيف حالكم [IMG]http://www.*****.com/smiles/data/22/Big-Smiles-1.gif[/IMG]
بخير
مبسوطين

وش علومكم
مذا عنكم وعن عوالكم


من المسعول؟؟؟؟


كل شعوب العالم تتطور وانا اقصد الشعوب ما اتكلم عن المؤسسات الحكومية او الشركات

على مستوى الافراد ...جميع شعوب العالم اللي عندها نصف امكانيات السعودية نلقى شعوبها مخترعين او مفكرين

ليش؟؟[IMG]http://www.*****.com/smiles/data/22/36_11_18[1].gif[/IMG]

لان كل شي مسخر لخدمتهم من انظمة وقوانيين وتكنولوجيا حتى العاملين في الدولة تلقاه يسخر نفسه لخدمتك وكل القوانيين تخدمك

وفي بعض الدول يتم تعديل بعض الانطمة كل كم سنة لانها صارت قديمة
يعني على سبيل المثال في نيوزيلنده لما تنتهي رخصتك توصلك ثاني يوم على البريد يعني ما يحتاج تروح للمرور وتجددها وتنتظر اسبوعين

في الاحوال المدنية عندنا عشان تجدد البطاقة تروح تسوي بصمات وتنتظر اسبوعين عشان تجي البصمات من الرياض...طيب ليش تروح الرياض...؟؟ ليش كل هالتعقيد؟؟

وكمان لما تجي يقولك جيب اربع صور شمسية 3*4 وصورة البطاقة القديمة من غير القرارات الارتجالية يعني كل موظف له نظام لوحده يعني يمكن يقولك جيب شهود ...


في امريكا اذا تبي تطلع شريحة اتصال ما يحتاج تروح للشركة ...تضغط رمز في التلفون وتختار من قائمة الشركات الشي اللي يناسبك...وتتصل على المندوب وهو يجيك....ويعطيك مع الشريحة جهاز مجانا...

عشان كذا نلقى الشعوب الغربية الكافرة ماتشيل هم أي مراجعة في أي دائرة حكومية ونلقى ادمغتهم صافية يعني مهيئة لخدمة البشرية....حتى يوم تصحى الصباح في فرنسا تمر على جارك تقوله بونجور يرد عليك الف مبروك لقد سعدت بهذا الخبر ...وتلقى البزارين في البرتغال يوم يشوفونك يوقفون اللعب احتراما لك ...

عندنا في السعودية الوضع مختلف تماما وكأننا عايشين في جزيرة خارج التاريخ ...تحتاج واسطة في أي مكان تروح له حتى لو كنت صاحب حق...
تصحى الصباح تسلم على جارك يقولك وين رايح واذا كان طيب معاك قالك استح على وجهك ماتشوف العوايل..؟؟؟

في العصر تصحى تلقى قزاز سيارتك مكسور...والا الكفر منسم....

عندك معاملة في دائرة حكومية تضطر انك تستاذن عشان تخلص امورك وتروح من بدري عشان تخلص بدري تتفاجأ ان الموظفين ما يداومون الا بعد الموعد الرسمي بساعتين وانت مصالحك متعطلة وهو اما انه نايم او قاعد يفطر...[IMG]http://www.*****.com/smiles/data/22/36_1_25[1].gif[/IMG]

تشتري سلعة تلقها في محل ثاني باقل من نصف السعر....[IMG]http://www.*****.com/smiles/data/22/36_1_12[1].gif[/IMG]

حقوقنا مسلوبة ولا نعرف لمين نشكتي....

كل شي ضدنا ...الوزارء اصحاب الشركات حتى العمالة ...

شوراعنا مكسرة ....

وبعد كل هالمعاناة يبون اننا نكون ايجابيين ....الايجابية تكون من طرفين وليست من طرف واحد...والا ما منها فايدة...

يعني يبوننا نمشي بسياراتنا الجديدة على شوارع مكسرة ولا نزعل

ويبون الاتصالات السعودية تسرقنا ولا نزعل
ويبون مصالحنا تتعطل ولانزعل

سافرت لدولة اوروبية قبل برهة من السنين قابلت رجل عامي يحذرني من ان البلاستيك مادة صعبة التحلل...

ورجل اخر عامي في دولة اوروبية ثانية يقولي لا تكثر من استخدام المبيدات الحشرية لانها تضر طبقة الاوزون..
وعندهم مستحيل تمشي سيارة مكينتها مبوشة...؟؟؟تدرون ليه؟؟لان الدخان المنبعث من الشكمان يزيد من ثقب الاوزون...

عاد يوم وصلت السعودية قابلت واحد عند شركة التأمين له معاملة من 3 شهور والتأمين قاعد يماطل به.....والرجال منفقع قلبه ولا هو عارف كيف ياخذ حقه مع ان الحق له...قلت له هل تعلم ان البلاستيك يضر طبقة الاوزون لانه لا يتحلل بسرعة؟؟قال قم انقلع لا احلحل ضلوعك...

وواحد ثاني قابلته عند الاحوال...يبغى يضيف بنته >>>قسم بالله موب انا....الاحوال قالوا له اول شي تغير هويتك الوطنية وتخلي الصورة ابيض واسود وبعدين تقديم بشهادة الملاد ونعطيك كرت عايلة قديم وانت بعدين رح قدم من جديد وطلع كرت العايلة الصغير...

عاد انا قربت منه وقلت له ...هل تعلم ان طبقة الاوزون مفقوعة وقاعدة تنسم علانا اشعة فوق بنفسجية ضارة ....قالي فارق لا افقع خشمك...

رحت لواحد اشترى سيارة من السوق مستعملة وبعد يومين لقيها مصدومة...لا...وكانت حق شركة تأجير سيارات...لا....ومشتريها بأعلى من سعر السوق..هههههههههه مسكين ماكلها صح..

قلت له ان البلاستيك مضر بالصحة لانه يزيد من التحلل الانطباعي لاعضاء الجسد....قالي قم والا قسم بالله لا اخلي وجهك يلعن قفاك....يعني يصير وجهي زي هذا الفيس[IMG]http://www.*****.com/smiles/data/22/36_6_8[1].gif[/IMG]

بالله ياجماعة العرب كيف تبوننا نصير ايجابيين وحقوقنا ضايعة.....

امس اكلت مطب والله العظيم من قوته ان عظيت لساني....
وقبل شهرين كتابة عدل خليص مضيعين صكوكي يقولي الموظف يمكن جيت اخذته من زمان...شوفوا العذر بالله
والا خويه يبي يرقع له قال يمكن مسوي وكاله لواحد وجا اخذه....طيب اذا اني مسوي وكالة وشهوله جاي الحين وضارب مشوار 90 كيلو..


كتابة عدل جدة يلخبطون الصكوك يعني ممكن تجي اول واحد وتطلع اخر واحد...ولما تبي تشتكي يقولك المدير عنده اجتماع...

سيارتي تشلحت عند اكبر كوفي شوب في جدة ولما رحت ابلغ عنها قالي العقيد رح كيلو 2 يمكن تحصل القطع المسروقة!!!!!

النفايات المنزلية تحاصرنا والسبب اضراب العمال...!!!

الاتصالات السعودية تطالب الشعب بمبالغ خيالية بدون أي سبب...

والخطوط السعودية تأخر الرحلات وتعذب المواطنين...وفي رواية انها تأكلهم لحوم حمير....الحمدلله ماعمري سافرت على خطوطهم....الله يخلي هالمحروسة


اطلع بها أي مدينة في السعودية واذا ابي اسافر برا الله يخلي الخطوط الاجنبية


احنا يالعرب المفروض نتحد مع الروؤساء والملوك اكثر من اي وقت سابق مو نتهاوش مع القادة زي ما صار مع علي عبدالله صالح مسكين فلقوا راسه بكريك وهو قاعد يسوي سمك...

والسلام عليكم ورحمة الله وبركاته

اخوكم قاصر الشر....كاتب سياسي ومعلم شاورما سابق وعميد رابطة منسمي البطالة

على فكرة الاخ اللي نصب عليه التأمين للحين يراجعهم

فمان الله
[IMG]http://www.*****.com/smiles/data/22/36_1_39[1].gif[/IMG]