السلام عليكم ورحمة الله وبركاته
كيف حالكم جميعا هذي الفكره خاصه باهل جده والرياض
الفكره هي تروح لمحلات قماش الكنب والستائر وتجيب منهم كتالوجات الاقمشة اللي عندهم طبعا من كل محل نبي اقل شي عشر كتالوجات تكون نفس النوع علشان اوزعها على المحلات اللي عندي وكل مازاد عدد الكتالوجات كل مازادت فرصتك في دخل اكبر طبعا النظام رح يكون طلبيات شبه يوميه وهي اني انا اتصل عليك واعطيك رقم الكنالوج ورقم القماش واطلب منك مثلا 30 متر خلنا نقول المتر ب9 ريال مثلا9×30=270 ريال هذي قيمة القماش وعندنا يحسب على الزبون المتر ب15 ريال يعني 15×30=450 طلع معانا 180 ريال مكسب اخصم منها قيمة الشحن 20 ريال باقي 160 ريال وهذا المكسب يقسم علي وعليك طبعا هذا حساب طلبيه وحده فقط وانت احتمال يكون عندك في اليوم الواحد ثلاث طلبيات وانت طالع اللي حاب يشتغل معاي وعنده صبر حياه الله
المجال مفتوح للجميع شباب وبنات مع اني شايفها صعبه على البنات بس اللي يبي يشتغل حياه الله وهذا الشغل يبي له مجهود ومايبي له راس مال لانه حنا نحول لك قيمة الطلبيه وتحياتي للجميع وانتظر منكم الاقتراحات والردود المشجعه والانتقادات البنائــــه.....

طيب يا جندي ... الكتلوجات تقصد اجيبها من المعارض ؟؟؟

وكيف اجيبها ؟ اشتريها أو اتسلفها ؟؟

وضح لي تكفى

الكتلوجات تجيبها من المعارض هم يوزعونها بلاش على المحلات وانت فهمهم انك تبي تصير لهم مندوب وبتجيب لهم شغل طبعا اذا شافوك سعودي بيطفشونك حاول تكون سياسي معاهم لانهم مايبون السعودي يستفيد ابد وانت وشطارتك

مو الان عندي بكره اختبار الرخصه من دله لكن لما اطلع السيارة ابشر حطيت الموضوع بالمفضله للرجوع له فيما بعد ياليت تترك ايميلك بالخاص عشان ممكن شهر او اقل اراسلك ويكون بيننا شغل

انت من جده ام الرياض ياليت رقمك خاص اتواصل معاك انا من جده اخوك ابو ياسر

بالتوفيق للجميع يارب

بس لو تصلح كتالوج خاص فيك أحسن لك
ويكون مميز

ماراح يكلف شيْ

وعليكم السلام ورحمة الله وبركاته

هلا اخوي الله يوفقك ويبارك فيك

طيب اللحين انت تبيني ارسللك الكاتالوجات حقت الاقمشه
الكتالوجات حقت اي محل اقمشه ولاتبي نوعيه معينه
وبعدين اللي فهمته منك اني ماادفع ولاشي كل شي مدفوع مسبقا

ارجو التوضيح وان شاء الله ربي يكتب لنا الخير

الله يبارك لك ياخوي

الفكرة حسب مافهمتها تكون مندوب توزيع لجميع الشركات التي تبيع القماش بالجملة
سوا بالرياض او جدة ولكن مندوب لحسابك الخاص

اول خطوة

تذهب بزيارة الى مقر هذه الشركات وتتطلب منهم اخر مثلا خمسة كتلوجات نزلت من شركتهم وتأخذ من كل كتلوج 10 نسخ يصبح الأجمالي 50 كتلوج لخمس شركات

بعد ماتتحصل على الكتلوجات ترسلها الى جندي وجندي يوزعها على المحلات التي عنده

وعندما ياتي الزبون ويختار نوع من الموديلات من احد هذه الكتلوجات يتم اخذ رقم القماش واسم الشركة ويتم ارسال الطلب لك لتذهب الى الشركة وتعطيهم رقم الموديل مع عدد الأمتار المطلوبه ومن ثم يتم ارسالها الى جندي هذا اذا كان فهمي صحيح

-------------------------------

سؤال ليس موجه لك ولكن الى المحلات التي سوف تاخذ الكتلوجات كيف اضمن إن المحل لن يقوم بالأتصال مباشرة بالشركة ويطلب الطلبية بعد ماوصلت الكتلوج له وخاصة الكتلوج فيه ارقام وعناوين الشركة

اخوي مداقش في زحمة الكتالوجات اي محل او اي شركة وبالنسبة لك انت مارح تدفع ولا ريال