26-01-2012, 09:30 PM
|
عضو نشيط
|
|
تاريخ التسجيل: Oct 2011
المشاركات: 163
معدل تقييم المستوى: 27
|
|
اقتباس:
المشاركة الأصلية كتبت بواسطة solitarywitch80
السلام عليكم جميعاً
انا قسم انجليزي مع دبلوم حاسب وباشتغل في مدرسة اهلية
المهم و انا قدمت قسم الجودة , واختبرت يوم 17 محرم وبعدها بالظبط بثلاثة اسابيع دقوا عليا من هاتف ثابت قرب ادان العصر انها عديت الاختبار الحمدلله ولي مقابلة شخصية بعد اسبوع الساعة تسعة , سويت المقابلة واخبتروني في الاكسل , وقالولي هندق عليكي خلال اسبوعين وسألتهم اذا هتدقوا في حال القبول والرفض قالولي ايه نعم
بعدها باسبوع بالظبط جاتني رسالة على الجوال من المدينة انه لي مقابلة شخصية يوم السبت في قسم شئوون المرضى ولازم اجيب السيرة الذاتية والخبرات
يومها كان المفروض انه المقابلة الساعة 2 بس دقوا عليا الساعة عشرة قالولي اذا يمكن تجي قبل 2 , قلت خلاص 12 اكون عندهم
رحت ولقيت بس 5 بنات او 6 وما ادري عن الرجال اللي مقدمين زينا ,
دخلت والصراحة كانت المقابلة في غاية الرقي والاحترام وكان رئيس القسم واضح في اسئلته وجدي وباين انه يبغى الفريق اللي بيعينه انه يكونوا كفء ولهم القدرة على حل المشكلات والجدية في العمل .
انا الصراحة ارتحتلهم بس انتهت المقابلة وقالوا هتصل عليكي , والله المعين
على فكرة سمعت من البنات انه كير اعتذروا عشان كده خلوا مقابلتي وقت قبل
يمكن عشان حكاية انهم ما يبغوا في شئون المرضى لأنها شفتات وكده ويمكن يتصلوا عليهم في اي وقت في نص الليل
والله يكتب اللي فيه الخير
|
صراحة شي غريب انا اختبرت وكمان عملت المقابلة الشخصية من حوالي شهرين وكنت انتظر الترشيح النهائي للوظيفة و الحين ارسلو لي رسالة تفيد ان عندي مقابلة شخصية
في قسم ادارة علاقات وشئون المرضى بالمبنى الرئيسي ويرجى احضار السيرة الذاتية ونسخة من الشهادات والخبرات ايش السالفة الله اعلم ونقول يارب تفرج بعد طول الانتظار علما ان تخصصي فني سجلات طبية
|
بس معليش ابغى احد يجاوبني انا اسمي طلع من تبع وزارة الصحه بالبداية طرررت من الوناااسه بس لما نزل توجيهي صراااحه انصدمت بقووووووه نزل بالباحه وانا من المدينة....!!!
....؟؟؟؟
العرض العادي
